លុបចោលទម្លាប់ទំាងនេះចេញពីជីវិតម្តងមួយៗ អនាគតនឹងប្រពៃ ទម្លាប់
Connect with us
Helistar Cambodia - Helicopter Charter Services

KPT+

លុបចោលទម្លាប់ទំាងនេះចេញពីជីវិតម្តងមួយៗ អនាគតនឹងប្រពៃ

Published

on

មនុស្សជាច្រើនចង់ដឹងគន្លឹះដើម្បីទទួលបានជោគជ័យក្នុងជីវិត ប៉ុន្តែបែរជាមិនភ័យខ្លាចក្នុងការតស៊ូភាពលំបាកនៅតាមផ្លូវទៅកាន់ជោគជ័យទៅវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខាងក្រោមនេះ គឺជារឿង មួយចំនួនដែលយើងគួរលះបង់ចោល បើចង់បានជីវិតរុងរឿង។

ខ្ជិលច្រអូស៖ មនុស្សភាគច្រើនដឹងថាខ្លួនខ្ជិល ប៉ុន្តែមិនកែខ្លួន ដឹងខ្លួនថាប្រើពេលធ្វើរឿងឥតប្រយោជន៍ច្រើន តែមិនព្រមប្ដូរទម្លាប់បាន។ ពួកគេយកពេលទៅប្រើលើបណ្តាញសង្គម និងរឿងឥតប្រយោជន៍អស់យ៉ាងច្រើន រហូតធ្វើឲ្យបាត់បង់ប្រសិទ្ធភាពជីវិត ធ្វើឲ្យខ្លួនទម្លាប់ខ្ជិលលែងចង់ធ្វើការ។ ដូច្នេះ បើអ្នកដឹងថាខ្លួនឯងខ្ជិល យើងគួរគិតគូរឡើងវិញចំពោះតម្លៃនៃពេលវេលាដែលកំពុងមាន ព្រោះបើវាហួសទៅ យើងមិនអាចទាញមកវិញបានទេ។

គ្រឿងស្រវឹង និងគ្រឿងញៀន៖ មនុស្សអាចរស់នៅកាន់តែសប្បាយ បើមិនប៉ះពាល់គ្រឿងស្រវឹងនិងគ្រឿងញៀន ប៉ុន្តែអ្នកខ្លះបែរជាគិតថាគ្រឿងទាំងពីនេះធ្វើឲ្យខ្លួនសប្បាយទៅវិញ។ របស់ទាំងនោះអាចធ្វើឲ្យយើងសប្បាយមួយភ្លែតមែន ប៉ុន្តែនៅថ្ងៃមុខ យើងនឹងទទួលផលអាក្រក់ពីវាវិញមិនខាន។ ជួនកាលរឿងអាក្រក់ៗដែលបណ្ដាលមកពីគ្រឿងស្រវឹងនិងគ្រឿងញៀន អាចធ្វើឲ្យមនុស្សក្បែរខ្លួនមានគ្រោះថ្នាក់ ឬប៉ះពាល់ជីវិតក៏មាន។

ការបំផ្លាញសុខភាព៖ ឆីមិនប្រមាណ បានមិនសន្សំ។ អ្នកចូលចិត្តអាហារកំប៉ុង ភេសជ្ជៈប៉ូវកំលាំង ភេសជ្ជៈកំប៉ុងដែលមានជាតិស្ករច្រើន អាហារផ្អាប់ និងអាហារ Fast foods សុទ្ធតែកំពុងបំផ្លាញសុខភាពរបស់ខ្លួនឯង។ បើយើងចង់រស់នៅមើលពិភពលោកនេះបានយូរ កុំព្យាយាមបរិភោគអាហារដែលប៉ះពាល់សុខភាពខ្លាំង ព្រោះបើគ្មានសុខភាពល្អទេ យើងនឹងមិនអាចមានអ្វីទាំងអស់។

ក្តីលោភលន់៖ ភាពលោភលន់ធ្វើឲ្យយើងបាត់បង់តម្លៃជាមនុស្ស និងមានកេរិ៍ឈ្មោះមិនល្អជាដើម។ ការខិតខំប្រឹងប្រែងធ្វើការរកលុយ គឺជារឿងល្អ ប៉ុន្តែកុំព្រោះតែលុយហ៊ានធ្វើរឿងថោកទាប កុំព្រោះតែលុយភ្លេចកំណើតខ្លួន កុំព្រោះតែលុយមិនគិតសុខភាពខ្លួនឯងឲ្យសោះ។

សុញស្មុគស្មាញ៖ មនុស្សគ្រប់គ្នាសុទ្ធតែធ្លាប់ជួបរឿងល្អ និងរឿងអាក្រក់ក្នុងជីវិត។ នៅពេលជួបរឿងល្អក៏សប្បាយ ហើយនៅពេលជួបរឿងអាក្រក់ក៏កើតទុក្ខ។ នៅពេលជួបរឿងមិនល្អ តែងតែមានអារម្មណ៍ស្មុគស្មាញ និងស្ត្រេស។ នៅពេលយើងមានអារម្មណ៍ស្ត្រេសយូរៗទៅ សុខភាពរបស់យើងនឹងចុះខ្សោយ ការចងចាំធ្លាក់ចុះ ធ្វើការងារក៏មិនបានល្អ។ យើងគ្រប់គ្នាមិនអាចគេចផុតពីរឿងមិនល្អបានទេ ប៉ុន្តែត្រូវចេះសប្បាយក្នុងជីវិត ហើយរឿងខ្លះដែលមិនគួរគិតយកចិត្តទុកដាក់ កុំប្រមូលដាក់ក្នុងខួរក្បាលច្រើនពេក៕

ប្រែសម្រួល៖ សន្យា

ប្រភព៖ EF

ចុចអាន៖ យុវវ័យ​ណា​ប្រកាន់​បាន៣ យ៉ាង​នេះ​នឹង​ទទួល​ជោគជ័យ​ក្នុង​ជីវិត

ចុចអាន៖ សម្រង់សម្ដីល្អៗ អានហើយមានកម្លាំងចិត្តតស៊ូក្នុងជីវិត

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ43 mins ago

អភិបាល​ខេត្ត​ព្រៃវែង​ ចាត់​វិធានការ​ក្តៅ​ ក្រោយ​រក​ឃើញ​អ្នកវិជ្ជមាន​កូវីដ១៩ ចំនួន​៦នាក់​លួច​ចូល​ខេត្ត​

ព័ត៌មានជាតិ1 hour ago

​រដ្ឋបាល​រាជធានីភ្នំពេញ បង្ហាញ​អត្តសញ្ញាណ​អ្នកវិជ្ជមាន​កូវីដ១៩ ចំនួន១៩៨រូប ដើម្បី​ឲ្យ​អ្នកពាក់ព័ន្ធ​រួសរាន់​យក​សំណាក​ទៅធ្វើតេស្ត

ជីវិតកម្សាន្ដ1 hour ago

ចំណងស្នេហា​៤​ឆ្នាំ​របស់ វ៉ាន់ នី​ឡា មិន​ប្រែ​ព្រួល ទោះ​រង​ការ​សើចចំអក​ពី​អ្នកដទៃ​

ព័ត៌មានជាតិ3 hours ago

លោក គឹម សន្តិភាព ៖ អ្នក​ល្មើស​វិធានការ ហាមឃាត់​ការធ្វើដំណើរ ត្រូវ​ផ្ដន្ទាទោស​ពី ៣​ឆ្នាំ ទៅ​៥​ឆ្នាំ ឬ​ធ្ងន់​ជាង​នេះ

ព័ត៌មានជាតិ3 hours ago

លោកជំទាវ ម៉ែន សំអន ថ្លែងអំណរគុណ លោក ប៉ិច បូឡែន និងលោក ហុង លីម ដែលបានផ្តល់អំណោយក្នុងការចូលរួមប្រយុទ្ធប្រឆាំងនឹងកូវីដ១៩

Sokha Hotels

ព័ត៌មានពេញនិយម

Helistar Cambodia - Helicopter Charter Services