ស៊ុតសកំពុងក្លាយជាដំណោះស្រាយបញ្ហាមីក្រូប្លាស្ទិក ក្នុងមហាសមុទ្រ

យោងតាមក្រុមអ្នកស្រាវជ្រាវនៅវិស្វកម្មព្រីនស្តុន ស៊ុតសអាចបំប្លែងទៅជាសារធាតុដែលអាចដកមីក្រូប្លាស្ទិកចេញពីទឹកសមុទ្របានយ៉ាងមានប្រសិទ្ធភាព ។

មីក្រូប្លាស្ទិកគឺជា បំណែកតូចៗនៃផ្លាស្ទិចដែលបែកចេញពីប្លាស្ទិកធំ ហើយមានសមត្ថភាពបំពុលអាហារនិងទឹកនាំឱ្យមានបញ្ហាសុខភាពជាច្រើន លើសពីនេះវាត្រូវបានគេប៉ាន់ប្រមាណថាមានមីក្រូប្លាស្ទិកច្រើនជាង ២៤ ពាន់ពាន់លានបំណែកក្នុងទឹកសមុទ្រ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ត្រលប់មកវិធីសាស្ត្រស៊ុតសវិញ គេប្រើប្រាស់វាដើម្បីផលិត aerogel ដែលជាវត្ថុស្រាលផ្ទុកថាមពល អ៊ីសូឡង់កម្ដៅ និងចម្រោះទឹក វិធីសាស្ត្រនេះបានមកពីលោក Craig Arnold អនុប្រធានផ្នែកនវានុវត្តន៍របស់ព្រីនស្តុន ខណៈពេលគាត់កំពុងញ៉ាំអាហារថ្ងៃត្រង់ ។

ដំបូងគាត់ណែនាំក្រុមការងារឲ្យលាយគ្រឿងផ្សំនំប៉័ងទាំងអស់ជាមួយកាបូនម្ដងមួយៗរហូតដល់សល់តែស៊ុតសមួយមុខគត់ បន្ទាប់មកប្រូតេអ៊ីននៅក្នុងស៊ុតពណ៌សត្រូវបានអ្នកស្រាវជ្រាវសម្ងួតដោយបង្កក មុនពេលត្រូវកំដៅនៅសីតុណ្ហភាពជាង ១៦០០ អង្សាហ្វារិនហៃក្នុងបរិយាកាសគ្មានអុកស៊ីហ្សែនដើម្បីឲ្យវាមានឥទ្ធិពលលើការផ្លាស់ប្តូរ ។

ផលិតផលចុងក្រោយពីស៊ុតសមានសមត្ថភាពក្នុងការដកអំបិល និងមីក្រូប្លាស្ទិកចេញពីទឹកសមុទ្រយ៉ាងងាយ ថែមទាំងចំណាយតិច និងមិនសូវហត់ទៀតផង ៕

ប្រែសម្រួល ៖ វារី

ប្រភព ៖ Nature World News

ចុចអាន ៖ អ្នកវិទ្យាសាស្ត្រ រកឃើញសរីរាង្គថ្មី នៅក្នុងខ្លួនមនុស្ស