KPT+
លោក ស៊ីម វណ្ណា អតីតប្រធានសមាគមអ្នកនិពន្ធខ្មែរ ស្ថិតនៅក្នុងបន្ទប់សង្គ្រោះបន្ទាន់នៅឡើយ
លោក ស៊ីម វណ្ណា អតីតប្រធានសមាគមអ្នកនិពន្ធខ្មែរ ត្រូវបាននាំចូលសង្គ្រោះបន្ទាន់នៅបន្ទប់ ICU មន្ទីរពេទ្យព្រះសីហនុ មណ្ឌលនៃក្តីសង្ឃឹម រាជធានីភ្នំពេញ នាសប្ដាហ៍មុន ដែលមកដល់ពេលនេះ ស្ថានភាពជំងឺរបស់លោកនៅមិនទាន់ធូរស្រាលខ្លាំងនៅឡើយទេ។
ការឈានដល់នាំលោក ស៊ីម វណ្ណា ចូលបន្ទប់សង្គ្រោះបន្ទាន់នេះ ដោយសារលោកបញ្ហាសម្ពាធឈាមឡើងខ្ពស់។ កាលពីថ្ងៃទី១៣ ខែកញ្ញា ឆ្នាំ២០២២ លោកបានដួលសន្លប់ក្នុងបន្ទប់ម្នាក់ឯង ដោយមានការសង្ស័យទើបគ្រួសារនាំគ្នាគាស់ទ្វារចូលសង្គ្រោះ។
លោក ព្រឿង ប្រណីត ប្រធានសមាគមអ្នកនិពន្ធខ្មែរ បានឱ្យដឹងថា កាលពីថ្ងៃទី១៩ ខែកញ្ញា ឆ្នាំ២០២២ នេះថា ស្ថានភាពជំងឺរបស់លោក ស៊ីម វណ្ណា ស្ថិតក្នុងស្ថានធ្ងន់ធ្ងរនៅឡើយ។ ដៃជើងកម្រើកមិនរួច និយាយមិនបាន ក្រៅតែពីធ្មេចភ្នែក និងសម្រក់ទឹកភ្នែកជំនួសចម្លើយ។
នៅរសៀលថ្ងៃទី២១ ខែកញ្ញានេះ កូនស្រីរបស់លោក ស៊ីម វណ្ណា បានឱ្យ “កម្ពុជាថ្មី” ដឹងថា បន្ទាប់ពីការដួលនោះ លោក ស៊ីម វណ្ណា នៅហើមសរសៃខួរក្បាលខាងធ្វេង ធ្វើឱ្យលោកមិនទាន់អាចនិយាយ ពិសា និងកំរើកខ្លួនបាននៅឡើយ។ លោកកំពុងស្ថិតក្នុងបន្ទប់សង្គ្រោះបន្ទាន់ ដោយគ្រូពេទ្យបានផ្ដល់ថ្នាំដើម្បីឱ្យសរសៃហើមក្នុងខួរក្បាលនោះ បានស្រកវិញ។
កូនស្រីរបស់លោក ស៊ីម វណ្ណា បានឱ្យដឹងបន្តថា ចំពោះការវះកាត់ គឺសង្ឃឹម ៥០ ៥០ ដូច្នេះនៅពេលនេះ ក្រុមគ្រូពេទ្យនៅតាមដានស្ថានភាពជំងឺលោកជាបន្ត។ យើងសូមបួងសួងឱ្យស្ថានភាពជំងឺរបស់លោក ស៊ីម វណ្ណា ឆាប់បានជាសះស្បើយ មានសុខភាពល្អប្រក្រតីឡើងវិញ។
គួររំលឹកថា លោក ស៊ីម វណ្ណា បានធ្វើជាប្រធាន សមាគមអ្នកនិពន្ធខ្មែរ ចាប់ពីឆ្នាំ ២០០៣ ដល់ឆ្នាំ ២០១៧។ សមាគមអ្នកនិពន្ធខ្មែរបានចាប់ផ្តើមបង្កើតឡើងតាំងពីឆ្នាំ១៩៥៥ ដោយមានសមាជិកជាង ១០ រូប។ ក្នុងឆ្នាំ១៩៥៦ ទើបសមាគមនេះត្រូវបានទទួលស្គាល់ជាផ្លូវការ ដោយសម្ដេចព្រះបរមកោដិ នរោត្តម សីហនុ។ ឆ្នាំ ១៩៦១ ព្រះបាទ នរោត្តម សីហនុ បានផ្តល់នូវព្រះរាជប្រទានជាទឹកប្រាក់ចំនួន ១០ ០០០៛ ដល់សមាគមអ្នកនិពន្ធខ្មែរ ដើម្បីបង្កើតការិយាល័យអចិន្ត្រៃយ៍ផ្តាច់ចេញពីសមាគមនិស្សិតចាស់៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានអន្ដរជាតិ៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ