KPT+
ការនិយាយជាសាធារណៈប្រកបដោយប្រសិទ្ធភាពចូរប្រើវិធីទាំងនេះ
ការនិយាយជាសាធារណៈជះឥទ្ធិពលវិជ្ជមានលើគ្រប់អាជីពក្នុងសម័យកាលនេះ។ នរណាក៏ត្រូវតែចេះនិយាយដែរ លើកលែងតែមនុស្សដែលពុំអាចនិយាយបាន។
ទោះយ៉ាងណា ការនិយាយដែលមានភាពប៉ិនប្រសប់ និងអាចត្រូវបានគេទទួលស្គាល់ត្រងត្រាប់ស្ដាប់ មិនមែនជារឿងងាយស្រួលឡើយ ។
KPT Plus មានដំណោះស្រាយ ៥ យ៉ាងដើម្បីជួយឲ្យអ្នកក្លាយជាមនុស្សនិយាយសាធារណៈកាន់តែប្រសើរជាងមុន៖
១. ចងចាំចំណុចៗសំខាន់នៃសារ មិនមែនសូត្រចាំមាត់
ការនិយាយដែលបានល្អទៅបានមិនមែនជាការទន្ទេញឲ្យចាំមាត់នៃឃ្លាឃ្លោងពីមួយពាក្យទៅមួយពាក្យនោះទេ។ ជំនួសឲ្យការទន្ទេញពាក្យពេជន៍ សូមផ្តោតលើគំនិតសំខាន់នៃអ្វីដែលអ្នកត្រូវនិយាយ។ តើអ្វីជាប្រធានបទ និងជាគន្លឹះគោលដែលចង់បង្ហាញអ្នកកំពុងស្ដាប់? បើសិនអ្នកបានចងចាំពីរឿងទាំងនេះហើយ អ្នកអាចចាប់ផ្ដើមនិយាយតាមរបៀបខ្លួនឯង ស្ទីលខ្លួនឯង ដោយមានទំនុកចិត្ត។ ការធ្វើបែបនេះ នឹងនាំឲ្យអ្នកស្ដាប់អាចជឿជាក់ ហើយផ្ដល់តម្លៃដល់អ្នក។
២. ជជែកជាមួយអ្នកស្ដាប់មុនពេលធ្វើបទបង្ហាញ
ការជជែកជាមួយអ្នកចូលរួមមុនពេលចាប់ផ្ដើមនិយាយ ផ្តល់ឲ្យការធ្វើបទបង្ហាញមានប្រយោជន៍ជាច្រើន។ វាផ្តល់នូវភាពកក់ក្តៅដល់អ្នកស្ដាប់ និងជួយឲ្យអ្នកអាចស្ទង់ពីអារម្មណ៍របស់ពួកគេ ដើម្បីចៀសវាងនូវអ្វីដែលអ្នកចូលរួមមិនចូលចិត្ត ព្រមទាំងជួយរវាងអ្នកនិងពួកគេមានអារម្មណ៍ស្និទ្ធស្នាលនឹងគ្នា។
៣. សង្កេតអ្នកស្ដាប់ និងផ្លាស់ប្ដូរសម្លេង
អំឡុងពេលនៃការនិយាយ សូមព្យាយាមសង្កេតអ្នកស្ដាប់ផង ជាជាងខ្លួនឯង។ ត្រូវស្គាល់ពីកម្រិតនៃការចេះដឹងរបស់ពួកគេ ដូចនេះអ្នកនឹងមានភាពងាយស្រួលក្នុងការជ្រើសរើសពាក្យ និង ភាសានៃការនិយាយ ដើម្បីឲ្យស៊ីគ្នា។ មួយវិញទៀត កុំនិយាយស្មើរហូត ត្រូវចេះផ្លាស់ប្ដូរសម្លេងមានខ្ពស់មានទាបដើម្បីឲ្យអ្នកចូលរួមចូលចិត្តស្ដាប់។ ក្រៅពីនោះ វាគ្មិនគួរចេះនិយាយលេងសើចខ្លះ ឬបញ្ចូលរូបភាពឬវីដេអូខ្លីសប្បាយៗចូលក្នុងស្លាយដើម្បីបង្កបរិយាកាសរីករាយក្នុងការជជែក។
៤. កុំដាក់សម្ពាធលើខ្លួនឯង
សូម្បីតែវាគ្មិនដែលធ្លាប់ឡើងនិយាយជាច្រើនដង ក៏នៅតែអាចមានអារម្មណ៍សម្ពាធមុនពេលធ្វើបទបង្ហាញដែរ។ វិធីដែលមានប្រសិទ្ធភាព ដើម្បីដកសម្ពាធចេញត្រូវផ្លាស់ប្តូរការគិតពីការខ្លាចនិយាយមិនបានល្អ ខ្លាចរៀបចំខ្លួនមិនត្រូវចិត្តអ្នកអង្គុយស្ដាប់ ខ្លាចតែនិយាយខុសគេសើច ។ល។ ផ្ទុយទៅវិញត្រូវផ្ដោតលើអ្នកចូលរួម ដោយតាំងខ្លួនជាអ្នកផ្ដល់គំនិតល្អៗដល់ពួកគេនៅថ្ងៃនេះ គិតថា ល្អយកចុះ អាក្រក់កុំយកតាមខ្ញុំមានភាពជឿជាក់ជាងមុន។
៥. សង្ខេបខ្លឹមសារ
មុននឹងបញ្ចប់ការនិយាយជាសាធារណៈ អ្វីដែលល្អគឺគួរតែសង្ខេបនូវអត្ថន័យ ដោយជារួមមួយនឹងសម្រង់ពាក្យល្អៗ ដើម្បីផ្ដល់ឲ្យអ្នកស្ដាប់អាចចងចាំពីខ្លឹមសារប្រធានបទរបស់អ្នក៕
ប្រែសម្រួល៖ សន្យា
ប្រភព៖ Entrepreneur
ចុចអាន៖ហេតុផល ៣ យ៉ាងនេះហើយដែលគ្រប់គ្នាគួរតែចាប់ផ្ដើមពុះពារបង្កើតក្ដីស្រមៃ
ចុចអាន៖កំហុសក្នុងអាជីវកម្មក្មេងខ្ចី ជះឥទ្ធិពលដល់សហគ្រិនភាពដំបូង
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៦ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ