ព័ត៌មានជាតិ

សិស្សសាលាបឋមសិក្សាគំរូក្រុង ចុះទស្សនកិច្ចសិក្សា ស្វែងយល់ពីសមុច្ច័យ ក្នុងសារមន្ទីរខេត្តកំពង់ឆ្នាំង

បានផុស

៧ ខែ មុន

នៅ

ថ្ងៃអង្គារ ២៣ ធ្នូ ២០២៥

ដោយ

សិស្សានុសិស្សថ្នាក់ទី ៣ និង ទី ៤ នៃសាលាបឋមសិក្សាគំរូក្រុង ចំនួន ៥០ នាក់ បានចុះទៅទស្សនកិច្ចសិក្សា និង ស្វែងយល់ពីសមុច្ច័យ ក្នុងសារមន្ទីរខេត្តកំពង់ឆ្នាំង នៅព្រឹកថ្ងៃទី ២៣ ខែធ្នូ ឆ្នាំ ២០២៥ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សិស្សានុសិស្សទាំងអស់ ពោរពេញដោយស្នាមញញឹម នៅពេលបានទស្សនានូវវត្ថុបុរាណដ៏សម្បូរបែប ដែលវត្ថុបុរាណទាំងនោះ មានប្រវត្តិសាស្ត្រដ៏យូរលង់ណាស់មកហើយ។ ទាំងនេះ គឺជាស្នាដៃដ៏អស្ចារ្យរបស់បុព្វបុរសខ្មែរបានបន្សល់ទុកមករហូតដល់បច្ចុប្បន្ន។

តាមរយៈការធ្វើទស្សនកិច្ចនេះ ក៏បានលើកទឹកចិត្តដល់កុមារកម្ពុជា ឲ្យចូលទៅទស្សនា ដើម្បីសិក្សា និងស្វែងយល់ពីវត្ថុបុរាណទាំងនេះ ក៏ដូចជាការលើកកម្ពស់ក្នុងការចូលរួមអភិរក្សនូវសម្បត្តិវប្បធម៌របស់ជាតិផងដែរ។

តាមការគ្រោងទុក ថ្នាក់ដឹកនាំសាលា នឹងបញ្ជូនសិស្សានុសិស្សចំនួន ១៥០ នាក់ ទៅសិក្សាស្វែងយល់ចំនួន ៣ ថ្ងៃ គឺ ថ្ងៃទី ២៣-២៤-២៥ ខែធ្នូ ចុងឆ្នាំ ២០២៥ នេះ។

គួរជម្រាបថា សារមន្ទីរខេត្តកំពង់ឆ្នាំង គឺជាកន្លែងទេសចរណ៍ដែលចាំបាច់មួយក្នុងការទស្សនាសម្រាប់អ្នកដែលចាប់អារម្មណ៍លើវប្បធម៌ និងប្រវត្តិសាស្ត្រខ្មែរ។ សារមន្ទីរនេះ ជាកន្លែងប្រមូលផ្ដុំវត្ថុបុរាណ និងស្នាដៃសិល្បៈ ដ៏គួរឲ្យចាប់អារម្មណ៍ពីសម័យកាលផ្សេងៗ គ្នា នៃអតីតកាលដ៏សម្បូរបែបរបស់ជាតិខ្មែរ៕