រទេះរុញកូនប្រុស Khloé Kardashian ម៉ាក Dior មានតម្លៃខ្ពស់ដូចមាស

Khloé Kardashian បានប្រារព្ធទិវាអ្នកម្ដាយកាលពីថ្ងៃអាទិត្យជាមួយគ្រួសារ ដោយបង្ហោះនូវរូបភាពនិងវីដេអូជាច្រើនបង្ហាញឲ្យឃើញកូនប្រុសអាយុ ៩ ខែរបស់នាង ។

កូនប្រុស Khloé ឈ្មោះ Tatum Thompson ត្រូវគេសង្កេតឃើញកំពុងនៅក្នុងរទេះរុញពណ៌ទឹកប៊ិចរបស់ Dior តម្លៃ ៤,៩០០ ដុល្លារ ដែលជារទេះដ៏ប្រណីត ស័ក្ដិសមនឹងតម្លៃ ។ រទេះ Dior នេះផងដែរ ធ្វើឡើងយ៉ាងស្បែក មានមុខងារបត់បែនច្រើនកាលៈទេសៈ មើលមកទាន់សម័យតែម្ដង ។

ជាមួយគ្នានេះ Stormi និង Aire ដែលជាកូនរបស់ Kylie Jenner ត្រូវជាបងប្អូនជីដូនមួយរបស់ True និង Tatum ក៏មានរទេះរុញដូចគ្នាដែរ ។ ពួកគេទទួលបានវាកាលពីឆ្នាំមុន ជាមួយនឹងកាតាបដាក់កន្ទបតម្លៃ ៣,៣០០ ដុល្លារ ទៀតផង ។

ចាប់តាំងពី Tatum កើតតាមរយៈការពពោះជំនួសកាលពីខែកក្កដា ឆ្នាំ ២០២២ មក Khloé តែងតែព្យាយាមបង្អួតពីកូនជានិច្ច ៕

ប្រែសម្រួល​ ៖ វារី

ចុចអាន ៖ គ្រាន់តែចេញក្រៅធម្មតាសោះ តារាម៉ូដែល Kendall Jenner ស្លៀកខោខូវប៊យតម្លៃជិត ៧ ពាន់ដុល្លារ