Connect with us

KPT+

៥ គន្លឹះ ជម្នះស្ថានភាពហិរញ្ញវត្ថុដ៏រញ៉េរញ៉ៃ របស់អ្នកឥលូវនេះ

បានផុស

នៅ

ក្នុងចំណោមបញ្ហាដែលតែងតែជាប្រភពនៃភាពតានតឹង គឺបញ្ហាហិរញ្ញវត្ថុ។ បញ្ហា​ហិរញ្ញវត្ថុ​នេះ ​មិន​ត្រឹមតែ​ទាក់ទង​នឹង​ចំណូល​ដែល​មាន​មិន​ច្រើន​នោះ​ទេ ប៉ុន្តែ​វា​ក៏​អាច​ជា​កង្វះ​សមត្ថភាព ​ក្នុង​ការ​គ្រប់គ្រង​ហិរញ្ញវត្ថុ​ផង​ដែរ ដែល​ធ្វើ​​ឲ្យ​ស្ថានភាព​ហិរញ្ញវត្ថុ​កាន់តែ​រញ៉េរញ៉ៃ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បញ្ហា​ប្រាក់​នេះ​អាច​មាន​ភាព​ស្មុគស្មាញ​ខ្លាំង​ណាស់​ ព្រោះ​វា​ពាក់ព័ន្ធ​នឹង​ភាព​ចាំបាច់នៃជីវិត។ នោះ​ហើយ​ជា​មូលហេតុ​ដែល​អ្នក​មិន​អាច​នៅ​ស្ងៀម ប្រសិន​បើ​ស្ថានភាព​ហិរញ្ញវត្ថុរបស់អ្នក​បន្ត​ធ្លាក់​ចុះ។ តើ​ត្រូវ​ដោះស្រាយ​ ដោយ​របៀប​ណា?

១ ពិនិត្យ​មើល​ផ្នត់​គំនិត​របស់​អ្នក​ម្ដង​ទៀត រឿងដំបូងដើម្បីយកឈ្នះ​លើស្ថានភាព​ហិរញ្ញវត្ថុដ៏រញ៉េរញ៉ៃ គឺ​ត្រូវ​ពិនិត្យ​មើល​ផ្នត់​គំនិត​របស់អ្នក។ តើអ្នកឲ្យ​​តម្លៃលុយយ៉ាងដូចម្តេច? តើអ្នកធ្លាប់គិតថា​ការរក​លុយ​ពិបាក​ទេ? បើដូច្នេះមែន ប្រហែលនេះជាអ្វីដែលធ្វើឲ្យ​ការរកលុយពិតជាពិបាក ព្រោះ​ផ្នត់​គំនិត​បានកំណត់ដោយខ្លួនអ្នក។ ចាប់ពីពេលនេះតទៅ សូម​ព្យាយាមកែប្រែផ្នត់​គំនិត​​ឲ្យ​កាន់​តែមានភាពវិជ្ជមាន។ ផ្នត់​គំនិត​វិជ្ជមាន ​មិន​ត្រឹម​តែ​អាច​ធ្វើ​ឲ្យ​អ្នក​ដឹង​គុណ​ចំពោះ​ការងារ​បច្ចុប្បន្ន​​ប៉ុណ្ណោះទេ ប៉ុន្តែវាក៏អាចលើកទឹកចិត្តដល់សកម្មភាពវិជ្ជមាន​ផ្សេង​ទៀត​ផងដែរ។

២ គិតអំពីអនាគត នេះជាការពិត ជាពិសេសសម្រាប់អ្នកដែលមានប្រាក់ខែច្រើនរួចទៅហើយ ប៉ុន្តែ​ស្ថានភាព​ហិរញ្ញវត្ថុរបស់ពួកគេ​នៅតែមានភាពច្របូកច្របល់។ សញ្ញាមួយក្នុង​ចំណោមសញ្ញា​ គឺថា​អ្នក​មិន​មាន​ប្រាក់​សន្សំ​ទេ។ ចូរចាំថា អនាគតត្រូវរៀបចំឲ្យ​បានត្រឹមត្រូវ បើ​អ្នក​មិន​ចង់​រស់នៅ​ក្នុង​ភាព​សោកសៅ។ មួយ​ក្នុងចំណោមនោះ គឺដោយការរៀបចំមូលនិធិសង្គ្រោះបន្ទាន់ ហើយ​នោះ​ជា​មូលហេតុ​ដែល​អ្នកត្រូវសន្សំ។ ការគិតអំពីអនាគត​អាច​ជួយ​អ្នក​ផ្លាស់ប្តូរ​របៀប​រស់នៅ ឲ្យ​កាន់​តែ​ឆ្លាតវៃ។

៣ ស្វែងរក​បន្ថែម​ភ្លាមៗ ប្រសិនបើស្ថានភាពហិរញ្ញវត្ថុរបស់អ្នក​មានភាពច្របូកច្របល់ ​ដោយសារ​ការ​ខ្វះ​ខាតលុយ នោះ​ដល់ពេលត្រូវស្វែងរកប្រាក់ចំណូលបន្ថែមភ្លាមៗ។ ជាមួយនឹងការអភិវឌ្ឍន៍យ៉ាងឆាប់រហ័សនៃឌីជីថល មានឱកាសជាច្រើន​ដែល​អាច​បង្កើត​លុយ​បាន។ អ្នក​អាចក្លាយជាអ្នកនិពន្ធឯករាជ្យនៅលើវេទិកាបង់ប្រាក់ សរសេរនៅលើប្លក់ ក្លាយ​ជាអ្នក​បង្កើត​មាតិកា ឬលក់ទំនិញ​នៅ​លើ​ទីផ្សារ​ ដោយ​មាន​ជំនួយ​ពី​ប្រព័ន្ធ​ផ្សព្វផ្សាយ​សង្គម​ដើម្បីបង្កើនការលក់។

៤ ចៀសវាងទម្លាប់នៃការត្អូញត្អែរ គ្រាន់តែត្អូញត្អែរនឹងមិនអាចដោះស្រាយបញ្ហាបានទេ។ អ្វី​ដែល​មាន​ ពិត​ជា​ធ្វើ​ឲ្យ​បញ្ហា​កាន់​តែ​ស្មុគស្មាញ​ ដោយ​សារ​ថាមពល​អវិជ្ជមាន​របស់​អ្នក ព្រោះ​ពេញ​មួយ​ថ្ងៃ​ តែង​តែ​ពោរពេញ​ទៅ​ដោយ​ការ​ត្អូញត្អែរ។ ព្យាយាមជំនួស​ទម្លាប់អាក្រក់​ដែល​តែងតែ​ត្អូញត្អែរ​ដោយ​ផ្ដោត​លើ​ដំណោះស្រាយ។ ដូចនេះ​ស្ថានភាព​ហិរញ្ញវត្ថុ​ដ៏​រញ៉េរញ៉ៃ​របស់​អ្នក​អាច​ជួសជុល​បាន​ភ្លាមៗ។

៥ ទទួលយកខ្លួនឯង​ តើ​ការ​ទទួល​យក​ខ្លួន​ឯង​ ត្រូវ​ធ្វើ​អ្វី​ខ្លះ​ជាមួយ​នឹង​បញ្ហា​ហិរញ្ញវត្ថុ​រញ៉េរញ៉ៃ? មិន​មែន​ជា​បញ្ហា​ហិរញ្ញវត្ថុ​ប៉ុន្មាន​នោះ​ទេ ព្រោះ​អ្នក​ដាក់​អាទិភាព​រូបភាព​ខ្លាំង​ពេក។ ឧទាហរណ៍ ប្រាក់ខែរបស់អ្នកអស់ដើម្បីបង់រំលោះលើរបស់របរផ្សេងៗដែលអ្នកមិនចាំបាច់ទិញ។ ការសម្រេចចិត្តទិញ គឺដោយសារតែបំណងប្រាថ្នា ដើម្បីទទួលបានការទទួលស្គាល់។ ដូច្នេះចាប់ពីពេលនេះតទៅ ព្យាយាមទទួលយកខ្លួនឯងឲ្យបានច្រើន។ ប្រសិនបើអ្នកមិនមានលទ្ធភាពទិញរបៀបរស់នៅដ៏ប្រណិតទេ ត្រូវតែទទួលយកវា។

ទាំង​អស់ខាងលើនេះ​ ជា​គន្លឹះ​មួយ​ចំនួន​សម្រាប់​ដោះស្រាយ​លក្ខខណ្ឌ​ហិរញ្ញវត្ថុ​ដ៏​រញ៉េរញ៉ៃ។ យើងខ្ញុំសង្ឃឹម​ថា ​វា​អាច​ជួយ​អ្នក​ឲ្យ​អ្នកជម្នះ​បញ្ហា​នេះ​បានដោយជោគជ័យ៕

ប្រែសម្រួល៖ សាង ស្រីល័ក្ខ

ចុចអាន៖ចង់ក្លាយជាអ្នកមាន មកអានក្បួននៃការកសាងទ្រព្យសម្បត្តិ ពីមហាសេដ្ឋី

ចុចអាន​៖គន្លឹះសន្សំលុយបានច្រើន តាមក្បួនរបស់ជនជាតិ ជប៉ុន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១៥ នាទី មុន

អាមេរិក ប្រកាសដាក់ពង្រាយកងទ័ពទៅអឺរ៉ុប ​ដើម្បីឆ្លើយ​តប​នឹង​ជម្លោះនៅ ​អ៊ុយក្រែន

ព័ត៌មានជាតិ៣០ នាទី មុន

ក្រុមប្រឹក្សាជាតិប្រាក់ឈ្នួលអប្បបរមានឹងបើកកិច្ចប្រជុំកំណត់ប្រាក់ឈ្នួលកម្មករឆ្នាំ២០២៣នៅដើមសប្តាហ៍ក្រោយនេះ

កីឡា៥៦ នាទី មុន

សម្ដេច​តេជោ​ និងសម្ដេចកិត្តិព្រឹទ្ធបណ្ឌិត ឧបត្ថម្ភ​ថវិកា​ ២​ម៉ឺន​ដុល្លារ ដល់​អតីតកីឡាករ​ ក្រាក់​ សម្ភស្ស​

ព័ត៌មានអន្ដរជាតិ៥៧ នាទី មុន

រុស្ស៊ី គំរាមខ្លាំងៗ ឧបទ្ទវហេតុនុយក្លេអ៊ែរ ក៏អាចកើតឡើងនៅអឺរ៉ុបដែរ

ព័ត៌មានជាតិ១ ម៉ោង មុន

ប្រមុខការពារជាតិកម្ពុជានឹងអញ្ជើញទៅបំពេញទស្សនកិច្ច​នៅចិនថ្ងៃនេះ

Sokha Hotels

ព័ត៌មានពេញនិយម