ក្រុងក្រចេះមានគ្រឹះស្ថានសិក្សា ៧ កន្លែង និង​សកលវិទ្យាល័យរដ្ឋមួយកន្លែង

ក្រុងក្រចេះគឺជាទីប្រជុំជនដ៏ធំមួយរបស់ខេត្តក្រចេះ ដែលប្រជុំទៅដោយមន្ទីរ អង្គភាព កន្លែងធ្វើការងារ អាជីវករលក់ដូរ និងគ្រឹះស្ថានអប់រំទាំងរដ្ឋ និងឯកជនយ៉ាងច្រើនកន្លែង។

វិស័យអប់រំរបស់រដ្ឋ មានចាប់តាំងពីសាលាមត្តេយ្យ រហូតដល់សកលវិទ្យាល័យ ក្នុងនោះក្រុងក្រចេះ មានអនុវិទ្យាល័យសរុបចំនួន ៧ កន្លែង វិទ្យាល័យ ៣ កន្លែង និងសាកលវិទ្យល័យមួយកន្លែង។

ក្នុងនោះ រួមមាន៖ អនុវិទ្យាល័យកោះទ្រង់, អនុវិទ្យាល័យនិង​វិទ្យាល័យសម្តេចតេជោ ហ៊ុន សែន ក្រុងក្រចេះ, អនុវិទ្យាល័យ​​និង​វិទ្យាល័យព្រះមហាក្សត្រីយានី កុសុមៈ, អនុវិទ្យាល័យ​និង​វិទ្យាល័យ ខូវ ប៊ុនស៊ុន, អនុវិទ្យាល័យ កាប៉ូ, អនុវិទ្យាល័យរកាកណ្ដាល, អនុវិទ្យាល័យក្រគរ និងសាកលវិទ្យាល័យក្រចេះ។

ប្រភពពីមន្ទីរអប់រំ យុវជន និងកីឡាខេត្តក្រចេះ បានឱ្យដឹងថា ទិន្នន័យសិស្សឆ្នាំសិក្សា ២០២៥~២០២៦ ពីថ្នាក់ទី៩ ដល់ថ្នាក់ទី១២ សរុបមានចំនួន ២ ៨៨៨ នាក់ ក្នុងនោះ ស្រី ១ ៥៨៤នាក់៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ ប្រុញ វិធិន