Connect with us

ព័ត៌មានជាតិ

ស្វែងរកសកម្មភាពដែលអាចធ្វេីបាន​ សម្រាប់កិច្ចការពង្រឹងមណ្ឌលសុខភាព នៅ ១៣ខេត្ត

បានផុស

នៅ

រដ្ឋលេខាធិការក្រសួងសុខាភិបាល ដឹកនាំកិច្ចប្រជុំ ស្វែងរកសកម្មភាពដែលអាចធ្វេីបាន​ សម្រាប់កិច្ចការពង្រឹងមណ្ឌលសុខភាព​ នៅក្នុងសេចក្តីព្រាងផែនការឆ្នាំ២០២៤-២០២៥​ និងសេចក្តីព្រាងបញ្ជីផ្ទៀងផ្ទាត់សកម្មភាពការងារនៅតាមមណ្ឌលសុខភាពនៃបណ្តាខេត្តទាំង​ ១៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃទី៤ ខែមករា ឆ្នាំ២០២៤នេះ វេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស (គ.វ.ក ១៩) បានឱ្យដឹងថា នារសៀលថ្ងៃទី៣ ខែមករា ឆ្នាំ២០២៤ លោកស្រីបានដឹកនាំកិច្ចប្រជុំក្រុមការងារ ជំរុញ និងពង្រឹងការអនុវត្តន៍ការងារពង្រឹងគុណភាពសេវាមណ្ឌលសុខភាពចំនួន ១៣ខេត្ត នៅក្រសួងសុខាភិបាល។

កិច្ចប្រជុំនេះ ដើម្បីពិនិត្យ និងពិភាក្សាការងារ​ លេីចំណុចកែលម្អសេចក្តីព្រាងផែនការកែលម្អឱ្យកាន់តែប្រសើរឡើងនូវគុណភាពមណ្ឌលសុខភាពសម្រាប់ ឆ្នាំ២០២៤-២០២៥។ ការងារពង្រឹងគុណភាពសេវាមណ្ឌលសុខភាពចំនួន ១៣ខេត្ត នោះមានដូចជានៅ ខេត្តព្រៃវែង ស្វាយរៀង ត្បូងឃ្មុំ ក្រចេះ ស្ទឹងត្រែង មណ្ឌលគិរី រតនៈគិរី កំពង់ចាម កំពង់ធំ សៀមរាប ព្រះវិហារ ឧត្តរមានជ័យ និងខេត្តបន្ទាយមានជ័យ។​

គួរបញ្ជាក់ថា ក្នុងកិច្ចប្រជុំនេះ មានការអញ្ជើញចូលរួមដោយ លោក លោកស្រី រដ្ឋលេខាធិការ និង អនុរដ្ឋលេខាធិការ នៃក្រុមការងារពង្រឹងមណ្ឌលសុខភាពទាំង ១៣ខេត្ត៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម