KPT+

វិធីរក្សាទំនាក់ទំនងស្នេហាឲ្យកាន់តែយូរអង្វែងសម្រាប់ដៃគូជាបុរស

បានផុស

៥ years មុន

នៅ

ថ្ងៃសុក្រ ២៦ មីនា ២០២១

ដោយ

ស្នេហាគឺជារឿងមួយដែលសប្បាយ បើសិនជាដៃគូម្ខាងទៀតយល់ចិត្ត។ ទោះយ៉ាងណា ពេលខ្លះដៃគូមិនអាចនៅក្បែរគ្នា ជារៀងរាល់ថ្ងៃឡើយ។ ជាពិសេសនោះគឺភាគីខាងបុរស ដែលត្រូវតែគិតគូរពីរឿងនេះជាងគេ ព្រោះនោះហើយដែលជាបញ្ហាដែលអាចកើតឡើង ហើយឈានដល់បែកបាក់គ្នា។

ដើម្បីរក្សាទំនាក់ទំនងរបស់អ្នក ឲ្យស្ថិតក្នុងស្ថានភាពល្អ នេះគឺជាការណែនាំខ្លះៗ ដើម្បីភ្ជាប់ទំនាក់ទំនងកាន់តែយូរអង្វែង។

១. ស្មោះត្រង់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យើងរស់នៅក្នុងពិភពលោកមួយ ដែលភាពស្មោះត្រង់បានក្លាយជារឿងដ៏កម្រកើតមាន។ មនុស្សគ្រប់គ្នាបានក្លែងបន្លំធ្វើជាមនុស្សម្នាក់ ដែលមិនមែនជាខ្លួនឯង ដើម្បីធ្វើឲ្យគេចាប់អារម្មណ៍ (ហ្នឹងគេហៅថាមនុស្សប្រហោងក្នុង បែបសេណារីយូ )។ ទោះយ៉ាងណា ភាពស្មោះត្រង់គឺជារឿងមួយដែលអ្នកជាបុរសគួរមាន និងត្រូវបានកោតសរសើរ។

២. ផ្ដល់ការយកចិត្តទុកដាក់ពេលនៅជាមួយនាង

បិទទូរស័ព្ទដៃរបស់អ្នក ពេលនៅជាមួយនាង អ្នកនឹងមានពេលច្រើនដើម្បីជជែកគ្នា។ ក្នុងនាមជាដៃគូ ដែលផ្ដល់ការយកចិត្តទុកដាក់ចំពោះនាងបែបនេះ ជឿជាក់ថានាងនឹងកាន់តែលង់លើអ្នកមួយកម្រិតទៀត។

៣. កត់ចំណាំពីរសជាតិដែលនាងចូលចិត្តនិងមិនចូលចិត្ត

បុរសជាដៃគូត្រូវតែកត់ចំណាំពីការចូលចិត្តនិងការមិនចូលចិត្តរបស់សង្សារ វាជារឿងតូចតែធ្វើឲ្យនាងភ្ញាក់ផ្អើល។ នាំគូស្នេហ៏ទៅការប្រគំតន្ត្រីដែលចូលចិត្ត ទិញភេសជ្ជៈដែលនាងចូលចិត្ត ឬកត់ចំណាំពេលនាងកាត់សក់ ឬក៏ស្លៀកអ្វីប្លែកក្នុងថ្ងៃនេះ។

នេះជាមន្តស្នេហ៍ម៉្យាង ដែលធ្វើឲ្យនាងកោតសរសើរនិងរំភើបចំពោះអ្នក។

៤. នៅទីនោះនៅពេលនាងត្រូវការនរណាម្នាក់

មិនចាំបាច់ធ្វើជាមនុស្សពិសេស ឬដូចជាវីរបុរសសេះសអីទេ! សំខាន់ពេលនាងពិបាកចិត្ត អ្នកប្រគល់ស្មាឲ្យនាងផ្អែក ដើម្បីឲ្យនាងបានយំ នៅពេលត្រូវការ។ ពេលនាងពិបាកចិត្តត្រូវការមនុស្សម្នាក់ជាបង្អែក ម្នាក់នោះគឺជាអ្នក។ វាក៏បង្ហាញថា អ្នកយកចិត្តទុកចិត្តចំពោះនាង មិនថាពេលនាងជួបទុក្ខលំបាកប៉ុណ្ណា អ្នកគឺជាបុរសម្នាក់ដែលចាំជូតទឹកភ្នែកនិងកំដរជានិច្ច។

៥ ឲ្យនាងដឹងថាអ្នកកំពុងគិតអំពីនាង

ផ្ញើសារអរុណសួស្ដី ជារឿងដំបូងនៅពេលអ្នកភ្ញាក់ពីដំណេក ផ្ញើផ្កាឬវត្ថុអនុស្សាវរីយ៍តូចៗ ដែលធ្វើឲ្យនាងដឹងថា អ្នកកំពុងតែគិតពីនាង។ ឬអាចផ្ញើសារបង្ហាញក្ដីនឹករលឹករបស់អ្នកទៅកាន់នាង ពេលដែលនាងធ្វើការហត់នឿយ ឬទៅយកនាងពីកន្លែងការងារ ដូច្នេះអ្នកនឹងបានចំណាយពេល ៣០ នាទីបន្ថែម នៅក្បែរគ្នា។

៦. បើកចំហពីនាងចំពោះមនុស្សផ្សេងទៀត

បុរសជាច្រើនមិនបានគិតពីចំណុចមួយនេះទេ អ្នកខ្លះគិតថាជារឿងធម្មតានៃការស្រលាញ់គ្នាក្នុងសម័យបច្ចុប្បន្ននេះ។ គ្រាន់តែណែនាំនាងទៅកាន់អ្នកដទៃ មិនថាជាគ្រួសារ មិត្តភក្តិ ឬជានរណាឡើយ។ វាក៏បង្ហាញពីទំនុកចិត្ត និងសេចក្ដីស្រលាញ់ របស់អ្នកចំពោះនាងដែរ។

សូមចងចាំថា យើងរស់នៅក្នុងពិភពលោកមួយ ដែលស្ត្រីរឹងមាំនិងឯករាជ្យ។ ពួកគេមិនត្រូវការបុរសដើម្បីអាចផ្គត់ផ្គង់ពួកគេឡើយ។ ដូច្នេះកុំភ័យខ្លាច គ្រាន់តែបង្ហាញនាងជាសាធារណៈ វាមិនបានថានាងជាបន្ទុករបស់អ្នកឡើយ៕

ប្រែសម្រួល៖ សាង ស្រីល័ក្ខ

ចុចអាន៖ទោះមានទ្រព្យយ៉ាងណាក៏ប្រុសៗមិនហ៊ានរៀបការនឹងនារីមានប៉ុន្មានចំណុចនេះឡើយ

ចុចអាន៖រៀនបំភ្លេចស្នេហាចាស់ជាការដោះលែងខ្លួនឯង មុនផ្លូវចិត្តរងគ្រោះធ្ងន់