នាយកដ្ឋានទំនាក់ទំនងវប្បធម៌ និងអាហារូបករណ៍ នៅថ្ងៃទី២៧ ខែធ្នូ ឆ្នាំ២០២២នេះ បានជូនដំណឹងស្ដីពី គម្រោងប្រឡងជ្រើសរើសនិស្សិតអាហារូបករណ៍ទៅសិក្សានៅបរទេសក្នុងឆ្នាំ២០២៣ ដោយដំណឹងជាបឋម ១៤ ស្ថាប័នមកពីប្រទេសសចំនួន ៩ នឹងផ្ដល់អាហារូបករណ៍សិក្សាជូននិស្សិតកម្ពុជាចំនួន ៦៧២ នាក់ ខណៈអាចនឹងមានប្រទេសជាមិត្តឯទៀត ក៏នឹងផ្ដល់ អាហារូបករណ៍សិក្សានេះដែរ។

ប្រទេសដែលបានផ្ដល់អាហារូបករណ៍ជាបឋមនោះមានដូចជា ចិនរដ្ឋាភិបាល ជប៉ុន ហុងគ្រី សាធារណរដ្ឋគូបា សហព័ន្ធរុស្សី វៀតណាម ឡាវ ថៃ មីយ៉ាន់ម៉ា។ ចំណែកកម្រិតបណ្ដុះបណ្ដាលមានដូចជា ស្រាវជ្រាវ មធ្យមសិក្សាបច្ចេកទេស បណ្ដុះបណ្ដាលវិជ្ជាជីវៈ ឧត្ដមសិក្សា ក្រោយឧត្ដមសិក្សា បរិញ្ញាបត្រ បរិញ្ញាបត្រជាន់ខ្ពស់ បណ្ឌិត។

ចំនួនអាហារូបករណ៍មានការប្រែប្រួលតាមការជាក់ស្ដែង។ ព័ត៌មានលម្អិត សូមទាក់ទង ការិយាល័យអាហារូបករណ៍ និងកម្មសិក្សា នៃនាយកដ្ឋានទំនាក់ទំនងវប្បធម៌ និងអាហារូបករណ៍
ដែលមានអាសយដ្ឋាន៖ អាគារលេខ២៣ ផ្លូវ៣៦០ សង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ(ខាងកើតស្ថានីយទូរទស្សន៍អប្សរាប្រហែល៥០ម៉ែត្រ)៕