ស្ថានភាពជំងឺកូវីដ-១៩ស្ថិតក្នុងការព្រួយបារម្ភ ១សប្ដាហ៍ទៀតទើបអាចវាយតម្លៃ
Connect with us
Helistar Cambodia - Helicopter Charter Services

ព័ត៌មានជាតិ

ស្ថានភាពជំងឺកូវីដ-១៩ស្ថិតក្នុងការព្រួយបារម្ភ ១សប្ដាហ៍ទៀតទើបអាចវាយតម្លៃ

បានផុស

នៅ

ស្របពេលរដ្ឋាភិបាលបានប្រើវិធានការបិទខ្ទប់រាជធានីភ្នំពេញ និងក្រុងតាខ្មៅ នៃខេត្តកណ្ដាល ជាង១សប្ដាហ៍ រីឯករណីឆ្លងជំងឺកូវីដ-១៩ នៅតែមានទិន្នន័យច្រើនរាល់ថ្ងៃ មន្ត្រីជាន់ខ្ពស់នៃក្រសួងសុខាភិបាលបញ្ជាក់ថា នៅពេលនេះមិនអាចវាយតម្លៃ ស្ថានភាពឆ្លងកូវីដ-១៩ ថាខ្លាំង ឬយ៉ាងណាទេ គឺត្រូវរង់ចាំតាមដានប្រហែល១សប្ដាហ៍ទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី ឱ​ វណ្ណឌីន​ ជារដ្ឋលេខាធិការ និងជាអ្នកនាំពាក្យក្រសួងសុខាភិបាល បានមានប្រសាសន៍ប្រាប់ កម្ពុជាថ្មី នៅរសៀលនេះថា ការបិទខ្ទប់រាជធានីភ្នំពេញ និងក្រុងតាខ្មៅ​ នៃខេត្តកណ្ដាលគឺជាការព្យាយាមស្វែងរកករណីឆ្លងចូលសហគមន៍ជាបន្តទៀត។ ប្រសិនបើប្រជាពលរដ្ឋអនុវត្តត្រឹមត្រូវនូវវិធានការបិទខ្ទប់នេះ​ លោកស្រីនៅមានសង្ឃឹមថា យើងនឹងអាចមើលឃើញលទ្ធផលអាចនៅមួយសប្ដាហ៍ខាងមុខទៀត។

លោកស្រី មានប្រសាសន៍ថា៖ “១សប្ដាហ៍ទៀតទើបយើងអាចដឹងពីស្ថានការណ៍ហ្នឹងនឹងវិវត្តទៅជាយ៉ាងណាទៀត  ថាស្ថានភាពនៅតែឆ្លងខ្លាំង ឬថមថយចុះ។ ព្រោះឥឡូវយើងមិនអាចសន្និដ្ឋានបានទេ ដោយសារវិធានការ [បិទខ្ទប់] ក៏ទើបអនុវត្តដែរ ហើយការចម្លងបានរាតត្បាតរួចទៅហើយ ដូចនេះយើងនៅរង់ចាំមើល១សប្ដាហ៍ទៀត តើវានឹងវិវត្តទៅជាយ៉ាងណា?”។

លោកស្រី ឱ វណ្ណឌីន បានបង្ហាញថា ស្ថានភាពឆ្លងជំងឺកូវីដចូលសហគមន៍បច្ចុប្បន្នកំពុងស្ថិតក្នុងការព្រួយបារម្ភ ហេតុដូចនេះទើបរដ្ឋាភិបាលខិតខំចាត់វិធានការរហូតដល់បិទខ្ទប់រាជធានី និងខេត្តដែលផ្ទុះការឆ្លងជំងឺកូវីដខ្លាំងបែបនេះ។

លោកស្រី លើកឡើងថា៖ “កត្ដាដែលនាំឱ្យមានការរីករាលដាលនៃជំងឺកូវីដ-១៩នេះ ដោយសារ ការអនុវត្ត៣កុំ៣ការពារអត់បានគ្រប់ជ្រុងជ្រោយ ហើយប្រជាពលរដ្ឋនៅតែដើរចេញក្រៅ និងជួបជុំគ្នា”។

គួរបញ្ជាក់ថា នៅរសៀលថ្ងៃក្រសួងសុខាភិបាលបានប្រកាសរកឃើញករណីថ្មីនៃអ្នកជំងឺកូវីដ១៩ ចំនួន ៤៤៦នាក់ ក្នុងនោះ នៅរាជធានីភ្នំពេញ មានចំនួន ៣៣១នាក់ ខេត្តកណ្ដាល មានចំនួន ២១នាក់ ដោយម្សិលមិញ ក្រសួងបានរកឃើញករណីកូវីដ១៩ សរុប ៣០៣ នៅរាជធានីភ្នំពេញ មានចំនួន ២៤៨នាក់ ខេត្តកណ្ដាល មានចំនួន២៦នាក់៕

អត្ថបទ​៖ ច័ន្ទ វីរៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ម៉ោង មុន

លោកជំទាវ ឱ វណ្ណឌីន ៖ បើ​មិន​ចង់​ឲ្យ​ជួប​ព្រឹត្តិការណ៍​ដូច​ឥណ្ឌា យើង​ត្រូវ​រួម​គ្នា​ឆ្លង​កាត់​ការ​លំបាកពេល​នេះ​ឲ្យ​បាន

ព័ត៌មានជាតិ៧ ម៉ោង មុន

ថ្ងៃនេះរដ្ឋបាល​រាជធានីភ្នំពេញ​ បង្ហាញអត្តសញ្ញាណអ្នក​វិជ្ជមាន​កូវីដ១៩​ចំនួន៤២៤រូប

កូវីដ-១៩៧ ម៉ោង មុន

អាជ្ញាធរស្រុកបាទីបង្ហាញអត្តសញ្ញាណអ្នកឆ្លងជំងឺកូវីដ-១៩ ចំនួន៧នាក់ ដែលជាករណីឆ្លងក្នុង​សហគមន៍

ព័ត៌មានជាតិ៨ ម៉ោង មុន

អគ្គិសនី​កម្ពុជា​អំពាវនាវ​ដល់​ពលរដ្ឋ​នៅ​តំបន់​បិទ​ខ្ទប់​នៅ​រាជធានី​ភ្នំពេញ​និង​ក្រុង​តាខ្មៅ​ទូទាត់​ថ្លៃ​អគ្គិសនី​ឲ្យ​បាន​ទាន់ពេលវេលា

ព័ត៌មានជាតិ៨ ម៉ោង មុន

អាជ្ញាធរខេត្ត​ព្រះសីហនុ​បាន​ឃាត់ខ្លួន​ជនជាតិខ្មែរ​និង​ចិន​ជាង​៦០​នាក់​ដែល​ល្មើស​នឹង​បម្រាម​

Sokha Hotels

ព័ត៌មានពេញនិយម

Helistar Cambodia - Helicopter Charter Services