Connect with us

KPT+

ហេតុផល ៥ កុំវាយបកវិញ នៅពេលមានមនុស្សផ្តល់យោបល់ដល់យើង

បានផុស

នៅ

ចូរកុំ​វាយ​តប​ នឹង​អ្នក​ដែល​ផ្ដល់​ដំបូន្មាន​ដល់​អ្នក ទោះបីជាការពិតយើងមិនបានសុំដំបូន្មានពីគេក៏ដោយ។ ព្យាយាម​រៀន​គ្រប់គ្រង​អារម្មណ៍ ទើបអាច​ទទួល​យក និង​បណ្ដុះបណ្ដាល​ផ្នែក​ល្អ​បានល្អ។ ជាពិសេស​ការ​ស្ដាប់​យោបល់​របស់​អ្នកដទៃ​ ក៏​សំខាន់​ផង​ដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះ​ជា​ហេតុផល​មួយ​ចំនួន​ ដែល​មិន​ត្រូវ​វាយ​បក​វិញ​ភ្លាមៗ នៅ​ពេល​ដែលអ្នកកំពុងមានមនសុ្ស​ផ្ដល់​ដំបូន្មាន ហើយអ្នកក៏បានផលល្អមកវិញដែរ។

១ ភាព​អត់ឱន​ត្រូវ​បាន​បង្កប់​នៅ​ក្នុង​ខ្លួន សារៈសំខាន់​នៃ​ការ​ស្ដាប់​អ្នក​ដទៃ គឺជា​ហេតុផល​មួយ ដែល​មិន​ត្រូវ​វាយបក​ភ្លាមៗ នៅ​ពេល​នរណា​ម្នាក់​ផ្ដល់​ដំបូន្មាន។ គោល​ដៅ​គឺ​អ្នក​អាច​បង្កើត​ភាព​អត់​ធ្មត់​ក្នុង​ខ្លួន​អ្នក​។ វិធី​នោះ អ្នក​អាច​គោរព​គ្នា​ទៅវិញទៅមក។ ការ​យល់​ច្រឡំ​ដែល​បង្ក​ឲ្យ​មាន​ជម្លោះ​ និង​ការ​ឈ្លោះ​ប្រកែក​គ្នា​ អាច​ត្រូវ​បាន​កាត់​បន្ថយ​ដោយ​ព្យាយាម​ស្ដាប់​វា​ជា​មុន​សិន។ ដូច្នេះ​អ្នក​អាច​ស្តាប់ និង​យល់​គ្នា​ទៅវិញទៅមក ហើយ​ពង្រឹង​សមត្ថភាព​ក្នុង​ការ​គោរព​អ្នកដទៃ​ដែល​ផ្ដល់​ដំបូន្មាន​​ដល់​អ្នក។

២​ ការ​វាយ​ប្រហារ​អ្នក​ដែល​ផ្ដល់​ដំបូន្មាន មិន​មែន​ជា​អាកប្បកិរិយា​ឈ្លាស​វៃ​ទេ ពេលណា មិត្តភ័ក្ដិ មិត្ត​រួម​ការងារ ឬ​សមាជិក​គ្រួសារ​ផ្ដល់ ដំបូន្មាន​ដល់​អ្នក ហើយ​អ្នក​តវ៉ា​តប​តាម​ការ​ស្នើ។ វា​ច្បាស់​ណាស់​ថា​ នេះ​មិនមែន​ជា​ចលនា​ដ៏​ឆ្លាតវៃ​នោះ​ទេ។ អ្នកប្រាជ្ញ គឺ​អ្នក​ដែល​មាន​ចិត្ត​ចង់​ស្ដាប់​ល្អ ពេល​អ្នក​ដទៃ​និយាយ ទាំង​ពេល​ផ្ដល់​យោបល់ បញ្ចេញយោបល់ ឬ​អ្នកដទៃ។ រៀន​ឆ្លើយ​តប​យ៉ាង​សមរម្យ​ ចំពោះ​ការ​ផ្ដល់​យោបល់​ពី​អ្នក​ដទៃ។ ម្យ៉ាងទៀត ព្យាយាម​ដោះស្រាយ​ស្ថានការណ៍ និង​ព្រឹត្តិការណ៍​ឲ្យ​កាន់​តែ​ឆ្លាតវៃ។ ប្រាជ្ញា​ដែល​អ្នក​ដាក់​បញ្ចូល​ក្នុង​ខ្លួន​ឯង​ នឹង​ជួយ​អ្នក​ដោយ​ស្វ័យ​ប្រវត្តិ​ក្នុង​ការ​ផ្ដល់​ការ​ឆ្លើយ​តប​ដ៏​ត្រឹម​ត្រូវ​ដល់​អ្នក​ដទៃ។ ដូចនេះ អ្នក​អាច​គ្រប់គ្រង​ខ្លួនឯង​កុំឲ្យ​វាយតប​នឹង​នរណា​ម្នាក់​ដែល​ផ្ដល់​ដំបូន្មាន​ដល់​អ្នក។

៣ សិទ្ធិ​អំណាច​អាច​មើលឃើញពីរបៀបដែលប្រព្រឹត្ត ចូរ​បង្ហាត់​ខ្លួន​ឯង​ឲ្យ​ក្លាយ​ជា​មនុស្ស​ពេញ​ដោយ​សិទ្ធិ​អំណាច​ជានិច្ច។ នៅពេលដែលនរណាម្នាក់​ផ្តល់ដំបូន្មាន​ដល់អ្នក ទោះបីជាអ្នកមិនបានសុំក៏ដោយ ចូរព្យាយាមកុំ​បដិសេធ ជាពិសេស​កុំ​វាយបក​គាត់ភ្លាមៗ។ ប្រសិនបើអ្នកចង់ឆ្លើយតប ចូរបន្តបង្ហាញការគោរព ហើយ​ជ្រើសរើស​ពាក្យ​ដែល​មិន​ប៉ះពាល់​ដល់​គាត់។ ពី​វិធី​ដែល​យើង​ប្រព្រឹត្ត នៅ​ពេល​ដែល​នរណា​ម្នាក់​ផ្តល់​ដំបូន្មាន វា​នឹង​បង្ហាញ​ពី​សិទ្ធិ​អំណាច​ពិត​ប្រាកដ​របស់​អ្នក។

៤ បង្កើត​សន្តិភាពនៃបរិយាកាសឡើងមក នៅពេលដែលមាន​មនុស្ស​ផ្តល់ដំបូន្មាន ហើយ​អ្នកវាយប្រហារ​ភ្លាមៗ ជាធម្មតាអារម្មណ៍​នឹង​កើន​ឡើង​ជា​អវិជ្ជមាន។ ជាការពិតណាស់ នេះអាច​នាំ​ឲ្យ​មាន​ភាព​វឹកវរ។ មិន​ត្រឹម​តែ​មាន​ភាព​ចលាចល​ក្នុង​ខ្លួន​អ្នក​ប៉ុណ្ណោះ​ទេ ប៉ុន្តែ​បរិយាកាស​ជុំវិញ​អ្នក​នឹង​ត្រូវ​ប៉ះ​ពាល់។ ដូច្នេះ​ត្រូវ​មាន​ប្រាជ្ញា​ក្នុង​ការ​បង្ហាញ​អាកប្បកិរិយា​របស់​ខ្លួន​ដើម្បី​ឲ្យ​បរិយាកាស​នៅ​មាន​សន្តិភាព និង​ស្ងប់ស្ងាត់​គ្មាន​ជម្លោះ។

៥ត្រូវបានគេស្រឡាញ់កាន់តែច្រើន មនុស្សដែលផ្តល់ដំបូន្មានដល់អ្នក គឺដោយសារតែគាត់យកចិត្តទុកដាក់ចំពោះអ្នក។ មាន​ន័យ​ថា​ គេមាន​សេចក្ដី​ស្រឡាញ់​ចំពោះ​អ្នក​។ ដូច្នេះ ជំនួស​ឲ្យ​ការ​ខ្ជះខ្ជាយ​ថាមពល​ដោយ​វាយ​ប្រហារគាត់ វាជាការប្រសើរក្នុងការដឹងគុណ ហើយ​ព្យាយាម​បណ្តុះ​ដំបូន្មាន ដើម្បីឲ្យវាមានឥទ្ធិពលវិជ្ជមាន​លើអ្នក។ ការស្តាប់ដំបូន្មានក៏អាចរារាំងអ្នកពីកំហុស ដែលអ្នកមើលមិនឃើញនៅក្នុងខ្លួនផងដែរ។ រៀនពីចំណុចនៃដំបូន្មាន ដែលបានផ្តល់ឲ្យអ្នក។ ប៉ុន្តែប្រសិនបើវាផ្ទុយនឹងគោលការណ៍ ចូររក្សាការដឹងគុណចំពោះអ្នកដែលបានបង្ហាញការយកចិត្តទុកដាក់ចំពោះយើងទៅបានហើយ។

លើសពីនេះ ការផ្ដល់យោបល់ក៏អាចជាមធ្យោបាយនៃការវាយតម្លៃ ដំណើរការដែលអ្នកបានឆ្លងកាត់ផងដែរ។ ដូច្នេះ ចូរ​ព្យាយាម​ធ្វើ​ចិត្ត​ឲ្យ​ស្ងប់ ហើយ​គិត​ឲ្យ​បាន​ច្បាស់ ទើប​អាច​ទទួល​យក​ដំបូន្មាន​ពី​អ្នក​ដទៃ​បាន​ត្រឹម​ត្រូវ។ ប៉ុន្តែ​ប្រសិន​បើ​ពិត​ជា​ដំបូន្មាន​ដែល​បាន​ផ្តល់ឲ្យ​មិន​សមរម្យ។ វា​នៅ​តែ​គ្មាន​ហេតុផល​ សម្រាប់យើង​ដើម្បី​វាយ​ប្រហារ​គាត់​។ ព្រោះ​វា​មិន​មែន​ជា​អាកប្បកិរិយា​គួរ​សម​ និង​ឈ្លាសវៃ។ ការស្តាប់ដំបូន្មានគឺជារឿងសំខាន់ អ្នកក៏ត្រូវយកចិត្តទុកដាក់ពីរបៀបឆ្លើយតបទៅនឹងវាផងដែរ ដើម្បីកុំឲ្យមានការឈ្លោះប្រកែកគ្នា ។

ប្រសិនបើវាពិតជារំខានអ្នកខ្លាំង មិនចាំបាច់វាយប្រហារគាត់នៅពេលនោះទេ ស្តាប់ហើយព្រងើយកន្តើយ។ នោះជាការប្រសើរ ជាងអ្នកផ្តល់ការវាយប្រហារ ដែលបញ្ចេញតែថាមពលវិជ្ជមានរបស់អ្នក៕

ប្រែសម្រួល៖ សាង ស្រីល័ក្ខ

ចុចអាន៖សញ្ញា ៥ បញ្ជាក់ថា អ្នកទុកចិត្តមនុស្សខុសហើយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម