ព័ត៌មានជាតិ
ឆ្នេរតេជោសន្តិភាពកែប លេចរូបរាងបណ្តើរៗគ្រោងបើកឲ្យពលរដ្ឋចូលកម្សាន្តអំឡុងបុណ្យអុំទូក
ឆ្នេរតេជោសន្តិភាពកែប សម្រេចបានវឌ្ឍនភាពកំពុងសម្រុកឲ្យរួចរាល់មុនពិធីបុណ្យអុំទូក ដើម្បីបើកឲ្យពលរដ្ឋអាចចូលទៅកម្សាន្តសប្បាយ។
បើតាមប្រភពពីមន្ត្រីគណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្របានឲ្យកម្ពុជាថ្មីដឹងថា តាមការណែនាំរបស់ថ្នាក់ដឹកនាំ គម្រោងអភិវឌ្ឍឆ្នេរតេជោសន្តិភាពកែបដែលមានប្រវែង ២ ៧០០ ម៉ែត្រ នឹងត្រូវជំរុញបញ្ចប់ឲ្យបានរួចរាល់មុនពិធីបុណ្យអុំទូកខាងមុខ។
«ក្រុមការងារកំពុងជំរុញបញ្ចប់សាងសង់រង្វង់មូលនៅក្រោយផ្សារក្តាម ខណៈរង្វង់មូលលោកយាយជំទាវម៉ៅក៏រួចរាល់ច្រើនដែរ ប៉ុន្តែនៅសល់រូបចម្លាក់កម្ពស់ ២១ ម៉ែត្រ»។
មន្រ្តីរូបនេះបានបន្តថា ជំហានដំបូងត្រូវបញ្ចប់ការសាងសង់រង្វង់មូលសម្រាប់គយគន់ទេសភាពទាំងពីរទីតាំងក្នុងគម្រោង រួមទាំងពយទប់ទឹករលកឲ្យបានមុនពិធីបុណ្យអុំទូក ខណៈជំហានបន្តទៀតដួចជាការសាងសង់ផ្លូវថ្មើរជើង ផ្លូវជិះកង់ និងហេដ្ឋារចនាសម្ព័ន្ធផ្សេងទៀតនឹងបញ្ចប់បន្តបន្ទាប់តាមគម្រោងផែនការ។
គម្រោងអភិវឌ្ឍរមណីយដ្ឋានឆ្នេរខ្សាច់កម្សាន្តសាធារណៈកម្រិតខ្ពស់ «ឆ្នេរតេជោសន្តិភាពកែប» ធ្វើឡើងក្រោមទម្រង់នៃកិច្ចសន្យាអភិវឌ្ឍន៍រួមគ្នារវាងរដ្ឋ និងឯកជន ក្នុងគោលដៅកែលម្អនិងបង្កើតឆ្នេរខ្សាច់កម្សាន្តសាធារណៈដ៏ប្រណិត សម្រាប់បម្រើការកម្សាន្តរបស់ភ្ញៀវទេសចរជាតិ និងអន្តរជាតិមកទស្សនាខេត្តកែប។
ការអភិវឌ្ឍឆ្នេរប្រណិតកម្រិតខ្ពស់នៅខេត្តកែប គ្រោងប្រើប្រាស់រយៈពេល ២ ឆ្នាំ។ បើតាមគំរូប្លង់ ការអភិវឌ្ឍឆ្នេរកម្សាន្តខេត្តកែប ត្រូវបានចាត់ទុកជាគម្រោងអភិវឌ្ឍឆ្នេរដ៏ប្រណិតដំបូងគេក្នុងប្រទេសកម្ពុជា។
តាមរយៈគម្រោងអភិវឌ្ឍឆ្នេរកម្សាន្តថ្មីនេះ នឹងជួយលើកកម្ពស់មុខមាត់ខេត្តកែបក៏ដូចជាទាក់ទាញទេសចរមកកម្សាន្តខេត្តកែបកាន់តែច្រើនថែមទៀត។
ពាក់ព័ន្ធគម្រោងអភិវឌ្ឍឆ្នេរកម្សាន្តថ្មីនៅខេត្តកែបនេះ លោក សោម ពិសិដ្ឋ អភិបាលខេត្តកែបមិនបានបង្ហើបតម្លៃខ្ទង់ចំណាយក្នុងគម្រោងនេះទេ។ ឆ្លើយតបសំនួររបស់កម្ពុជាថ្មី ក្នុងឱកាសចូលរួមពិធីបើកការដ្ឋានសាងសង់ លោកគ្រាន់តែបញ្ជាក់ថា ថវិកាយកមកអភិវឌ្ឍឆ្នេរដ៏ប្រណិតនេះ បានមកពីម្ចាស់ក្បាលដីចូលរួមជាមួយរដ្ឋដោយមិនមានការវិនិយោគពីវិស័យឯកជនណានោះទេ។
បើតាមប្លង់មេ គម្រោងអភិវឌ្ឍន៍រមណីយដ្ឋានឆ្នេរខ្សាច់កម្សាន្តសាធារណៈកម្រិតខ្ពស់នៅខេត្តកែបមានប្រវែង ២ ៧០០ ម៉ែត្រ ចាប់ពីផ្សារក្ដាមទៅដល់ព្រៃកោងកាង ស្ថិតនៅភូមិថ្មី សង្កាត់ព្រៃធំ ក្រុងកែប ខេត្តកែប ក្នុងនោះត្រូវសាងសង់ឆ្នេរខ្សាច់កម្សាន្តសាធារណៈកម្រិតខ្ពស់មានទទឹងយ៉ាងតិចប្រវែង ៣០ ម៉ែត្រ។ ក្នុងគម្រោងក៏មានការសាងសង់សួនច្បារសាធារណៈ និងការដាំដើមឈើនៅលើដីចំណីឆ្នេរសមុទ្រមានទទឹង ៥០ ម៉ែត្រ។
គម្រោងអភិវឌ្ឍឆ្នេរនេះ ក៏មានការស្ថាបនាវិថីនិងអនុវិថីចូលឆ្នេរសមុទ្រចំនួន ៥ ខ្សែ រួមមានការរៀបចំផ្លូវថ្មើរជើង ផ្លូវថ្មើរជើងសម្រាប់ជនមានពិការភ្នែក ផ្លូវជិះកង់ និងរង្វង់មូលគយគន់ទេសភាពចំនួន ២ កន្លែង ដោយរង្វង់មូលទី១ មានអង្កត់ផ្ចិតប្រវែង ៩៩ ម៉ែត្រស្ថិតនៅចុងវិថីចូលឆ្នេរសមុទ្រទី១ ដែលគ្រោងតម្កល់នូវរូបចម្លាក់លោកយាយជំទាវម៉ៅក្នុងទម្រង់មេទ័ពជាញជ័យ។ រីឯរង្វង់មូលទី ២ មានអង្កត់ផ្ចិតប្រវែង ៩៩ ម៉ែត្រ ស្ថិតនៅចុងវិថីចូលឆ្នេរសមុទ្រទី២ គ្រោងរក្សាទុកជាលម្អសាធារណៈសម្រាប់ប្រារព្ធពិធីបុណ្យនិងពិព័រណ៍នានា៕
-
កីឡា៧ ម៉ោង agoបារាំង ចប់ដំណើរនៅ World Cup 2026 ក្រោមថ្វីជើង អេស្ប៉ាញ ២-០ វគ្គ ១/២ ផ្តាច់ព្រ័ត្រ
-
ព័ត៌មានជាតិ២ ថ្ងៃ agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
សេដ្ឋកិច្ច១ សប្តាហ៍ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ៥ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ៦ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
ព័ត៌មានអន្ដរជាតិ១ សប្តាហ៍ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
សន្តិសុខសង្គម៦ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ១ សប្តាហ៍ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ