ព័ត៌មានជាតិ
លម្អិតសាច់រឿងឃាតកម្មវាយសម្លាប់បុរសម្នាក់នៅបឹងទំពុនទាំងកណ្តាលអធ្រាត្រ
សមត្ថកិច្ចបានឃាត់ខ្លួនបុរស២នាក់ ពាក់ព័ន្ធករណីឃាតកម្មវាយសម្លាប់បុរសម្នាក់កាលពីវេលាម៉ោង ១៖៣០ នាទីរំលងអធ្រាត្រថ្ងៃទី ២៥ ខែឧសភា ស្ថិតនៅត្រង់ចំណុចផ្លូវលំ ក្រុម២ ភូមិសន្សំកុសល៣ សង្កាត់បឹងទំពន់ទី១ ខណ្ឌមានជ័យ រាជធានីភ្នំពេញ។
ករណីឃាតកម្មនេះ បង្កឡើងដោយបុរសជនសង្ស័យឈ្មោះ កែវ យិនភី ហៅ តួ អាយុ ២៧ ឆ្នាំ មានទីលំនៅ ភូមិត្នោតជ្រុំ៣ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ មានមុខរបរជាអ្នករត់ម៉ូតូកង់បីឥណ្ឌា (មានផ្ទុកសារធាតុញៀន) និងបក្ខពួកម្នាក់ទៀតឈ្មោះ រ៉េត បញ្ញា ហៅ ម៉ុក អាយុ ២៤ឆ្នាំ មានទីលំនៅភូមិ ៣ សង្កាត់បឹងសាឡាង ខណ្ឌទួលគោក រាជធានីភ្នំពេញ ជាកម្មករមើលម៉ូតូនៅផ្សារបឹងទំពុន ក៏មានផ្ទុកសារធាតុញៀន។
ចំណែកឯបុរសជនរងគ្រោះមានឈ្មោះ ម៉ុក អង្គាររស្មី អាយុ ៣៥ឆ្នាំ មានទីលំនៅផ្ទះជួល ផ្លូវបេតុង ភូមិសន្សំកុសល៣ សង្កាត់បឹងទំពុនទី១ ខណ្ឌមានជ័យ រាជធានីភ្នំពេញ មុខរបរមិនពិតប្រាកដ។
ស្នងការរាជធានីភ្នំពេញ បានឱ្យដឹងថា កាលពីវេលាម៉ោង១៖៣០ នាទី រំលងអាធ្រាត្របុរសជនសង្ស័យឈ្មោះ កែវ យិនភី និងរ៉េត បញ្ញា បានផឹកស្រាបៀរអស់ម្នាក់ចំនួន ០២ កំប៉ុងនៅមុខផ្សារបឹងទំពុន ពេលផឹករួចក៏បើកម៉ូតូកង់បីឥណ្ឌារបស់ខ្លួនឡើងទៅលើផ្លូវ ២៧១ ក៏បានប្រទះឃើញបុរសជនរងគ្រោះឈ្មោះ ម៉ុក អង្គាររស្មី កំពុងជិះម៉ូតូកង់បីខ្មែរ ដែលធ្លាប់មានទំនាស់ជាមួយ ជនសង្ស័យឈ្មោះ កែវ យិនភី ប្រមាណកន្លះខែមុន។
បន្ទាប់មកជនរងគ្រោះ ម៉ុក អង្គារស្មីបានចុះពីលើម៉ូតូកង់បីខ្មែរមកប្រតាយប្រតប់គ្នាជាមួយជនសង្ស័យឈ្មោះ កែវ យិនភី ខណៈនោះជនរងគ្រោះបានរត់ទៅយកបន្ទះឈើប្រវែង ១ម៉ែត្រ មកវាយជនសង្ស័យឈ្មោះ កែវ យិនភី ឱ្យរបួសដៃខាងឆ្វេង បន្ទាប់មកឈ្មោះ រ៉េត បញ្ញា បានចូលទៅជួយបក្ខពួកខ្លួនស្រាប់តែជនរងគ្រោះបានរត់ចេញហើយទៅវាយកញ្ចក់មុខម៉ូតូកង់បីឥណ្ឌារបស់ជនសង្ស័យឈ្មោះ កែវ យិនភី ហៅ តួ បណ្តាលឱ្យបែកខ្ទេច ហើយក៏បានរត់គេចខ្លួន ពេលនោះជនសង្ស័យទាំងពីរនាក់ បានបើកម៉ូតូកង់បីឥណ្ឌាដេញតាមពីក្រោយមកដល់នៅចំណុចកើតហេតុ (មុខផ្ទះលេខ ៣១២ ផ្លូវលំ ភូមិ សន្សំកុសល៣ សង្កាត់បឹងទំពន់ទី១ ខណ្ឌមានជ័យ រាជធានីភ្នំពេញ) ក៏បំបុកជនរងគ្រោះពីក្រោយបណ្ដាលឱ្យដួលដាច់ផ្ងារ និងបានយកដុំថ្មទម្រជើងឆ័ត្រវាយបន្ថែមទៀតបណ្តាលឲ្យស្លាប់នៅនឹងកន្លែង ហើយបានបើកម៉ូតូកង់បីឥណ្ឌានោះរត់គេចខ្លួនបាត់តែម្ដង។
លុះព្រឹកឡើងថ្ងៃទី ២៥ ខែឧសភា សពបុរសជនងរងគ្រោះ ត្រូវបានគេប្រទះឃើញដេកស្លាប់នៅក្នុងថ្លុកឈាម មានសភាពរងរបួសបែកក្បាល និងបាក់ជើង បង្កការភ្ញាក់ផ្អើលនៅចំណុចកើតហេតុខាងលើ។
រហូតមកដល់វេលាម៉ោង ០៩ ព្រឹកថ្ងៃដដែល កម្លាំងអធិកាដ្ឋានរនគរបាលខណ្ឌមានជ័យ និងកម្លាំងប៉ុស្តិ៍នគរបាលបឹងទំពន់ទី១ បានសហការជាមួយកម្លាំងការិយាល័យព្រហ្មទណ្ឌកម្រិតធ្ងន់ បានចុះធ្វើការស្រាវជ្រាវឃាត់ខ្លួនជនសង្ស័យទាំងពីរនាក់នៅចំណុចមុខផ្សារបឹងទំពុន ភូមិសន្សំកុសល៣ សង្កាត់បឹងទំពន់ទី១ ខណ្ឌមានជ័យ បានតែម្តង។
នៅពេលឃាត់ខ្លួនជនសង្ស័យទាំង ០២នាក់ខាងលើ សមត្ថកិច្ចជំនាញបានធ្វើការចាប់យកវត្ថុតាង ៖ ម៉ូតូកង់បីឥណ្ឌាចំនួន ០១ គ្រឿង ពណ៌ស និងដុំថ្មទម្រជើងឆ័ត្រចំនួន ០១ ដុំ។
ក្នុងពេលនោះឈ្មោះ វ៉ាត ចាន់កេសី ភេទ ស្រី អាយុ ៣៩ ឆ្នាំ (ត្រូវជាមីងរបស់ជនរងគ្រោះ) បានមកដាក់ពាក្យបណ្តឹងនៅស្នាក់ការនគរបាលប៉ុស្តិ៍បឹងទំពន់ទី១ឲ្យសមត្ថកិច្ចចាត់ការតាមច្បាប់ ចំណែកឯសពជនរងគ្រោះឈ្មោះ ម៉ុក អង្គាររស្មី បានប្រគល់ឲ្យក្រុមគ្រួសារ យកទៅធ្វើបុណ្យតាមប្រពៃណីនៅវត្តចាក់អង្រែក្រោម សង្កាត់ ចាក់អង្រែក្រោម ខណ្ឌ មានជ័យ រាជធានីភ្នំពេញ។
បច្ចុប្បន្នជនសង្ស័យទាំង ០២នាក់ កំពុងឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងបញ្ជូនទៅតុលាការចាត់ការបន្តតាមនីតិវិធីច្បាប់៕
អត្ថបទ៖ ឡេង ដេត
បណ្ឌិត យង់ ពៅ សំណូមពរដល់ជនល្បីៗជួយផ្សព្វផ្សាយពីល្បែងប្រជាប្រិយខ្មែរឱ្យបានច្រើនជាងការលេងបាញ់ទឹក
ទំនាយឆ្នាំ២០២៥របស់លោកយាយ Baba Vanga ក្លាយជាការពិតមួយហើយ
Kim Soo Hyun ប្រឈមបញ្ហាធំក្នុងអាជីព ត្រូវគេដកកិច្ចសន្យាចោលខ្ទេច ក្រោយសន្និសីទចប់ភ្លាមៗ
រដ្ឋបាល ត្រាំ និង Elon Musk ភ័យខ្លួន ក្រោយបេក្ខជនចៅក្រមរបស់ខ្លួនចាញ់ឆ្នោត
ពលរដ្ឋមីយ៉ាន់ម៉ាជាង៣លាននាក់ ត្រូវជម្លៀសខ្លួន ព្រោះគ្រោះរញ្ជួយដី និងសង្គ្រាមស៊ីវិល
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
ទូកទេសចរណ៍ផ្ទុកមនុស្ស ៣៦នាក់ ផ្ទុះឆេះនៅ ថៃ
រដ្ឋមន្ត្រីការពារជាតិ ណែនាំឲ្យបង្កើតក្រុមប្រឹក្សាវិន័យដើម្បីពិនិត្យរាល់ទង្វើរបស់បុគ្គលឈ្មោះ ឈាវ មុន្នីន
អ្នកជំនាញព្រមានថា ថៃ ប្រឈមកើតរញ្ជួយដីថែមទៀត តែមិនដឹងពេលណានិងកន្លែងណា
-
ព័ត៌មានអន្ដរជាតិ៥ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានជាតិ២២ ម៉ោង agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ២៣ ម៉ោង agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
សន្តិសុខសង្គម៦ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៥ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម២ ថ្ងៃ agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ចរាចរណ៍១ ថ្ងៃ agoរថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
សន្តិសុខសង្គម៥ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ