កុលសម្ព័ន្ធចម្លែក! ប្រុសៗត្រូវកាត់ម្រាមដៃជាថ្លៃបណ្ណាការជូនកូនក្រមុំ

កុលសម្ព័ន្ធ Dani នៅតំបន់ Papua Guinea ប្រទេសឥណ្ឌូណេស៊ី ប្រកាន់ខ្ជាប់ទំនៀមទម្លាប់ដ៏ចម្លែកមួយ ដោយតម្រូវឱ្យប្រុសៗកាត់ម្រាមដៃដើម្បីជាថ្លៃបណ្ណាការជូនកូនក្រមុំ មុនពេលពួកគេរៀបការ និងតម្រូវឱ្យភរិយាកាត់ម្រាមដៃជូនស្វាមី ប្រសិនបើគាត់លាចាកលោកមុននាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការកាត់ម្រាមដៃ ឬភាសាដើមហៅថា “Ikipalin” គឺជារឿងធម្មតាដែលប្រជាជនកុលសម្ព័ន្ធ Dani នៅតំបន់ដាច់ស្រយាលនៃ Papua ភាគខាងលិច New Guinea ប្រទេសឥណ្ឌូណេស៊ី តែងតែប្រកាន់ខ្ជាប់រហូតមក។ ទំនៀមទម្លាប់នេះតម្រូវឱ្យកូនកំលោះកាត់ម្រាមដៃស្ដាំជូនកូនក្រមុំ ឬប្រសិនមានសមាជិកគ្រួសារណាម្នាក់ទទួលមរណភាព សាច់ញាតិជិតស្និទ្ធបំផុតត្រូវកាត់ម្រាមដៃពួកគេ ដើម្បីបង្ហាញពីទុក្ខព្រួយ និងការកាន់ទុក្ខ។

ជាប្រពៃណី មុនពេល​រៀប​ការ បុរស​ត្រូវ​កាត់​ម្រាម​ដៃ​ស្តាំ​ចេញ ​ជូន​កូនក្រមុំ​ជា​ថ្លៃ​បណ្ណាការ​ឱ្យនាង ហើយ​បើ​គាត់​ចង់​លែង​លះ គាត់​ត្រូវកាត់​ម្រាម​ដៃ​ឆ្វេង​២ម្រាមចេញ។ ប៉ុន្តែ​បើ​គាត់​ស្លាប់ ប្រពន្ធ​របស់គាត់ត្រូវ​កាត់​ម្រាម​ដៃ​ទាំង ១០ ចោលទាំងអស់ ដើម្បី​បញ្ជាក់​ពី​ភាព​ស្មោះ​ត្រង់​ចំពោះ​ស្វាមី ហើយ​មិន​អនុញ្ញាតឱ្យរៀបការ​ស្វាមីទី២​ដាច់ខាត។

ការកាត់ម្រាមដៃ ឬ “Ikipalin” ត្រូវបានកុលសម្ព័ន្ធ Dani ជឿថា ជាវិធីមួយដើម្បីបន្ទន់ចិត្ត និងបញ្ចៀសព្រលឹងខ្មោចដូនតា ដែលនៅតែវិលវល់ក្នុងភូមិ។ ដូច្នេះដើម្បីបញ្ជូន​វិញ្ញាណវិលវល់​ឲ្យ​ទៅ​ឆ្ងាយ ពួកគេ​ត្រូវ​បាន​កាត់ម្រាម​ដៃទុក​ជា​ការ​បូជា។ ហើយទំនៀមទម្លាប់នេះ ជាទូទៅត្រូវបានអនុវត្តចំពោះស្ត្រីនៃកុលសម្ព័ន្ធ Dani ច្រើនជាងបុរសៗ៕

ប្រែសម្រួល៖ សន្យា

ចុចអាន៖ ទំនៀមទម្លាប់សាក់លើចង្កា និងបបូរមាត់ ដើម្បីទាក់ទាញភេទផ្ទុយ

ចុចអាន៖ មកដឹងពី Oiran ស្ត្រីសម្រាប់កម្សាន្តអារម្មណ៍ នៅប្រទេស ជប៉ុន តែប៉ុណ្ណោះ