គណៈប្រចាំការនៃគណៈអចិន្រ្តៃយ៍យុវជនគណបក្សថ្នាក់កណ្តាល នាំយកអំណោយសម្តេច ហ៊ុន ម៉ាណែត និងលោកជំទាវបណ្ឌិត ប្រគល់ជូនវីរកងទ័ព

ភ្នំពេញ៖នៅថ្ងៃទី២១ ខែធ្នូ ឆ្នាំ២០២៥នេះ  គណៈប្រចាំការនៃគណៈអចិន្រ្តៃយ៍យុវជនគណបក្សថ្នាក់កណ្តាល បាននាំយកអំណោយរបស់សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ប្រគល់ជូនវីរកងទ័ព។

អំណោយទាំងនោះរួមមាន៖ ១. អង្ករ៦តោន, ២. នំ UN900ចំនួន៥០កេស, ៣. អំបុក១៤០កេស, ៤. ត្រីខកំប៉ុង៥០កេស, ៥. មីជាតិ ៥០កេស, ៦. សាច់ផាត់១០០គីឡូ, ៧. ភេសជ្ជៈ១០០កេស, ៨ .ភេសជ្ជៈកូឡា៥០កេស ៩. ទឹកសុទ្ធ 1500ml ៥០០កេស, ១០. បារី ,១១ .ត្រីប្រៃ ,១២ .ស៊ុត ,១៣ .ខ្ទឹមស។

បណ្ឌិត ជ្រុន ថេរ៉ាវ៉ាត លើកឡើងថា អំណោយដែលបានប្រគល់ជូននាពេលនេះ គឺកើតចេញពីការស្ម័គ្រចិត្ត និងបង្ហាញអំពីស្មារតីស្នេហាជាតិ សាមគ្គីភាពជាតិ ខ្មែរជួយខ្មែរ ខ្មែរស្រលាញ់ខ្មែរ ជាធ្លុងដ៏រឹងមាំមួយ ក្នុងការគាំទ្ររវាងកម្លាំងជួរក្រោយ ជាមួយវីរកងទ័ពជួរមុខ ដ៏អង់អាចរបស់ជាតិយើង ដែលកំពុងប្រតិបត្តិការការពារអធិបតេយ្យភាព បូរណភាពទឹកដី នៅតាមបណ្តោយព្រំដែនកម្ពុជា-ថៃ។

ជាមួយគ្នានេះបណ្ឌិត ជ្រុន ថេរ៉ាវ៉ាត ក៏បានអំពាវនាវដល់សប្បុរសជនមេត្តាជួយឧបត្ថម្ភគាំទ្រដល់វីរកងទ័ពជួរមុខ ដ៏អង់អាចរបស់ជាតិ ដែលកំពុងប្រតិបត្តិការការពារអធិបតេយ្យភាព បូរណភាពទឹកដី ក្នុងពេលដែលសត្រូវកំពុងឈ្លានពានទឹកដី៕