ព័ត៌មានជាតិ
ខ្មែរ រុស្ស៊ី និងវៀតណាម៥នាក់ត្រូវបញ្ជូនទៅតុលាការពីករណីជួញដូរគ្រឿងញៀន នៅសៀមរាប
ខេត្តសៀមរាប៖ លោកឧត្ដមសេនីយ៍ត្រី អ៊ុំ អមរា ស្នងការរងនគរបាលខេត្តសៀមរាប ទទួលផែនគ្រឿងញៀន បានឱ្យដឹងថា មនុស្សស្រីប្រុស៥នាក់ដែលសមត្ថកិច្ចធ្វើការបង្ក្រាប កាលពីរសៀលថ្ងៃទី២០ ខែមេសា កន្លងទៅថ្មីៗនេះ បានសមត្ថកិច្ចបញ្ជូនទៅតុលាការនៅព្រឹកថ្ងៃទី២២ ខែ មេសា នេះហើយ។
កម្លាំងការិយាល័យប្រឆាំងគ្រឿងញៀន បានសហការជាមួយកម្លាំងប៉ុស្តិ៍នគរបាលរដ្ឋបាលសង្កាត់គោកចក ក្រុងសៀមរាប ចុះបង្ក្រាបបទល្មើសជួញដូរ និងប្រើប្រាស់ដោយខុសច្បាប់នូវសារធាតុញៀន នៅចំនុចលំនៅដ្ឋានស្ថិតនៅភូមិវាល សង្កាត់គោកចក ក្រុងសៀមរាប ដោយឃាត់ខ្លួនមនុស្សម្នាក់ឈ្មោះ សំ មករា ហៅត្រេន ភេទប្រុស ឆ្នាំកំណើត ១៩៩៥ ជនជាតិខ្មែរ មុខរបរជាងជួសជុលកង់ មានទីលំនៅភូមិវាល សង្កាត់គោកចក ក្រុងសៀមរាប។
លោកឧត្ដមសេនីយ៍ត្រី អ៊ុំ អមរា បានបញ្ចាក់ទៀតថា នៅថ្ងៃទី២១ ខែមេសា វេលាម៉ោង០៧និង៣០នាទី កម្លាំងការិយាល័យប្រឆាំងគ្រឿងញៀន បានពន្លាតបន្ត ដោយឃាត់ខ្លួនជនសង្ស័យចំនួន០៤នាក់ថែមទៀត ជាជនជាតិខ្មែរ និងជនជាតិបរទេស ពីបទរក្សាទុកជួញដូរចាត់ចែង សម្រួល និងប្រើប្រាស់ដោយខុសច្បាប់នូវសារធាតុញៀន នៅចំនុចបន្ទប់ជួលស្ថិតនៅភូមិសាលាកន្សែង សង្កាត់ស្វាយដង្គំ ដោយឃាត់ជនសង្ស័យចំនួន០៤នាក់ ១ ឈ្មោះ ស គឹមរ៉ា ហៅនាង ភេទប្រុស ឆ្នាំកំណើត១៩៩៣ ជនជាតិខ្មែរ មុខរបរជាងភ្លើង មានទីលំនៅភូមិវាល សង្កាត់គោកចក ក្រុងសៀមរាប។ ២ ឈ្មោះ លឹម លីវុធ ភេទប្រុស ឆ្នាំកំណើត ១៩៦៨ ជនជាតិខ្មែរ មុខរបរជាងជួសជុលម៉ូទ័រ មានទីលំនៅភូមិវាល សង្កាត់សំបួរ ក្រុងសៀមរាប។ ៣ ឈ្មោះ PAVEL MIRINOV ភេទប្រុស ឆ្នាំកំណើត ១៩៨១ ជនជាតិរុស្សី មុខរបរអ្នកនេសាទ មានទីលំនៅស្នាក់នៅបន្ទប់ជួល ភូមិសាលាកន្សែង សង្កាត់ ស្វាយដង្គំ ក្រុងសៀមរាប និង ៤ ឈ្មោះ ឡេ ធីភឿង រឺ ឡេង ស្រីល័ក្ខ ភេទស្រី ឆ្នាំកំណើត ១៩៩២ ជនជាតិវៀតណាម មុខរបរគ្មាន មានទីលំនៅស្នាក់នៅបន្ទប់ជួល ភូមិសាលាកន្សែង សង្កាត់ ស្វាយដង្គំ ក្រុងសៀមរាប។
លោកបន្តថា ក្នុងប្រតិបត្តិការបង្ក្រាបបទល្មើសនេះ សមត្ថកិច្ចដកហូតវត្ថុតាងបានរួមមាន ម្សៅមេតំហ្វេតាមីនចំនួន០៧កញ្ចប់ ស្មើនឹងទម្ងន់ ១,៥៩ក្រាម (ទម្ងង់សុទ្ធ) ម៉ូតូចំនួន០២គ្រឿង ទូរស័ព្ទដៃចំនួន ០៦គ្រឿង លិខិតឆ្លងដែនចំនួន០១ក្បាល និងកាតអេធីអឹមABAចំនួន ០១។
នៅថ្ងៃទី២២ ខែមេសា ឆ្នាំ២០២១នេះ ជនសង្ស័យព្រមទាំងវត្ថុតាងត្រូ វបានកម្លាំងការិយាល័យជំនាញកសាងសំណុំរឿងបញ្ចូនទៅសាលាដំបូងខេត្តសៀមរាប ដើម្បីចាត់ការតាមនីតិវិធីនៃ៕
អត្ថបទ៖ គឿនវេត
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៨ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ