KPT+
ហេតុផល៥ យ៉ាងពីក្រោយអាពាហ៍ពិពាហ៍រៀបចំ បង្ខំចិត្ត
ការរៀបអាពាហ៍ពិពាហ៍ ជាការសាងគ្រួសារមួយក្នុងសង្គម។ គូស្នេហ៍ខ្លះរៀបការដោយសារស្រឡាញ់គ្នារវាងចិត្តនិងចិត្ត ខ្លះព្រោះផលប្រយោជន៍អ្វីមួយ និងខ្លះព្រោះការផ្គូផ្គងរៀបចំបង្ខំពីចាស់ទុំ។
អាពាហ៍ពិពាហ៍បែបផ្គូផ្គង ឬចាប់ដាក់នេះ មិនត្រូវបានក្មេងសម័យបច្ចុប្បន្នគាំទ្រឡើយ ព្រោះពួកគេយល់ថា ជាការបង្ខំចិត្ត និងជាសម្ពាធជីវិតគូក្នុងរយៈពេលវែង។
ប៉ុន្តែ សូមគិតឡើងវិញ! ទាំងនេះជាគុណសម្បត្តិនៃការការរៀបអាពាហ៍ពិពាហ៍ផ្គូផ្គងរបស់ចាស់ៗ ដែលក្មេងៗគួររៀនសូត្រ៖
១. ភាពស៊ីសង្វាក់គ្នាលើរឿងធំៗមួយចំនួន
ក្នុងអាពាហ៍ពិពាហ៍ដែលផ្គូផ្គង ច្រើនតែកើតឡើងពីចាស់ទុំដែលមានមជ្ឈដ្ឋានវប្បធម៌ស្រដៀងគ្នាលើជំនឿ ប្រពៃណី ការស់នៅ និងការហូបចុកជាដើម។ ហេតុនេះ ការរៀបអាពាហ៍ពិពាហ៍ប្រភេទផ្គូផ្គងអាចឲ្យដំណើរជីវិតគូដើរល្អក៏ថាបាន រីឯជម្លោះរវាងដៃគូក៏មានតិច ព្រោះមានរបៀបរស់នៅដូចគ្នាច្រើន។
២. កេរមរតក និងកម្មសិទ្ធិ
អាពាហ៍ពិពាហ៍ គឺជាកិច្ចសន្យាសង្គម ក៏ជាការទទួលខុសត្រូវរបស់មនុស្ស ជាពិសេសអាណាព្យបាលដែលសាមីខ្លួនទាំងពីរ។ ដឹងទេថា នៅពេលក្រុមគ្រួសារទទួលបន្ទុកអាពាហ៍ពិពាហ៍របស់អ្នក ពួកគាត់ក៏នឹងទទួលខុសត្រូវលើអនាគតប្ដីប្រពន្ធថ្មោងថ្មីនេះខ្លាំងដែរ។ ជាធម្មតា ពួកគាត់រមែងចាត់ចែងកេរមរតករួចស្រេច ទុកក្រោយរៀបការហើយ ព្រោះខ្លាចគូស្នេហ៍ថ្មីខ្វះខាត។ ផ្ទុយទៅវិញគូស្នេហ៍ដែលរៀបអាពាហ៍ពិពាហ៍ប្រឆាំងនឹងចាស់ទុំ ច្រើនតែជួបការលំបាកនៅពេលត្រូវការការគាំទ្រ។
៣. សន្សំសំចៃពេលវេលា
យើងអាចនិយាយថា គូស្នេហ៍នឹងមិនខាតពេលច្រើនជាមួយការរើសគូស្រករត្រង់ចំណុចនេះ ដោយហេតុថាគ្រួសារបានរៀបចំទុកដាក់ស្រេចបាច់រួចអស់ហើយ។ ពួកគាត់ចេញមុខរៀបចំពិធីសព្វគ្រប់ជំនួសសាមីខ្លួន ដោយមិនធ្វើឲ្យកូនកម្លោះក្រមុំនឿយហត់នោះទេ។ ហេតុផលនេះ អាចធ្វើឲ្យអ្នកមិនហត់ចំណាយពេលមើលចិត្តគ្នាជាមួយគូសង្សារ រួចក៏បែកគ្នាម្ដងជាពីរដង នាំតែឈឺចាប់បង្ហិនពេលនោះឡើយ។
៤. ជួយរក្សាវប្បធម៌ឱ្យនៅគង់វង្ស
ត្បិតតែការរៀបការចាប់គូ ជាគំនិតឪពុកម្ដាយសាច់ញាតិក្ដី តែក៏អាចជួយរក្សាវប្បធម៌ឲ្យនៅល្អបានដែរ។ អាពាហ៍ពិពាហ៍ពិពាហ៍នេះ ត្រូវធ្វើតាមទំនៀមទម្លាប់ ប្រពៃណី និងជំនឿដូនតាមិនឲ្យឃ្លាត ព្រោះគូស្នេហ៍មិនបានពង្រត់គ្នាទៅណានាំឲ្យខូចប្រពៃណី។
៥. ទំនួលខុសត្រូវបានចែករំលែក
បើត្រឡប់ទៅអតីតកាល ឪពុកម្ដាយអ្នកអាចជាគូស្នេហ៍ផ្គូផ្គងដូចគ្នា ប៉ុន្តែក្រឡេកមកដល់ថ្ងៃនេះ ពួកគាត់អាចសាងគ្រួសារល្អមួយទៅបាន។ ហេតុអ្វី? ប្រហែលមកពីពួកគាត់ចេះចែករំលែកសុខទុក្ខជាមួយគ្នានោះឯង! មិនថា អ្នកជានរណាទេ ក្រោយរៀបការហើយ គ្រប់យ៉ាងគឺជាចំណែកនៃគ្នា ត្រូវរួមគ្នាគិត រួមគ្នារកនិងសន្សំ ព្រមទាំងរួមគ្នាសាងសុភមង្គលគ្រួសារ៕
ប្រែសម្រួល៖ សន្យា
ប្រភព៖ bonobology
ចុចអាន៖ ស្វាមីដែលធ្វើឱ្យភរិយាក្លាយជាមនុស្សស្រីមានសំណាងដោយមិនចាំបាច់មានលុយកាក់ច្រើន
ចុចអាន៖ ក្រោយក្លាយជាប្ដីប្រពន្ធនឹងគ្នា មានទម្លាប់ខ្លះគួរឈប់ធ្វើដើម្បីគ្រួសារមានសុភមង្គល
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៥ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ