KPT+

យុទ្ធសាស្ត្របង្កើតយីហោកាហ្វេឲ្យអតិថិជនជាប់ចិត្ត និងស្គាល់ច្រើន

បានផុស

៥ years មុន

នៅ

ថ្ងៃព្រហស្បតិ៍ ១៨ មីនា ២០២១

ដោយ

បើកហាងកាហ្វេមួយត្រូវតម្រូវឲ្យអ្នកដែលមានបំណងបើកមានចំណង់ចំណូលចិត្តពិតប្រាកដ មិនមែនចង់តែមួយឆាវតាមអារម្មណ៍ឬតាមគ្នាឡើយ។ ដូច្នេះតើគួរចាប់ផ្ដើមនៅទីណា? ពេលណា?

ខាងក្រោមនេះ ជាបទពិសោធន៍របស់អ្នកជំនាញផ្នែកទីផ្សារឌីជីថល ដែលបានបង្កើតមគ្គទេសក៍ ៤ ជំហាន ដើម្បីជាគន្លឹះជួយអ្នកដែលមានបំណងចងបើកហាងកាហ្វេនាថ្ងៃអនាគត ៖

១. បង្កើតផែនការយុទ្ធសាស្ត្រទីផ្សារមុនពេលបើក

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មុនពេលបើកជាសាធារណៈ សូមប្រាកដថាយើងមានយុទ្ធសាស្ត្រធ្វើទីផ្សាររួចទៅហើយ។ នេះមានន័យថាត្រូវដឹងចម្លើយចំពោះសំណួរទាំងនេះ៖ តើអ្នកនឹងកំណត់គោលដៅចំពោះអ្នកណា? ពេលណា? តាមរយៈការផ្សព្វផ្សាយជាមធ្យមឬជាអ្វី? ហើយហេតុអ្វីចំពោះមនុស្សទាំងនោះ?

ត្រូវដឹងថាបុគ្គលិកលក្ខណៈរបស់ម៉ាកយីហោរបស់យើងជាអ្វីដែរ។ នេះជាជំនួយជួយណែនាំយើងក្នុងផែនការទីផ្សារ និងសារទៅដល់អ្នកប្រើប្រាស់។

ទីផ្សារគឺនិយាយពីការសាកល្បងនិងកំហុស ដូច្នេះប្រសិនបើយើងឃើញអ្វីមួយមិនដំណើរការ សូមសាកល្បងវិធីសាស្ត្រផ្សេងទៀត។

២. បង្កើតម៉ាកយីហោ

យីហោរបស់យើងនឹងនៅជាមួយយើងជារៀងរហូត នេះជារឿងសំខាន់ក្នុងការបង្កើតយីហោស្របច្បាប់មួយ។ យីហោដែលមើលឃើញប្លែក អាចធ្វើឲ្យអតិជនស្គាល់ ហើយចងចាំរហូត។

ចំណុចសំខាន់គឺត្រូវប្រាកដថា បុគ្គលិកនិងនិយោជិកទាំងអស់ត្រូវស្ថិតនៅលើទំព័រតែមួយ។ ពួកគេទាំងអស់ត្រូវនិយាយភាសាដូចគ្នា ដូច្នេះអតិថិជនរបស់យើងនឹងចាប់ផ្ដើមនិយាយភាសានោះផងដែរ។

៣. ចូលរួមខ្សែបណ្ដាញជាក្រុមក្នុងអ៊ីនធឺណិត

សម្រាប់កាហ្វេ ជំនាញទីតាំងគឺជារឿងមួយផ្នែកដែលត្រូវគិតទុក។ កន្លែងដែលមានកាហ្វេល្អ ហើយមានភាពរស់រវើក និងមានអតិថិជនស្គាល់ គឺជាកន្លែងដែលមានបណ្ដេញ ឬអ្នកណាម្នាក់ធ្លាប់បានទៅទទួលទាន។ ដូច្នេះទីតាំងថ្មីរបស់យើងគួរតែមាននៅលើអ៊ីនធឺណិត ដែលអាចឱ្យមនុស្សរកឃើញយីហោបានលឿនរហ័សនឹងងាយ ព្រមជាមួយនឹងម៉ាកសញ្ញា រូបភាពផងដែរ។

អ្វីដែលត្រូវការ គឺការបង្ហោះសាររាក់ទាក់នៅលើបណ្ដាញសង្គម ដើម្បីផ្សព្វផ្សាយហាងកាហ្វេរបស់យើង។

សព្វថ្ងៃនេះបណ្ដាញសង្គមគឺជាកន្លែងដែលអាចឲ្យគ្រប់គ្នាផ្សព្វផ្សាយផលិតផលបានគ្រប់ប្រភេទ ជាពិសេសសម្រាប់អ្នកដែល នៅឆ្ងាយពីហាង ពួកគេអាចមើលតាមអនឡាញបានដោយសេរី។

៤. បង្កើតកន្លែងដែលអតិថិជនជាប់ចិត្ត

ការរចនាមានសារៈសំខាន់ណាស់ សម្រាប់ជោគជ័យរបស់យីហោយើង។ មិនថាជាស្ទិលអ្វីក៏ដោយ ដែលយើងបានជ្រើសរើស វាត្រូវតែសមជាមួយម៉ាកយីហោ ប៉ុន្តែអតិថិជនក៏ជាគោលដៅផងដែរ។ ប្រសិនបើពួកគេជាអតិថិជនដែលចូលចិត្តការថតរូបនិងការរចនាបែបបុរាណឬសម័យ យើងអាចជ្រើសរើសយកការរចនាដែលនឹងទាក់ទាញដល់ពួកគេ។

ត្រូវកំណត់នូវអ្វីដែលយើងចង់ឲ្យអតិថិជនងាយស្រួល នៅពេលដែលពួកគេឆ្លងកាត់មាត់ទ្វារហាង។ តើយើងចង់ឲ្យពួកគេចាប់យកពែងកាហ្វេ ហើយអង្គុយដោយសប្បាយចិត្តក្នុងពេលពីរបីម៉ោងជជែកគ្នា? ឬពួកគេគួរតែទទួលយកកាហ្វេដោយងាយស្រួល ហើយកាន់ដើរតាមផ្លូវទៅធ្វើការ? នេះក៏ជួយធ្វើឱ្យយីហោរបស់យើងមានរូបរាង និងកសាងភាពល្បីល្បាញឡើងមកដូចគ្នា។

ប៉ុន្តែបើយុទ្ធសាស្ត្ររបស់យើងមិនទាន់បានធ្វើទេ នោះចាំបាច់ត្រូវគិតឡើងវិញ។

ដោយសារតែយីហោរបស់យើង គឺជាឱកាសមួយដើម្បីធ្វើឲ្យមនុស្សលង់ស្នេហ៍នឹងហាងកាហ្វេ ហើយត្រលប់មកវិញជាមួយពេលវេលានៅទីនោះម្ដងទៀត៕

ប្រែសម្រួល៖ សាង ស្រីល័ក្ខ

ចុចអាន៖បើឆ្លាត ហាងកាហ្វេតូចៗ គឺជាគំនិតផ្តើមអាជីវកម្មល្អជាងទិញអជ្ញាប័ណ្ណ

ចុចអាន៖តិចនិកទាក់ទាញភ្ញៀវឲ្យចូលចិត្តហាងកាហ្វេរបស់យើង