KPT+

នាយករដ្ឋមន្ត្រីហ្វាំងឡង់ស្នើឲ្យពលរដ្ឋធ្វើការតែ ៤ ថ្ងៃក្នុងសប្ដាហ៍ និង ៦ម៉ោងក្នុងមួយថ្ងៃ

បានផុស

៦ years មុន

នៅ

ថ្ងៃសៅរ៍ ៤ មករា ២០២០

ដោយ

Sonya

នាយករដ្ឋមន្ត្រីហ្វាំងឡង់បានអំពាវនាវឲ្យមានការកែប្រែម៉ោងធ្វើការសម្រាប់អ្នកធ្វើការទូទៅក្នុងប្រទេសរបស់ខ្លួន ដោយកាត់បន្ថយថ្ងៃធ្វើការពី ៥ ថ្ងៃក្នុងមួយសប្ដាហ៍ មកត្រឹម ៤ ថ្ងៃក្នុងមួយសប្ដាហ៍វិញ។ លោកស្រី Sanna Marin និយាយថា រយៈពេល ៤ ថ្ងៃក្នុងមួយសប្ដាហ៍ និង ៦ ម៉ោងក្នុងមួយថ្ងៃ នឹងអាចឱ្យអ្នកធ្វើការទាំងអស់មានពេលវេលាគ្រប់គ្រាន់សម្រាប់ក្រុមគ្រួសាររបស់ខ្លួន។

លោកស្រីជឿជាក់ថា ប្រជាជនគួរតែចំណាយពេលវេលាឱ្យកាន់តែច្រើនជាមួយក្រុមគ្រួសារ ជាមួយមនុស្សជាទីស្រលាញ់ ចំណង់ចំណូលចិត្តនិងទិដ្ឋភាពផ្សេងៗទៀតនៃជីវិតសម្រាប់ខ្លួនឯង។ ហើយនេះអាចជាជំហានល្អបន្ទាប់សម្រាប់ប្រជាជនហ្វាំងឡង់ក្នុងការលើកកម្ពស់ទាំងគុណភាពជីវិតការងារនិងគ្រួសារទន្ទឹមគ្នា។

ក្នុងវ័យ ៣៤ ឆ្នាំ Sanna Marin បានជាប់ឆ្នោតជានាយករដ្ឋមន្ត្រីវ័យក្មេងជាងកាលពីខែធ្នូ ឆ្នាំ ២០១៩ និងដឹកនាំក្រុមចម្រុះឆ្វេងកណ្ដាលជាមួយគណបក្សចំនួន ៥ ផ្សេងទៀតដែលដឹកនាំដោយស្ត្រី។

ដោយឡែកក្រុមហ៊ុនច្បាប់ Perperual Guardian របស់ប្រទេស នូវែលហ្សេឡង់ ធ្លាប់ទទួលបានការចាប់អារម្មណ៍ខ្លាំងនៅក្នុងឆ្នាំ ២០១៨ សម្រាប់ការណែនាំពីការធ្វើការងារ ៤ ថ្ងៃក្នុងមួយសប្ដាហ៍ ។ ស្ថាបនិកក្រុមហ៊ុនលោក Andrew Barnes មានប្រសាសន៍ថា ការធ្វើការតិចម៉ោងទទួលបានលទ្ធផលល្អគួរឱ្យកត់សម្គាល់។ លោកបានប្រាប់ The AM Show កាលពីឆ្នាំ ២០១៩ ថា “កំណើននៃប្រាក់ចំណេញកើនឡើង រួមជាមួយការថែរក្សាបុគ្គលិកក៏ល្អ ជាពិសេសបុគ្គលិកមិនស្ត្រេសច្រើនដូចមុន” ៕

ប្រែសម្រួល៖ សន ផានិត

ចុចអាន៖ នាយករដ្ឋមន្ត្រីវ័យក្មេងបំផុត ៧ រូបលើលោកដែលជាប់តំណែងដោយការបោះឆ្នោត

ចុចអាន៖ គួរឲ្យស្ញប់ស្ញែង! បង្ហាញមុខថ្នាក់ដឹកនាំកំពូលៗរបស់របស់ហ្វាំងឡង់ ដែលសុទ្ធជាស្ត្រីវ័យក្មេង

Related Topics:ប្រទេសហ្វាំងឡង់