Connect with us

KPT+

កុមារា អង់គ្លេស អាយុ ៣ ឆ្នាំ ចេះអានដល់ទៅ ៧ ភាសា

បានផុស

នៅ

កុមារា Teddy Hobbs មកពីស្រុក Somerset នៅភាគនិរតីនៃប្រទេសអង់គ្លេសក្លាយទៅជាសមាជិក Mensa ក្មេងជាងគេបំផុតដោយសារតែគាត់ចេះអាន និងរាប់លេខដល់ទៅ ៧ភាសា ត្រឹមអាយុ ៣ឆ្នាំប៉ុណ្ណោះ ។

ទន្ទឹមនោះ Mensa គឺជាក្រុមអន្តរជាតិសម្រាប់បុគ្គលមាន IQ ខ្ពស់ ដែលបង្កើតឡើងក្នុងឆ្នាំ ១៩៤៧ ហើយទទួលយកតែសមាជិកដែលមានពិន្ទុលើសពី ៩៨ ភាគរយនៃ IQs ទូទាំងពិភពលោក ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភាសាដែល Teddy អាចអាន និងរាប់បានមានដូចជា ភាសាចិន បារាំង អេស្ប៉ាញ និងអាល្លឺម៉ង់ជាដើម ។ គាត់ចាប់ផ្ដើមរៀនអានដោយខ្លួនឯងតាំងពីអាយុ ២ឆ្នាំ ៤ខែមកម្ល៉េះ បច្ចុប្បន្នគាត់មានអាយុ ៣ឆ្នាំ ៩ខែនៅឡើយទេ ប៉ុន្តែ Teddy អាចអានសៀវភៅ Harry Potter ដាច់ទៀតផង ។

សូម្បីតែពេលទំនេរ ការលេងកម្សាន្តរបស់អូនតូចក៏មិនមានអ្វីខុសពីល្បែងស្វែងរកអក្សរដែរ ហើយ Teddy តូចរូបនេះបានចូលជាសមាជិក Mensa មួយឆ្នាំ បន្ទាប់ពីជាប់ការធ្វើតេស្ត IG Stanford Binet ជាមួយពិន្ទុ ១៣៩ លើពិន្ទុសរុប ១៦០ ។

ពាក់ព័ន្ធនឹងបញ្ហានេះដែរ ឪពុកម្ដាយរបស់គាត់ពិតជាភ្ញាក់ផ្អើលជាខ្លាំងព្រោះមិនដែរគិត ឬរំពឹងពីកូនដល់ថ្នាក់នេះទេ ពួកគេបន្ថែមទៀតថា “Teddy អាយុប៉ុណ្ណឹងសោះ ប៉ុន្តែចេះដឹងពីរឿងសង្គ្រាមអ៊ុយក្រែន និងចេះពិភាក្សាជាមួយមនុស្សធំពីបញ្ហានេះដូចមនុស្សដឹងក្ដី” ។

ទន្ទឹមនឹងសមត្ថភាពខ្ពស់លើសគេ ឪពុកម្ដាយរបស់ Teddy កំពុងព្យាយាមប្រៀនប្រដៅកូនកុំឲ្យមើលងាយក្មេងៗដទៃទៀតដែលមិនពូកែដូចគាត់ ព្រោះ Teddy ឧស្សាហ៍មិនចូលចិត្ត និងនិយាយពីការមិនពេញចិត្តចំពោះក្មេងៗមិនចេះអានជាច្រើនកន្លងមក ។ ក្រៅពីចំណេះដឹងអ្នកទាំងពីរចង់ឲ្យកូនធំឡើងក្លាយជាមនុស្សល្អ និងឲ្យតម្លៃអ្នកដទៃដូចគ្នា ៕

ប្រែសម្រួលដោយ ៖ វារី

ចុចអាន ៖ គន្លឹះទាំង ៥ ជួយឱ្យកូនក្លាយជាក្មេងរៀនឆាប់ចេះឆាប់ចាំ​​​​​​​​​​​​​​​​​​​​​

ចុចអាន ៖ កូនឆ្លាត ឬមិនឆ្លាត អាស្រ័យលើកត្តាទាំងនេះ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម