ធ្វើបាន ៥ វិធី នេះ គ្មានមិត្តភាពក្លែងក្លាយចូលមកក្នុងជិវិតឡើយ

នៅពេលដែលអ្នកកាន់តែចាស់ ការបង្កើតមិត្តភ័ក្ដិ និងចាប់ផ្តើមទំនាក់ទំនងជាមួយនរណាម្នាក់ គួរតែអាចទុកចំណាប់អារម្មណ៍ដ៏ល្អសម្រាប់គ្នា។ នេះ​ក៏​ព្រោះ​តែ​មិន​មែន​អ្នក​រាល់​គ្នា​ ងាយ​ស្រួល​ក្នុង​ការ​បង្កើត​មិត្ត​ជាមួយ​នោះ​ទេ។ ការ​ដើរលេង​ជាមួយ​អ្នក​ដទៃ​ពិត​ជា​មិន​ពិបាក​ទេ អ្នក​គ្រាន់​តែ​ត្រូវ​ចេះ​ធ្វើឲ្យ​អ្នក​ដទៃ​ស្រួល​ខ្លួន ជាការស្រេច។ ជាពិសេសសម្រាប់​អ្នក​ដែល​ចង់​មាន​មិត្ត​ច្រើន ​ឬ​រក​មិត្ត​ពិត​នោះ មើល​វិធី​ខាង​ក្រោមសិន។

១ ចាប់ផ្តើមការជជែកជាមិត្តភាព និងមានភាពវិជ្ជមាន កុំចាំគេមក​ស្វាគមន៍មុន ត្រូវហ៊ានក្លាហានសួស្ដីរាកទាក់ទៅកាន់ញាតិមិត្តជុំវិញ។ ព្យាយាមស្គាល់ខ្លួនឯង​ដោយ​ណែនាំខ្លួន ពេលនិយាយកុំភ្លេចញញឹម ដើម្បីឲ្យ​គេចងចាំពីអារម្មណ៍រួសរាយ​រាក់ទាក់​របស់អ្នក។ មុននឹងចាប់ផ្តើមនិយាយ អ្នកក៏ត្រូវពិចារណាពាក្យដែលអ្នកចង់បង្ហាញផងដែរ ដើម្បីកុំឲ្យ​ប៉ះពាល់ដល់អារម្មណ៍អ្នកដទៃ ​ជាមួយនឹងប្រធានបទដែលបានលើកឡើង។ ប្រសិនបើ​និយាយអ្វីមួយដែលធ្វើឲ្យ​អ្នក​ខកចិត្តក្នុងគោលបំណង កុំខ្លាច​ក្នុង​ការ​សុំទោស។

២ បើកចិត្ត​ឲ្យ​ទូលាយ និង​មិន​ងាយ​អាក់​អន់​ចិត្ត​ផ្ដេសផ្ដាស មនុស្ស​គ្រប់រូប​មាន​ទស្សនៈ រៀងៗ​ខ្លួន​ អំពីអ្វីដែលពួកគេគិតនិងមាន។ សញ្ញាដែលបង្ហាញថា អ្នក​បើកចំហចិត្តគឺទទួលយក ស្តាប់ដោយ​មិន​រំខាន ហើយប្រសិនបើអ្នកមិនយល់ព្រម អ្នកមិនចាំបាច់លើកវាទេ គ្រាន់តែមានការ​ពិភាក្សា​ល្អ​ដោយ​មិន​ប្រកែក។ ការបើក​ចិត្ត​ទូលាយ ​ក៏បង្ហាញថាអ្នកជាប្រភេទមិត្តដែលតែងតែគាំទ្រ និង​យោគយល់។ អ្នកជំនាញផ្នែកសុខភាពផ្លូវចិត្ត Jinnie Cisterna, LCSW, Rh.D., CHt និយាយថា មិត្ត​ល្អ​គឺ​គាំទ្រ និង​ផ្ដល់​កន្លែង​ទំនេរ​ឲ្យ​អ្នក​ធ្វើ​ជា​ខ្លួនឯង។ មិន​ត្រឹម​តែ​ប៉ុណ្ណោះ គេ​ក៏​អាច​ធ្វើ​ខុស​ដែរ ប៉ុន្តែ​នៅ​តែ​គោរព​ព្រំដែន។

៣ សួរអំពីចំណូលចិត្ត ឬសកម្មភាពដែលចូលចិត្ត ប្រសិនបើអ្នកមានមិត្តភក្តិ​ដែលមានចំណង់ចំណូលចិត្ត​ដូចគ្នា​ ឬប្រេកង់ដូចគ្នា គឺជារឿងណាស់។ មិត្តភ័ក្តិបែបនេះ​អាចធ្វើឲ្យយើង​មិនសូវធុញទ្រាន់ ព្រោះ​អ្នកតែងតែ​អាច​ផ្លាស់ប្ដូរ​គំនិត​អំពីចំណង់ចំណូលចិត្តបាន។ នៅពេលដែលអ្នក​កំពុងស្វែងរក​មិត្ត សូមសាកល្បងសួរថា តើចំណង់ចំណូលចិត្ត ឬសកម្មភាពណា ដែលគាត់ចូលចិត្ត ដើម្បីស្វែងរកភាព​ស្រដៀងគ្នា។

៤ ស្មោះត្រង់ ការរាប់អានមិត្ត តែងមានមនុស្សណាម្នាក់ក្នុងចំណោមយើង ​កំពុងក្លែងបន្លំស្នាម​ញញឹម ឬពាក្យដែលអ្នកនិយាយ។ ដូច្នេះ ចូរ​ស្មោះ​ត្រង់​ពេល​អ្នក​ព្យាយាម​ចាប់​ផ្ដើម​មិត្តភាព​ជាមួយ​អ្នក​ដទៃ។ ភាគីវិជ្ជមានទាំងអស់ដែលអ្នកបានបង្ហាញដំបូង វានឹង​គ្មានប្រយោជន៍​ នៅ​ពេល​គាត់​ដឹង​ថា ​អ្នក​មិនស្មោះត្រង់។ លើសពីនេះ ចូរចាប់ផ្តើមគិតថា អ្នកក៏​មិនសប្បាយចិត្ត​ដូចគ្នា ដែលមានមិត្តដែលមិនស្មោះត្រង់ចំពោះបែបនេះ។

៥ ធ្វើ​ជា​អ្នក​ស្ដាប់​ដ៏​ល្អ ហើយ​មិន​វិនិច្ឆ័យ អ្នក​ច្បាស់​ជា​រំខាន​ពេលកំពុង​តែ​និយាយ​ជាមួយ​មនុស្ស​ដែល​មិន​អាច​ផ្ដោត​លើ​ការ​ស្ដាប់ ហើយ​រវល់​តែ​លេង​ស្មាតហ្វូន? ប្រសិនបើអ្នកចង់បង្កើតមិត្តល្អ ចូរព្យាយាមធ្វើ​ជាអ្នក​ស្តាប់​ដ៏​ល្អ​ នៅពេលមិត្តរបស់អ្នក​កំពុងនិយាយ។ បន្ថែមពីលើការស្តាប់ អ្នកក៏យល់ឲ្យ​បានច្រើនតាមដែលអាចធ្វើបាន នូវអត្ថន័យនៃអ្វីដែលកំពុងនិយាយនោះ ដូច្នេះហើយ កុំព្យាយាមវិនិច្ឆ័យអ្វីមួយ​ដែលអ្នកគ្រាន់តែឃើញ និងឮ​ដោយគ្មាន​ការ​ពន្យល់​ច្បាស់លាស់។ Carolyn Birsky, Certified Life Coach និយាយ​ថា “មនុស្សស្វែងរក​មនុស្ស​ដែល​ធ្វើ​ឲ្យ​ពួកគេមាន​អារម្មណ៍​ថា​បាន​ស្ដាប់ ហើយ​ចង់​រក្សា​មនុស្ស​ទាំងនោះ ​នៅ​ក្នុង​ជីវិត​របស់ពួកគេ”។

ការ​បង្កើត​មិត្ត​ មិនមែនជា​រឿង​ពិបាក​ទេ បើ​យើងមាន​ចំណុច​ដូច​ដែល​បាន​រៀបរាប់​ខាងលើ​នេះ ​ប៉ុន្តែ​បើ​យើង​ចូល​មក​រាប់អាន​បន្លំ​ ពូកែ​និន្ទា​គេ​ក្រោយ​ខ្នង​ សន្សំ​តែ​បញ្ហា​ឲ្យ​គ្នា​ ក៏​គ្មាន​អ្នកណា​ចង់​ចូល​មក​ក្បែរ​ដែរ៕

អត្ថបទ៖ សាង ស្រីល័ក្ខ

ចុចអាន៖ហេតុផល ៤ យ៉ាងធំៗ មិត្តភាពតែងតែបញ្ចប់ ដោយការមើលមុខគ្នាមិនត្រង់

ចុចអាន៖សម្គាល់មិត្តក្លែងក្លាយរាប់អានបន្លំៗ ដោយចំណុចទាំង ៥ នេះ