ពេទ្យសើស្បែកចែករំលែកបទពិសោធន៍ ៥ ចំណុចមិនគួរធ្វើ ដើម្បីស្បែកស្អាតនិងចំណាយតិច

អ្នកគ្រូពេទ្យសើស្បែក Aamna Adel នៅចក្រភពអង់គ្លេសបានចែករំលែកបទពិសោធន៍ផ្ទាល់ខ្លួន ៥ ចំណុចមិនគួរធ្វើដើម្បីទទួលនូវស្បែកស្អាតនិងចំណាយតិច ដោយសារធ្លាប់មានអ្នកជំងឺជាច្រើនប្រើប្រាស់ផលិតផលថ្លៃ ហើយនៅតែមិនមានប្រសិទ្ធភាពទៀត ។

១. ធ្វើសេវាកម្មលើស្បែកដោយខ្លួនឯងនៅផ្ទះ 

សេវាកម្មអូសម្ជុលលើមុខ បាញ់ឡាស៊ែរ និងចាក់ filler ទាមទារធ្វើដោយអ្នកជំនាញដែលមានបទពិសោធន៍ច្រើនឆ្នាំទើបសុវត្ថិភាពនិងទទួលប្រសិទ្ធភាព ។ ការធ្វើសេវាកម្មទាំងនោះដោយខ្លួនឯងប្រឈមមុខនឹងគ្រោះថ្នាក់ដល់សម្រស់ និងអាយុជីវិត ។

២. លាបផលិតផលហើយទើបដុះធ្មេញ

ថ្នាំដុះធ្មេញមានជាតិហ្លអូរ៉ាយ បង្កមុនដំបៅជុំវិញមាត់ហៅថា “perioral dermatitis” ។

៣. ធ្វើតាមអ៉ីនធឺណែត

មនុស្សក្នុងបណ្ដាញសង្គមនាំគ្នាជម្រុះកោសិកាលើសកម្រិត ឬប្រើប្រាស់ផលិតផលមានគ្រឿងផ្សំខ្លាំងៗធ្វើឲ្យស្បែកមុខខូចស្រទាប់ការពារបង្កទៅជាមុន ស្ដើង សរសៃក្រហម ។

៤. ប្រើរបស់ថ្លៃព្រោះគិតថាល្អជាងរបស់ថោក

ផលិតផលថ្លៃមិនប្រាកដថាល្អដូចផលិតផលតម្លៃថោក ជួនកាលគុណភាពដូចគ្នាគ្រាន់តែខុសម៉ាកក៏ថ្លៃដែរ ។

៥. ញិចមុន

បើយើងញិចមុនវានឹងឈឺកាន់តែយូរ ថែមទាំងបង្កស្នាមនិងឆ្លងមេរោគដល់ខួរក្បាលទៀតផង ដូច្នេះ Aamna បានជ្រើសរើសផលិតផលផ្ទុក Salicylic Acid ( ជួយមិនឲ្យស្ទះរន្ធរោម កាត់បន្ថយប្រេង ) benzoyl peroxide (ការពារបាក់តេរី ព្យាបាលមុន កាត់បន្ថយការរលាក) និងស្ទីកគ័របិទមុន ។

អ្នកគ្រូពេទ្យ Aamna Adel ភាគច្រើនគេស្គាល់គាត់តាម Tik-Tok ជាអ្នកធ្វើវីដេអូអប់រំ និងចែករំលែកគន្លឹះថែរក្សាស្បែក ជាពិសេសណែនាំផលិតផលល្អៗតម្លៃសមរម្យដល់អ្នកតាមដានរបស់គាត់ ៕

ប្រែសម្រួល ៖ វារី

ចុចអាន ៖ ពាក្យមិនពិតពីស្បែក ៥ ឃ្លា មនុស្សចាស់ចូលចិត្តប្រាប់ក្មេងជំទង់