ព័ត៌មានជាតិ

ខេត្តបាត់ដំបងឃាត់ខ្លួនមនុស្សប្រុសស្រី២៦នាក់ ប្រមូលផ្តុំផឹកស៊ី និងប្រើប្រាស់គ្រឿងញៀន

បានផុស

៥ years មុន

នៅ

ថ្ងៃចន្ទ ៣ ឧសភា ២០២១

ដោយ

សមត្ថកិច្ចខេត្តបាត់ដំបងបានធ្វើការឃាត់ខ្លួនមនុស្សប្រុសស្រីចំនួន ២៦នាក់ ប្រមូលផ្តុំផឹកស៊ី និងប្រើប្រាស់គ្រឿងញៀនយ៉ាងពពាក់ពពូន ក្នុងទីតាំងហាងខារ៉ាអូខេមួយកន្លែងដែលមានយីហោ (អាហារដ្ឋានពិភពថ្មី) ស្ថិតនៅចំណុចក្រុមទី០១ ភូមិបឹងរាំង ស្រុកកំរៀង ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពព័ត៌មានពីអគ្គស្នងការនគរបាលជាតិបានឲ្យដឹងថា ក្នុងប្រតិបត្តិការនេះ ក្រៅពីបានឃាត់ខ្លួនមនុស្សប្រុសស្រី ចំនួន២៦នាក់សមត្ថកិច្ចក៏បានឃាត់ម្ចាស់ទីតាំងអ្នកចាត់ចែង និងដកហូតបានថ្នាំញៀនប្រភេទមេតំហ្វេតាមីន (ម៉ាទឹកកក ICE) ចំនួន០១ថង់ ទម្ងន់៤,៤៤ក្រាម រួមទាំងមធ្យោបាយផ្សេងទៀតមួយចំនួន។

បច្ចុប្បន្ន សមត្ថកិច្ចបានរៀបចំបញ្ជូនពួកគេទៅកាន់សាលាដំបូងខេត្តបាត់ដំបង ដើម្បីចាត់ការតាមផ្លូវច្បាប់។

ការប្រព្រឹត្តិរបស់មនុស្សប្រុសស្រី២៦នាក់នោះ ផ្ទុយពីសេចក្តីណែនាំរបស់រដ្ឋបាលខេត្តបាត់ដំបងស្តីពីវិធានការជាបណ្តោះអាសន្នរយៈពេល១៤ថ្ងៃចាប់ពីថ្ងៃ២៩ ខែមេសា ដល់ថ្ងៃទី១៣ ខែឧសភា ឆ្នាំ២០២១ ដើម្បីចូលរួមបង្ការ និងទប់ស្កាត់ការឆ្លងរាលដាលជំងឺកូវីដ-១៩ ក្នុងភូមិសាស្ត្រខេត្តបាត់ដំបង។

ក្នុងនោះហាមឃាត់ការលក់ដូរគ្រឿងស្រវឹងនិងការជួបជុំសេពគ្រឿងស្រវឹង។ ផ្អាកជាបណ្ដោះអាសន្ននៃការជួបជុំប្រមូលផ្តុំមនុស្សច្រើនដូចជាការលេងល្បែងកម្សាន្តនិងកីឡាគ្រប់ប្រភេទដែលមានលក្ខណៈប្រមូលផ្តុំ។

បន្ថែមពីនេះ ចំពោះអ្នកដំណើរដែលវិលត្រឡប់មករស់នៅនិងស្នាក់នៅរយៈពេលវែងនៅក្នុងភូមិសាស្ត្រខេត្តបាត់ដំបងត្រូវអនុវត្តវិធានការចត្តាឡីស័កនឹងយកសំណាកផងដែរ ហើយធ្វើការអនុវត្តការផាកពិន័យអន្តរការណ៍ចំពោះបុគ្គលមិនគោរពតាមការណែនាំរបស់រដ្ឋបាលខេត្តផងដែរ។

គួរបញ្ជាក់ថា ប្រតិបត្តិការឃាត់ខ្លួនមនុស្សប្រុសស្រីទាំង២៦នាក់នោះ បានធ្វើឡើងកាលពីល្ងាចថ្ងៃទី០១ ខែឧសភា ឆ្នាំ២០២១ ហើយត្រូវបានផ្សព្វផ្សាយជាផ្លូវការនៅថ្ងៃទី០៣ឧសភានេះ៕

ដោយ ៖ សោ និយមរ័ត្ន

Related Topics:គ្រឿងញៀន

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា