លាបក្រែមរាល់ថ្ងៃ បបូរមាត់នឹងខ្មៅ អ្នកជំនាញណែនាំ ៥ វិធីនេះ

ក្រែមលាបមាត់គឺជាល្បាយនៃប្រេងនិងក្រមួន ចំណែកឯពណ៌ក្នុងក្រែម បានមកពីថ្នាំពណ៌និងសារធាតុពណ៌ផ្សេងៗ។ សារធាតុពណ៌ គឺជាការលាយបញ្ចូលគ្នារវាងលោហៈធាតុផ្សេងៗ (អុកស៊ីត) ប៉ុន្តែកម្រិតនៃលោហៈធាតុដែលគេប្រើដើម្បីផ្សំមានកម្រិតត្រឹមត្រូវមិនបង្កគ្រោះថ្នាក់ទេ។

ទន្ទឹមនឹងនោះ សម្រាប់អ្នកមានជំងឺស្បែក មានបបូរមាត់ឆាប់ប្រតិកម្ម ឬបបូរមាត់ខ្មៅ ដែលចូលចិត្តលាបក្រែមរាល់ថ្ងៃ ទើបជាបញ្ហាដោយសារតែសារធាតុពណ៌នៅក្នុងក្រែមអាចបង្កសភាពធ្ងន់ធ្ងរដល់ជំងឺស្បែកបបូរមាត់ ធ្វើឲ្យបបូរមាត់រលាកនិងខ្មៅជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កត្តានាំឲ្យបបូរមាត់ខ្មៅ ជាទូទៅមានដូចជា៖

_ ចូលចិត្តលិឍមាត់

_ ជក់បារី

_ ជំងឺស្បែកបបូរមាត់

_ រលាកកម្ដៅថ្ងៃ

_ ជំងឺស្លេកស្លាំង

_ ហ្សែន។

នេះជាអ្វីដែលអ្នកគួរធ្វើ និងមិនគួរធ្វើទៅលើបបូរមាត់របស់អ្នក៖ 

_ លាបក្រែមការពារកម្ដៅថ្ងៃមុនប្រើប្រាស់ក្រែមពណ៌

_ ប្រើក្រែមរលោងពណ៌សាច់ច្រើនជាងក្រែមស្ងួតពណ៌ដិត

_ មិនត្រូវលាបក្រែមលើសពី ២ដងក្នុងមួយថ្ងៃ

_ កុំលាបក្រែមបើមិនចាំបាច់

_ ត្រូតពិនិត្យថ្ងៃផុតកំណត់របស់ក្រែម។ 

សូមបញ្ជាក់ដែរថា ក្រែមពណ៌ក្រហមឬពណ៌ក្រម៉ៅៗដិតៗផ្ទុកនូវជាតិលោហៈធាតុច្រើនណាស់ ដូច្នេះហើយអ្នកជំនាញគាត់ណែនាំឲ្យយើងបកមកប្រើប្រាស់ពណ៌ស្រាលៗ និងមានសភាពរលោងៗទន់ៗវិញ ជាជាងប្រើប្រាស់ប្រភេទស្ងូតៗធ្វើឲ្យខូចស្បែកមាត់៕

ប្រែសម្រួលដោយ៖ វារី

ចុចអាន៖ស្រីៗយើង នេះជារបៀបធ្វើក្រែមលាបមាត់ងាយៗ តាមបែបធម្មជាតិ