ព័ត៌មានជាតិ
ប្រជាពលរដ្ឋតវ៉ា ឱ្យឈ្មួញរុះរើរបងរំលោភយកខ្នងប្រឡាយដីរបស់រដ្ឋ
ភ្នំពេញ៖ ប្រជាពលរដ្ឋជាច្រើនគ្រួសារនាំគ្នាតវ៉ាឱ្យឈ្មួញម្នាក់ឈ្មោះ វេង សំអាត ដែលធ្វើរបងរំលើដីខ្នងប្រឡាយធ្វើជាកម្មសិទ្ធរបស់ខ្លួន ឱ្យរុះរើចេញវិញ ព្រោះដីខ្នងប្រឡាយទទឹងថ្ងៃជាដីរបស់រដ្ឋ ដែលប្រជាពលរដ្ឋ និងព្រះសង្ឃបានយកទឹកទៅប្រើប្រាស់ និងដើរឆ្លងកាត់ទីនេះតាំងពីដើមរៀងមក។ ទីតាំងស្ថិតក្នុងភូមិស្រែដូនតូច សង្កាត់ពញ្ញាពន់ ខណ្ឌព្រែកព្នៅ រាជធានីភ្នំពេញ។
ប្រជាពលរដ្ឋឈ្មោះ ជឹម ខន អាយុ៦៥ឆ្នាំ បានលើកឡើងថា តាំងពីដើមរៀងមកប្រជាពលរដ្ឋក្នុងភូមិស្រែដូនតូច និងព្រះសង្ឃ រស់នៅដោយអាស្រ័យផលពីប្រឡាយនេះដោយបូបទឹកយកទៅបង្កបង្កើនផល ប្រើប្រាស់ដើម្បីចិញ្ចឹមជីវិតរៀងរហូតមក។ ទើបតែរយៈពេលមួយឆ្នាំមកនេះឈ្មួញដែលមានដីចម្ការជាប់នៅទីនេះបានព័ទ្ធរបងធ្វើជាកម្មសិទ្ធ លែងឱ្យប្រជាពលរដ្ឋដើរឆ្លងកាត់ទីនេះដូចមុនទៀត ហើយប្រជាពលរដ្ឋបាននាំគ្នារើរបងដែលបិទផ្លូវនេះចេញម្តងហើយ តែត្រូវបានឈ្មួញនេះធ្វើឡើងវិញដោយរៀបឥដ្ឋធ្វើរឹងមាំជាងមុនទៀត។
លោកបន្តថា នៅថ្ងៃនេះប្រជាពលរដ្ឋបាននាំគ្នាមកតវ៉ាឱ្យឈ្មួញបើកផ្លូវឡើងវិញ ដើម្បីប្រជាពលរដ្ឋបានអាស្រ័យផល និងប្រើប្រាស់ដូចមុន។
ចំណែកលោក អន អេង សមាជិកក្រុមប្រឹក្សាសង្កាត់ពញ្ញាពន់ បានលើកឡើងថា ប្រឡាយនេះមានទទឹងប្រវែងប្រមាណជា៥០ម៉ែត្រ បណ្តោយប្រវែងប្រមាណជា៤០០ម៉ែត្រ និងមានខ្នងប្រឡាយទំហំប្រមាណជា១៥ម៉ែត្រ ដែលប្រឡាយនេះជាប់នឹងស្រុកពញ្ញាឮ ពាក់កណ្តាល ហើយប្រជាពលរដ្ឋសង្កាត់ពញ្ញាពន់ និងស្រុកពញ្ញាឮ បានអាស្រ័យផលតាំងពីដើមរៀងមក។
លោកបន្តថា ទើតែរយៈពេលប្រមាណជា១ឆ្នាំមកនេះ មានឈ្មោះ វែង សំអាត បានយករថយន្តស៊ីនទ្រីដែលខូចយកមកទុកលើខ្នងប្រឡាយនេះតែ១គ្រឿងទេ តែរហូតមកដល់ទីនេះកើនដល់១៥គ្រឿង ដោយមិនបានសុំការអនុញ្ញាតិពីភូមិ និងសង្កាត់នោះឡើយ ហើយបានធ្វើរបងបិទជិតមិនឱ្យប្រជាចេញចូលបានទៀត។
សមាជិកក្រុមប្រឹក្សាសង្កាត់ពញ្ញាពន់ រូបនេះបន្តទៀតថា បន្ទាប់ពីឃើញឈ្មោះ វេង សំអាត ធ្វើរបងបិទជិតដូចនេះ ខាងអាជ្ញាធរបានចេញលិខិត និងប្រាប់ជាច្រើនលើកច្រើនសារឱ្យរុះរើរបងនេះចេញ តែឈ្មោះ វេង សំអាត នេះមិនស្តាប់ឡើយគឺកាន់តែធ្វើរបងរឹងមាំ និងដាំដើមឈើបន្ថែមទៀត។
លោកបញ្ជាក់បន្ថែមថា ប្រជាពលរដ្ឋ និងអាជ្ញាធរនៅតែទទូចឱ្យឈ្មោះ វេង សំអាត នេះចេញមុខមកដោះស្រាយជាមួយអាជ្ញាធរ ដើម្បីបើកផ្លូវជូនប្រជាពលរដ្ឋឆ្លងកាត់ និងបានប្រើប្រាសទឹកប្រឡាយទទឹងថ្ងៃនេះឡើងវិញ មិនត្រូវធ្វើអ្វីរំលងអាជ្ញាធរបែបនេះទេ ណាមួយដីនេះជាដីរួម មិនអាចរំលោភយកតាមអំពើចិត្តនោះទេ។
ជុំវិញករណីនេះ កម្ពុជាថ្មី មិនអាចទំនាក់ទំនងសុំការបំភ្លឺពីលោក វេង សំអាត ដែលប្រជាពលរដ្ឋ និងអាជ្ញាធរភូមិ និងសង្កាត់ចោទប្រកាន់ថារំលោភយកដីចំណីផ្លូវខ្នងប្រឡាយទទឹងថ្ងៃនេះបានទេ ដោយអ្នកយាមនៅទីនោះប្រាប់ថាមេរបស់គេជាប់រវល់៕
អត្ថបទ៖ ឧត្តរ៉ា
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង