៥យ៉ាងធំៗ ដែលប្តីឬប្រពន្ធល្អ មិននិយាយដាក់គ្នាដាច់ខាត

យើងទាំងអស់គ្នារមែងតែភ្លាត់និយាយអ្វីមួយទៅកាន់ដៃគូឬគូជីវិត ដែលធ្វើឱ្យយើងសោកស្តាយប៉ុន្តែឃ្លាខ្លះ មិនត្រឹមតែសោកស្តាយ​ វាថែមមានជាតិពុលអាចបង្កអន្តរាយដល់ទំនាក់ទំនងតែម្តង គឺធ្លាប់ស្រលាញ់​ច្រើន មកនៅសល់ត្រឹមសូន្យបាន ។

១ កុំរំលើកទ្រព្យណាជារបស់ខ្លួន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មនុស្សជាប្តីប្រពន្ធ បើរំលើកទ្រព្យគឺចប់ហើយ​នៅបែកគ្នាល្អជាង។ មនុស្ស​ស្រីឬប្រុសជាច្រើន​ទ្រលាន់ពាក្យនេះ​ណាស់ គេស៊ូចុះចេញខ្លួនទទេបាន ចិត្ត​ស្រលាញ់បុ៉នណាក៏រលាយដូចអំបិលបាន។

២ មិនដែលជឿជាក់គ្នា

«អាចម៍គោ! កុហកសុទ្ធ! គ្មានគួរឱ្យជឿសោះ!» ពាក្យទាំងនេះជាសញ្ញាថា​ យើងនៅជាមួយគ្នាលែងបានទៀតហើយ។ គេមិនដែលប្រើពាក្យបែបនេះមកលើមនុស្ស​ដែលដេកក្បែរទ្រូងទេ។​ ប្រសិនមិនជឿជាក់គ្នា នៅជាមួយគ្នាធ្វើអី?

អ្នកជំនាញទំនាក់ទំនងនិងគ្រូបង្វឹក Julie Spira ស្ថាបនិក Cyber-Dating និយាយថាជាធម្មតាមនុស្ស​ដែលយើងស្រលាញ់បំផុតជាអ្នកធ្វើឱ្យយើងខូចចិត្តបំផុតដែរ ហើយបើមិនជឿចិត្តគ្នា រស់ជាមួយគ្នា​មានតែឈ្លោះទាស់ទែងតែប៉ុណ្ណោះ។

៣ មាក់ងាយថាការងារគេអន់ណាស់

ការមើលងាយអាជីពគ្នា ការប្រមាថប្រាក់ខែ តួនាទីនៅពេលអ្នកកំពុងមានទំនាក់ទំនង នឹង​បាត់ការគោរពភ្លាមៗយដោយគ្មានលក្ខខណ្ឌ។ អ្នកកំពុងប្រមាថមើលងាយមនុស្ស​ដែលកំពុងត្រូវការអ្នកមកជាដៃគូលើកទឹកចិត្ត ការបន្ទាប និយាយដើមឬបន្ទោសដៃគូជាស្នាម​ប្រេះជ្រៅហើយពិបាកក្នុងការជួសជុលវិញជារៀងរហូត។

៤ កុំសាកល្បងចិត្តស្នេហារបស់ពួកគេ

ដៃគូរបស់យើងមិនចង់មានអារម្មណ៍ថា មានសម្ពាធក្នុងការធ្វើអ្វីមួយដើម្បីបង្ហាញពីសេចក្តីស្រឡាញ់ដែលគាត់មិនចង់ធ្វើនោះទេ។ មនុស្ស​ស្រីឬបុរសសុាំជាច្រើន និយមសាកល្បងទឹកចិត្ត​ដៃគូជីវិត​រហូត​ធ្វើឱ្យ ម្នាក់ទៀតធុញថប់ លែងមាន​អារម្មណ៍ស្នេហា​តែម្តង។

៥ ធៀបជាមួយបងប្អូន

ការ​ឈ្លោះ ច្រណែន ជាមួយមិត្តភក្តិឬគ្រួសារ​ប្តីនិងប្រពន្ធ​ មុននឹងក្រោយ​អ្នកនឹងលែងលះគ្នា បើមិនពេលនេះពេលណាមួយ​ដែលទឹកក្តៅ​ដល់ពុះ អ្នកទំាងពីរនឹងមាន​អារម្មណ៍ថាគ្មានជំពាក់អ្វីគ្នាទេ​ ព្រោះសូម្បីបងប្អូន​ក៏មិនត្រូវគ្នាដែរ ពេលនោះហើយ ចំណងស្នេហា​នេះស្រោចស្រង់លែងបាន៕

ប្រែសម្រួល៖ ហាណា

ចុចអាន៖ វិធីសម្រុះសម្រួលជីវិតគូស្រករដែលកន្លងមកធ្លាប់មាន​ថ្នាំងថ្នាក់

ចុចអាន៖ មនុស្ស​ស្រី​រឹង​មាំ​ពិត​ប្រាកដ​ មានចរិតលក្ខណៈទាំង​​ ៣ នេះ