ព័ត៌មានជាតិ
អាយុមិនដល់ ២០ ឆ្នាំផង ឆក់ទូរសព្ទបានមួយថ្ងៃ ប៉ូលិសក្របួចជាប់
ភ្នំពេញ៖ នគរបាលផ្នែកព្រហ្មទណ្ឌ នៃអធិការដ្ឋាននគរបាលខណ្ឌកំបូល ស្រាវជ្រាវឃាត់ខ្លួនជនសង្ស័យ ២នាក់ ពាក់ព័ន្ធករណី អំពើលួចមានស្ថានទម្ងន់ទោស ដោយការប្រព្រឹត្តអំពើហិង្សា (ឆក់យកទូរស័ព្ទដៃ) នៅចំណុចតាមផ្លូវជាតិលេខ៤ ភូមិត្រពាំងទួល សង្កាត់កំបូល ខណ្ឌកំបូល រាជធានីភ្នំពេញ។
ជនសង្ស័យទាំង ២នាក់ ដែលត្រូវឃាត់ខ្លួន ក្នុងអំពើឆក់ទូរសព្ទ ១.ឈ្មោះ គង់ សម្បត្តិ ហៅ ខ្មៅ ភេទប្រុស អាយុ ១៨ឆ្នាំ មុខរបរ មិនពិតប្រាកដ ស្នាក់នៅភូមិព្រៃកុដ សង្កាត់កំបូល ខណ្ឌកំបូល រាជធានីភ្នំពេញ មានសារធាតុញៀន។ ២.ឈ្មោះ ឡាង ផាណាន់ ភេទប្រុស អាយុ ១៩ឆ្នាំ មុខរបរកម្មករសំណង់ ស្នាក់នៅផ្ទះគ្មានលេខ ផ្លូវបេតុងភូមិតាសេក សង្កាត់កំបូល ខណ្ឌកំបូល រាជធានីភ្នំពេញ មានសារធាតុញៀន។
ដោយឡែកជនរងគ្រោះឈ្មោះ លន់ ស៊ីវឡាង ភេទស្រី អាយុ ២៣ឆ្នាំ មុខរបរ កម្មកររោងចក្រ ស្នាក់នៅផ្ទះគ្មានលេខ ផ្លូវបេតុង ភូមិព្រៃបឹង សង្កាត់កន្ទោក ខណ្ឌកំបូល រាជធានីភ្នំពេញ។
នគរបាលផ្នែកព្រហ្មទណ្ឌ នៃអធិការដ្ឋាននគរបាលខណ្ឌកំបូល ប្រាប់ឲ្យដឹងថា កាលពីថ្ងៃទី២២ ខែឧសភា ឆ្នាំ២០២១ វេលាម៉ោងប្រហែល ១៨ និង ៤៥នាទី ជនរងគ្រោះ ឈ្មោះ លន់ ស៊ីវឡាង ភេទស្រី អាយុ ២៣ឆ្នាំ និងគូដណ្តឹងឈ្មោះ យ៉ែម សុភិរ័ក្ស បានជិះម៉ូតូ ម៉ាកស្កុបពី ពណ៌ស ស៊េរី ០២១ ចេញពីផ្សារជម្ពូវ័ន្ត ត្រឡប់មកផ្ទះ ភូមិព្រៃបឹង សង្កាត់កន្ទោក ដោយជនរងគ្រោះ បានទុកទូរស័ព្ទ ម៉ាក អាយហ្វូន ៧ផ្លើស នៅក្នុងហោប៉ៅខោខាងមុខ ចំហៀងខាងឆ្វេង ដោយដាក់ចូលបានពាក់កណ្ដាល ហើយពាក់កណ្តាលទៀតនៅខាងក្រៅ ពេលជិះមកដល់ចំណុច ខាងកើតវត្តកំបូលប្រហែល ១៥០ម៉ែត្រ ស្រាប់តែមានជនសង្ស័យ ២នាក់ ជិះម៉ូតូ ១គ្រឿង ម៉ាក និច ពណ៌ទឹកមាស ពាក់ផ្លាកលេខ ព្រៃវែង 1P-3033 តាមពីក្រោយម៉ូតូរបស់ជនរងគ្រោះ ហើយវ៉ាមកទន្ទឹមខាងឆ្វេងដៃម៉ូតូ របស់ជនរងគ្រោះ ហើយជនសង្ស័យដែលអង្គុយក្រោយ បានប្រើដៃស្ដាំលូកចាប់ទាញយកទូរស័ព្ទដៃជនរងគ្រោះបានសម្រេច រួចបន្ថែមល្បឿនម៉ូតូគេចខ្លួន ។ ភ្លាមនោះ ជនរងគ្រោះបានស្រែកថា «ចោរៗ» គូដណ្ដឹង របស់ជនរងគ្រោះបានបើកម៉ូតូដេញតាមពីក្រោយដែរ តែដេញមិនទាន់ បន្ទាប់មកជនរងគ្រោះបានមកដាក់ពាក្យ បណ្ដឹងស្រាវជ្រាវនៅប៉ុស្តិ៍នគរបាលរដ្ឋបាលកំបូល។
ប្រភពព័ត៌មានប្រាប់បន្តថា បន្ទាប់ពីទទួលពាក្យបណ្តឹងពីជនរងគ្រោះ នៅថ្ងៃទី២៤ និងថ្ងៃទី២៥ ខែឧសភា ឆ្នាំ២០២១ សមត្ថកិច្ចបានស្រាវជ្រាវ ឈានទៅឃាត់ខ្លួនជនសង្ស័យ ទាំង ២នាក់ ជាបន្តបន្ទាប់ រួមទាំងដលហូតវត្ថុតាងទូរស័ព្ទដៃរបស់ជនរងគ្រោះ ម៉ាក អាយហ្វូន ៧ផ្លើស ប្រគល់ជូនជនរងគ្រោះវិញផងដែរ ។
ចំពោះករណីនេះ សមត្ថកិច្ចនគរបាលខណ្ឌកំបូល បានកសាងសំណុំរឿងបញ្ជូនទៅកាន់សាលាដំបូង រាជធានីភ្នំពេញ នាព្រឹកថ្ងៃទី២៧ ខែឧសភា ឆ្នាំ២០២១ ដើម្បីផ្តន្ទាទោសតាមច្បាប់ ៕
អត្ថបទ៖ រ៉ាវុទ្ធ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ