មកដឹងកាន់តែច្បាស់ពី “ម្សៅស៊ីមុខ” និងវិធីការពារ

ម្សៅស៊ីមុខសំដៅទៅលើអ្នកមានមុខខ្មូតប្រហោងដោយសារផលិតផល ហើយមូលហេតុនោះគឺ ការកើតមុន និងមិនបានព្យាបាល ឬថែទាំត្រឹមត្រូវ ។

ការលាងមុខមិនស្អាតជាបញ្ហាចោទ ដោយសារអ្នកប្រើប្រាស់ផលិតផលមួយចំនួនដែលទាមទារឲ្យមានការសម្អាតមុខពីរតង់តួយ៉ាងដូចជា ម្សៅទ្រនាប់ ម្សៅបិទបាំងស្នាម និងឡេការពារកម្ដៅថ្ងៃប្រភេទសរីរាង្គ (ជាឡេការពារកម្ដៅថ្ងៃដែលមានម្សៅស white cast ផ្សំពីលោហៈ វាមានសុវត្ថិភាពសម្រាប់ស្ត្រីមានផ្ទៃពោះ និងអ្នកមុខមានបញ្ហា) ។

នៅពេលយើងសម្អាតមុខមិនស្អាត កាកសំណល់ដែលនៅសល់នឹងធ្វើអោយរីករន្ធរោមឆ្លងបាក់តេរីរួចបង្កទៅជាមុន បើព្យាបាលមិនបានត្រឹមត្រូវនោះប្រាកដបន្សល់ស្នាមខ្មូតប្រហោងធំនៅលើមុខជាមិនខាន ។ 

គួរបញ្ជាក់ដែរថា ការសម្អាតមុខពីរតង់មិនមែនយកហ្វូមមកលាងពីឬដងទេ យើងសំដៅទៅលើក្រមួន ប្រេង និងទឹកជូតមុខមុនលាងហ្វូម ។ ចំណែករបៀបប្រើវិញ យើងគ្រាន់តែយកវាមកញីនៅលើមុខស្ងួតអោយសព្វ រួចលាងហ្វូមជាការស្រេច ៕

អត្ថបទ៖ វារី

ចុចអាន ៖ ពេទ្យសើស្បែកចែករំលែកបទពិសោធន៍ ៥ ចំណុចមិនគួរធ្វើ ដើម្បីស្បែកស្អាតនិងចំណាយតិច