Connect with us

KPT+

ស្រីៗយើង នេះជារបៀបធ្វើក្រែមលាបមាត់ងាយៗ តាមបែបធម្មជាតិ

បានផុស

នៅ

ក្រែមលាបមាត់គឺជាមិត្តដ៏ជិតស្និទ្ធរបស់ស្រ្តី ព្រោះផ្តល់ភាពទាក់ទាញដល់បបូរមាត់ និងជួយលើក​សម្រស់ផ្ទៃមុខ។ យើងអាចធ្វើក្រែមលាបមាត់​ងាយៗតាមបែបធម្មជាតិបាន ចៀសវាង​ទិញប៉ះ​ក្រែម​លាបមាត់ដែលមានផ្ទុកសារធាតុគីមី និងសារធាតុសំណដែលបង្កគ្រោះថ្នាក់ដល់សុខភាពយើង។ តោះមកដឹងពីរបៀបធ្វើក្រែមលាបមាត់ងាយៗ និងអត្ថប្រយោជន៍របស់វត្ថុធាតុដើមនីមួយៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១. វត្ថុធាតុដើម

ក. ក្រមួនឃ្មុំ ២ ស្លាបព្រាបាយ

ក្រមួនឃ្មុំគឺជាសារធាតុការពារធម្មជាតិដែលអាចការពារបបូរមាត់យើង​ពីការបំផ្លាញពីបរិស្ថានដូចជាស្ងួត ឬប្រេះបបូរមាត់ និងជួយរក្សាសំណើម​​ឱ្យបបូរមាត់។ ម្យ៉ាងទៀត ក្រមួនឃ្មុំក៏មានផ្ទុកវីតាមីន A ដែល​ជួយឱ្យបបូរមាត់មានសំណើម។ ជាងនេះទៅទៀត ក្រមួនឃ្មុំជួយឱ្យវត្ថុធាតុ​ដើម​ធ្វើ​ក្រែមលាប​បបូរ​មាត់ទាំងអស់កកផ្តុំចូលគ្នា។

ខ. ប្រេងដូង ២ ស្លាបព្រាបាយ

ប្រេងដូងមានផ្ទុកវីតាមីន E ដែលមានសមត្ថភាពក្នុងការរក្សាសំណើមខ្ពស់ និងជួយទប់ស្កាត់​ការ​ប្រេះ​បបូរមាត់។ លើសពីនេះទៅទៀត ប្រេង​ដូង​ក៏ជួយឱ្យវត្ថុធាតុដើមធ្វើក្រែមលាបបបូរ​មាត់ទាំងអស់កក​ផ្តុំ​ចូលគ្នាដូចក្រមួនឃ្មុំដែរ។ យើងអាចជ្រើសរើសប្រេងដូង ឬក្រមួនឃ្មុំ ឬប្រើទាំងប្រេងដូង និង​ក្រមួន​ឃ្មុំក៏បាន។

គ. ទឹកឃ្មុំ ឬប្រេងគ្រាប់អាល់មុន ឬប្រេងអូលីវ ១ ស្លាបព្រាកាហ្វេ

ទឹកឃ្មុំ ឬប្រេងគ្រាប់អាល់មុន ឬប្រេងអូលីវជួយឱ្យបបូរមាត់មានសភាពទន់ល្មើយ ខណៈទឹកឃ្មុំ​ធ្វើ​ឱ្យក្រែម​លាបមាត់មានរសជាតិផ្អែមជាងគ្រាប់​អាល់មុន ឬប្រេងអូលីវ។

ឃ. ប្រេងក្រអូប ៣ ទៅ ៥ ដំណក់

ប្រេងក្រអូបចម្រាញ់ពីជីរអង្កាមជាជម្រើសល្អបំផុត តែយើងក៏អាចប្រើប្រេងក្រអូបចម្រាញ់​ពីក្លិន​ផ្សេងៗ​ទៅតាមចំណង់ចំណូលចិត្តដូចជា ផ្កាឡាវេនឌឺ ឈើអែម ឬក្រូចឆ្មារដើម្បីឱ្យក្រែមលាប​បបូរមាត់​យើងមានក្លិនក្រអូប។

ង. ទឹកថាយថាវក្រហម ១ ស្លាបព្រាបាយ

យើងអាចប្រើទឹកថាយថាវក្រហមដើម្បីបន្ថែមពណ៌ផ្កាឈូកឱ្យក្រែម​លាប​បបូរមាត់ និងធ្វើឱ្យ​បបូរ​មាត់​យើងមានពណ៌ផ្កាឈូក។

ច. វីតាមីន E ៣ គ្រាប់

យើងក៏អាចបន្ថែមវីតាមីន E ដើម្បីឱ្យក្រែមលាបបបូរមាត់កាន់តែមានជាតិសំណើម និងធ្វើឱ្យបបូរ​មាត់​ទន់​រលោង ព្រោះវីតាមីន E ជាសារធាតុចិញ្ចឹមស្បែក និងជាសារធាតុប្រឆាំងអុកស៊ីតកម្ម​ដែល​ការពារ​ស្បែកពីការបំផ្លាញរបស់បរិស្ថាន។ ពិសេសជាងនេះទៅទៀត វីតាមីន E ក៏ជួយឱ្យក្រែមលាប​បបូរ​មាត់​ដែលធ្វើហើយទុកបានយូរ មិនងាយខូច។

២. វិធីធ្វើ

ក្រៅពីវត្ថុធាតុដើម យើងត្រូវការឆ្នាំង ទឹក (កន្លះឆ្នាំង) កែវ បំពងក្រែម​លាបបបូរមាត់ទទេរ ឬក្រឡតូច​ទុកដាក់ក្រែមលាបបបូរមាត់ដែលធ្វើហើយ។

  • មុនដំបូងយើងត្រូវដាំទឹកឱ្យក្តៅដោយប្រើភ្លើងល្មម
  • បន្ទាប់មកដាក់ក្រមួនឃ្មុំចូលកែវ ហើយដាក់កែវចូលឆ្នាំង រួចកូរ
  • ពេលក្រមួនឃ្មុំរាងរលាយ យើងអាចដាក់វត្ថុធាតុដើមផ្សេងទៀតចូលកែវ​ដើម្បីកូរឱ្យរលាយចូលគ្នា​ឱ្យសព្វ លើកលែងតែប្រេងក្រអូបដែលត្រូវដាក់ក្រោយគេ
  • រួចចាប់លើកកែវចេញពីឆ្នាំង (ប្រយ័ត្នរលាកដៃព្រោះកែវក្តៅ)
  • បន្ទាប់មកចាក់វត្ថុធាតុដើមទៅក្នុងបំពងក្រែមលាបបបូរមាត់ទទេរ ឬក្រឡតូច ហើយគ្របឱ្យជិត
  • ជាចុងក្រោយយកក្រែមលាប​បបូរមាត់ទៅកា្លសេក្នុងទូទឹកកក​មួយយប់​ដើម្បី​ឱ្យ​ក្រែម​លាប​បបូរ​មាត់ឡើងរឹង

បន្ទាប់ពីក្រែមលាបមាត់ឡើងរឹង យើងអាចលាបលើបបូរមាត់ជំនួសក្រែមធម្មតាបាន។ យើង​ក៏​អាច​សាក​ប្រើប្រេងក្រអូប​ដែលមានក្លិនខុសៗ​នៅពេលធ្វើក្រែមលាបបូរមាត់លើកក្រោយ​ទៀត​ដើម្បីប្តូរ​ក្លិន និងបង្កើនភាពច្នៃប្រឌិត៕

អត្ថបទផ្ដល់ដោយ៖Hello Krupet

ចុចអាន៖ស្រីៗគ្នាយើងគួរដឹង! ទាំងនេះជាប្រភេទគីសដៃស្បូនកើតមានញឹកញាប់

ចុចអាន៖សញ្ញាមួយចំនួនបញ្ជាក់ថា ស្រីៗជ្រើសរើសអាវទ្រនាប់មិនត្រឹមត្រូវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១០ នាទី មុន

ឯកឧត្ដម ហ៊ុន ម៉ានី ៖ ការអនុញ្ញាតឲ្យរាយការណ៍ជាប្រចាំឆ្លុះបញ្ចាំងពីការ​យកចិត្តទុកដាក់ខ្ពស់របស់ សម្ដេចធិបតី លើការងារកំណែទម្រង់រដ្ឋបាលសាធារណៈ

ព័ត៌មានជាតិ២៥ នាទី មុន

កម្ពុជា មានអ្នកស្រឡាញ់ភេទដូចគ្នា ប្រមាណ ១០ ម៉ឺននាក់ នៅទូទាំងប្រទេស

ព័ត៌មានជាតិ៣០ នាទី មុន

ព្រឹកថ្ងៃទី២៤ មីនា សម្ដេចធិបតី នឹងអញ្ជើញបើកទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍ លើកទី២   

ព័ត៌មានជាតិ៥០ នាទី មុន

ក្រសួងយុត្តិធម៌ ត្រៀមរៀបចំមហាសន្និបាតលើវិស័យយុត្តិធម៌ទូទាំងប្រទេស រយៈពេល៣ថ្ងៃ នាសប្ដាហ៍ក្រោយ

ជីវិតកម្សាន្ដ១ ម៉ោង មុន

ជុំ លីណូ បំផុសចូលរួមផ្សព្វផ្សាយអ្វីដែលខ្មែរមាន ព្រោះជាប្រទេសអច្ឆរិយ ដ៏អស្ចារ្យជាងគេលើលោក

ព័ត៌មានអន្ដរជាតិ៣ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៧ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

កីឡា៣ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ២ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម