ទីបំផុតរកឃើញមូលហេតុបណ្ដាលឲ្យភ្នែកសត្វរមាំង ប្ដូរពណ៌នារដូវរងារហើយ

ថ្មីៗនេះអ្នកវិទ្យាសាស្ត្រសង្កេតឃើញ ស្រទាប់កញ្ចក់ក្រោយគ្រាប់ភ្នែករបស់សត្វរមាំងផ្លាស់ប្ដូរពីពណ៌លឿងមាសទៅជាពណ៌ខៀវដិតនារដូវរងារយ៉ាងចម្លែក ។ សម្រាប់ករណីភ្នែករមាំងប្ដូរពណ៌ អ្នកវិទ្យាសាស្ត្របានចំណាយពេលជាច្រើនឆ្នាំដើម្បីស្រាយអាថ៌កំបាំង និងរបៀបដែលពួកគេធ្វើការផ្លាស់ប្តូរពណ៌ភ្នែក ទម្រាំតែចេញជាលទ្ធផលពួកគាត់ពិសោធន៍លើគ្រាប់ភ្នែកអស់មួយថង់ហើយ ។

តំបន់រមាំងរស់នៅគឺជាតំបន់ត្រជាក់ក្នុងប្រទេសន័រវេស ឬ Utqiagvik ក្នុងរដ្ឋអាឡាស្កា ទីនោះមិនមានព្រះអាទិត្យឆ្លងកាត់ជើងមេឃអស់រយៈពេលជាង ៦០ថ្ងៃរៀងរាល់រដូវរងារ ធ្វើឲ្យខ្លួនរមាំងសើមពី១២-២៤ម៉ោងរាល់ថ្ងៃដូចគ្នា ។ ជាក់ស្ដែងតំបន់នេះមិនមែនងងឹតទាំងស្រុងឡើយ វាមានពន្លឺបន្តិចជះពីព្រះអាទិត្យមក ប៉ុន្តែត្រូវស្រូបពណ៌លឿងនិងទឹកក្រូចដោយស្រទាប់អូហ្សូនអស់បន្សល់ទុកតែពណ៌ខៀវដិត ។

ពន្លឺដែលជះមកនេះហើយជាមូលហេតុចម្បងក្នុងការផ្លាស់ប្ដូរពណ៌ភ្នែកសត្វរមាំង និងជួយស្វែងរកអាហារពេលធ្លាក់ព្រិលដោយសារតែ Lichens (ចំណីរបស់រមាំង) ស្រូបយកពន្លឺយូវីដែលធ្វើឲ្យភ្លឺពេលងងឹតទើបរមាំងអាចមើលឃើញយ៉ាងងាយស្រួល ។ តាមពិតទៅ Tapeta របស់សត្វរមាំងកើតឡើងពីសរសៃខូឡាជែនតិចតួច ដែលផ្ដុំនៅក្នុងសារធាតុរាវ បង្កើតជាគ្រីស្តាល់ឆ្លុះបញ្ចាំងរីផ្លិច ដូច្នេះវាមានចំណាំងផ្លាតពណ៌ខៀវដិតជះចូលក្នុងភ្នែករបស់រមាំងដូចយើងឃើញក្នុងរូបភាពខាងលើ ។

យ៉ាងណាមិញ លក្ខណៈពិសេសនៃភ្នែករមាំងអាចបង្កគ្រោះថ្នាក់ដល់វាវិញផងដែរដោយសារតែកាំរស្មីយូវីកាន់តែខ្លាំងឡើងៗពីមួយថ្ងៃទៅមួយថ្ងៃ និងផ្ដល់ផលប៉ះពាល់ដល់ជីវិតភាវៈរស់ដទៃទៀតមិនចាញ់រមាំងប៉ុន្មានទេ ៕

ប្រែសម្រួលដោយ ៖ វារី

ចុចអាន៖ មកស្គាល់ សត្វជៀមស្អាត និងថ្លៃបំផុតលើលោក