ស្ដេចលក់ក្រែមនៅចិនស្ដាយក្រោយ បន្ទាប់ពីជ្រុលមាត់ដៀលអតិថិជន

តម្លៃខ្មៅដៃគូចិញ្ចើមថ្លៃពេកបណ្ដាលឲ្យអតិថិជនត្អូញត្អែរ បែរជាលោក Austin Li Jiaqi ស្ដីឲ្យវិញថា មកពីពួកគេមិនខំធ្វើការរកលុយខ្លួនឯង ។

មនុស្សភាគច្រើនស្គាល់លោក Austin ថាជា ស្ដេចលក់ក្រែម ព្រោះគាត់បានលក់ក្រែមចំនួន ១៥ ០០០ ដើម ក្រោមរយៈពេល ៥ នាទីប៉ុណ្ណោះ ។ លើសពីនេះគាត់ថែមទាំងបានលក់ផលិតផលតាមការផ្សាយផ្ទាល់ Alibaba រយៈពេល ១២ ម៉ោង ហើយរកចំណូលបាន ១.៧ ពាន់លានដុល្លារទៀតផង ។

ត្រឡប់ទៅដឹងពីបញ្ហាថ្មីទើបនឹងកើតឡើងវិញ Austin បានលក់ខ្មៅដៃគូចិញ្ចើមក្នុងតម្លៃ ប្រហែល ១០ ដុល្លារ ដែលស្រីៗភាគច្រើនត្អូញត្អែរថា ថ្លៃពេក ។ ស្រាប់តែលោកតបវិញថា មកពីពួកគេមិនខំរកប្រាក់ដោយខ្លួនឯង ។

រឿងនេះបានធ្វើឲ្យអតិថិជនខឹងយ៉ាងខ្លាំង ដល់ថ្នាក់ឈប់តាមដានគាត់ពីបណ្ដាញសង្គម Weibo ១ លាននាក់ឯណោះ ។ ទោះ Austin សុំទោស និងយំក្នុងការផ្សាយផ្ទាល់យ៉ាងណាក៏ដោយ ពួកគេមិនព្រមទទួលនោះឡើយ ៕

ប្រែសម្រួល៖ វារី

ប្រភព៖ 8days

ចុចអាន៖ បុរសម្នាក់ធ្វើម៉ូដែលសំលៀកបំពាក់គេងយប់របស់មនុស្សស្រី ទទួលការគាំទ្រយ៉ាងខ្លាំងនៅ ចិន