Connect with us

KPT+

កំហុសធំៗ ៦​ យ៉ាង ស្រីៗតែងធ្វើឲ្យ Skincare បាត់បង់ប្រសិទ្ធភាព

បានផុស

នៅ

តាមការវាស់ស្ទង់កន្លងមក ស្ត្រីម្នាក់ចំណាយប្រាក់ដល់ទៅ២០ទៅ៣០ម៉ឺនដុល្លារក្នុងមួយជីវិត ទៅលើផលិតផលថែរក្សាសម្រស់។ ទន្ទឹមនោះ​ ផលិតផលថែរក្សាសម្រស់សព្វថ្ងៃ​ មាន​គ្រប់មុខ​តាំង​ពី​ចុង​សក់​ដល់​ចុង​ជើង។

ជាក់ស្ដែង​ដូចយើង​ឃើញ​រាល់ថ្ងៃ​ ​ទោះបី​ជា​នារីៗ​ប្រើ​ផលិតផល​ដូចគ្នា​ក៏​ដោយ ​ប៉ុន្តែ​ផល​ដែល​ទទួល​បាន​ខុសៗ​គ្នា អ្នក​ខ្លះ​ស្អាត ខ្លះ​នៅ​ដដែល​ អាច​នឹង​យ៉ាប់​ជាង​មុន​ក៏​មាន។ កំហុស​ធំៗ​ទាំង ៦នេះ​ហើយ ​ដែល​ស្រីៗ​កំពុង​ធ្វើ​ខុស​ដោយ​មិន​ដឹង​ខ្លួន៖

១. មិន​លាប​ឡេ​ការពារ​កម្ដៅ​ថ្ងៃ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មនុស្សមិនតិចទេ​ ដែល​ប្រើ​ផលិតផល​ថ្លៃៗ​ល្អៗ​ហើយស្បែកមិនប្រសើរឡើងសោះ មូលហេតុ​នោះ​គឺ​ឡេ​ការពារ​កម្ដៅ​ថ្ងៃ​នេះឯង ពួកគេ​អាងថា​ប្រើ​របស់​ថ្លៃ​ហើយ​មិន​ចាំបាច់​ប្រើឡេការពារ​នោះទេ ការ​ពិតបើយើង​មិន​ប្រើ​ឡេ​ការពារ​ទេ​នោះ​អ្វី​ដែល​យើង​បាន​ប្រើ​ទាំង​ប៉ុន្មាន​ សុទ្ធ​តែ​មិន​អាច​ដំណើរការ​លើ​មុខ​ទាំង​អស់។

២. លុបមុខបន្ទាប់ពីបិទម៉ាស់

ទឹកម៉ាសគឺជាប្រភេទ Essence ដែលតម្រូវឲ្យយើងតប់វាចូលមុខ ណាមួយមុនបិទម៉ាស ក៏យើងប្រើប្រាស់ជាថូន័រមុនសិនដែរ មានន័យថា ការលាងម៉ាសចេញដូចមិនបិទម៉ាសដដែល។ ម៉ាសដែលគេប្រើរួចលាងទឹកគឺមានតែម៉ាសភក់ឬម៉ាសគ្រីមតែប៉ុណ្ណោះ។

៣. លាងហ្វូមដោយមិនវាយអោយបែកពពុះ

ចំណុចនេះសឹងតែគ្រប់គ្នាទៅហើយ ចូលចិត្តយកសាច់ហ្វូមមកញីផ្ទាល់នឹងស្បែកមុខ ការធ្វើបែបនេះសារធាតុចិញ្ចឹមនៅក្នុងហ្វូមមិនអាចជ្រៀប និងលាងសម្អាតផ្ទៃមុខបានទេ អ្នកត្រូវញីវាឲ្យបែកពពុះនៅលើដៃជាមុនសិនចាំម៉ាស្សានៅលើមុខថ្នមៗ។

៤. ប្រើគ្រីមភ្នែកដោយមិនម៉ាស្សា

គ្រីមភ្នែកមានសាច់ធ្ងន់ជាងគ្រីមផ្ដល់សំណើមបន្តិច នេះហើយជាសញ្ញាដែលគេចង់បង្ហាញថា ត្រូវការឲ្យអ្នកប្រើម៉ាស្សាតិចៗនៅជុំវិញភ្នែក ក្នុងករណីលាបឲ្យតែសើម នោះភ្នែកអ្នកនៅតែធ្លាក់តាមធម្មតាគ្រាន់តែមានសំណើមប៉ុណ្ណោះ។

៥. ប្រើម្សៅទ្រនាប់មាន SPF សុទ្ធ

នៅកម្ពុជាយើងសម្បូរណាស់អ្នកប្រើប្រាស់ BB CC cream ឬប្រភេទម្សៅទ្រនាប់ ជំនួសឡេការពារកម្ដៅថ្ងៃ។ សម្រាប់ពពួកនេះ ទោះវាមានការការពារក៏ពិតមែន តែជាតិម្សៅសម្រាប់បិទបាំងស្នាមធ្វើឲ្យសមត្ថភាពការពាររបស់វាអន់ខ្សោយមិនអាចការពារស្បែកបានល្អនោះទេ។

៦. មិនសម្អាតមុខពីរតង់

លាងហ្វូម ហើយជូតថូន័រមិនឃើញដីមិនមានន័យថាមុខស្អាតទេ ពពួកម្សៅសម្រាប់បិទបាំងស្នាមធន់នឹងទឹកកំពុងតោងស្អិតជាប់នឹងគល់រោម អ្នកអាចជ្រើសរើសជាក្រមួនលាងមុខឬទឹកជូតទៅតាមប្រភេទស្បែកមុខ ដើម្បីសម្អាតទើបគួរឲ្យទុកចិត្ត។

ក្រៅពីគន្លឹះល្អៗខាងលើនេះ អ្នកក៏ចាំបាច់ថែរក្សាសុខភាពពីខាងក្នុង ដោយបរិភោគអាហារគ្រប់ជីជាតិ ជាពិសេសសម្រាកនិងផឹកទឹកឲ្យបានគ្រប់គ្រាន់ផងដែរទើបជាការល្អ៕

អត្ថបទ៖ វារី

ចុចអាន៖ជាំមុខមានប៉ុន្មានប្រភេទ? អាចព្យាបាលជាទេ?

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

បច្ចេកវិទ្យា៣ ម៉ោង មុន

សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២

ព័ត៌មានជាតិ៣ ម៉ោង មុន

សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ

ព័ត៌មានជាតិ៥ ម៉ោង មុន

ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេស​ឡាវ

សេដ្ឋកិច្ច៥ ម៉ោង មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

ព័ត៌មានជាតិ៥ ម៉ោង មុន

ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត

Sokha Hotels

ព័ត៌មានពេញនិយម