KPT+
មកស្គាល់អ្នកជំនាញកាត់រោមសត្វចិញ្ចឹមឲ្យដូចសត្វក្នុងសួន
សូមណែនាំលោក Gabriel Feitosa អាយុ ៣០ឆ្នាំ មានជំនាញជាអ្នកឌីសាញរូបរាងសត្វចិញ្ចឹមរបស់អ្នកឲ្យក្លាយជាសត្វទូទៅក្នុងសួន ។ ប៉ុន្មានឆ្នាំមកនេះ Gabriel ទទួលបានសម្លេងគាំទ្រ និងអ្នកទស្សនារាប់លាននាក់ពីវីដេអូធ្វើសេវាកម្មកាត់រោមប្រែកាយសត្វចិញ្ចឹមដោយប្រើប្រាស់ថ្នាំលាបពណ៌រោមល្អៗសម្រាប់សុខភាពសត្វចិញ្ចឹមម៉ាក “OPAWZ” ។
អ្នកជំនាញរូបនេះមានប្រសាសាន៍ពីដើមកំណើតចង់ធ្វើការងារកាត់រោមសត្វថា “ខ្ញុំមានអាយុ ១២ឆ្នាំ ពេលនាំឆ្កែបងស្រីទៅសាឡនក្នុងទីក្រុង Ferraz de Vasconcelos ប្រទេសប្រេស៉ីល វាជាវិធីរកលុយគួរឱ្យចាប់អារម្មណ៍ណាស់ គ្រាន់តែនៅក្បែរកូនឆ្កែក៏បានលុយដែរ” លោកបន្តទៀតថា “ទីបំផុត ខ្ញុំសុំឱ្យគេបង្រៀនពីរបៀបងូតទឹក និងសម្ងួតឆ្កែរបស់បងស្រីរហូតដល់ក្លាយជាការងារក្រៅម៉ោងសិក្សាតែម្ដង” ។ ទន្ទឹមនឹងការធ្វើការងារដើម្បីប្រាក់ ការប្រែកាយសត្វរូបរាងខុសៗគ្នាជាល្បែងកម្សាន្តសម្រាប់ Gabriel ទើបគាត់ធ្វើមិនចេះធុញសោះ មានតែសប្បាយចិត្ត និងមានកម្លាំងចិត្តរៀងរាល់ថ្ងៃក្នុងការងារ ។ ជាក់ស្ដែងក្នុងដំណើរការសេវាកម្មនីមួយៗពិតជាផ្ដល់ភាពសុខស្រួលដល់កូនៗជើងបួនលោកអ្នកណាស់ ព្រោះលោក Gabriel យកចិត្តទុកដាក់ទៅលើផាសុកភាព អារម្មណ៍សត្វ និងផ្ដល់ពេលវេលាសម្រាប់ដើរលេងដើម្បីបន្ទោរបង់មុនកាត់រោមផងដែរ ។
ជាក់ស្ដែងការឌីសាញលើកូនជើងបួនមានតម្លៃជាង ៥០០ ដុល្លារឯណោះ មិនតែប៉ុណ្ណោះសម្រស់របស់ពួកគេនឹងបាត់ទៅវិញអាស្រ័យលើការដុះរោម បើឆាប់ដុះរោមហើយតូចអាចប្រើរយៈពេលបីខែ តែបើធំអាចទុកបានដល់ទៅ៨ខែ ៕
ប្រែសម្រួលដោយ ៖ វារី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង