ព័ត៌មានជាតិ
សមត្ថកិច្ចផាកពិន័យរថយន្តតាក់ស៊ី៤២គ្រឿង និងកង់បីឥណ្ឌា១គ្រឿង ដែលសម្រុកទៅដឹកកម្មករ នៅអតីតតំបន់ក្រហម
អ្នករត់តាក់ស៊ីចំនួន៤២គ្រឿង និងអ្នករត់កង់បីឥណ្ឌា១គ្រឿង ដែលបានសម្រុកទៅដឹកកម្មកររោងចក្រនៅអតីតតំបន់ក្រហម ស្ថិតនៅសង្កាត់ចោមចៅ២ ខណ្ឌពោធិ៍សែនជ័យកាលពីសប្តាហ៍ទី១នៃខែឧសភា ឆ្នាំ២០២១ ត្រូវបានសមត្ថកិច្ចផាកពិន័យអន្តរកាល ដោយសារអ្នកទាំងនោះ បានល្មើសនឹងបម្រាមរបស់រាជរដ្ឋាភិបាល។
លោកវរសេនីយ៍ឯក សាន សុខសីហា អ្នកនាំពាក្យស្នងការដ្ឋាននគរបាលរាជធានីភ្នំពេញបានមានប្រសាសន៍នៅថ្ងៃទី២៧ ខែឧសភានេះថា «កាលពីម្សិលមិញពេលល្ងាចអនុវត្តតាម លោក អភិបាលខណ្ឌ បានឱ្យអ្នករត់តាក់ស៊ី៤២នាក់នោះ ទៅបង់ការផាកពិន័យអន្តរកាល នៅច្រកចេញចូលតែមួយនៅខណ្ឌ។ ប៉ុន្តែក្នុងចំណោមនោះ មានរថយន្តចំនួន៣៥គ្រឿង និងកង់បីឥណ្ឌា១គ្រឿង បានបង់ការពិន័យរួចនិងនៅសល់រថយន្ត៧គ្រឿងទៀត នៅមិនទាន់បានមកបង់ការផាកពិន័យនៅឡើយ»។
លោកវរសេនីយ៍ឯក បានបន្តទៀតថា ចំពោះកម្មករកម្មការិនីចំនួន៤៧នាក់ ដែលល្មើសនឹងបម្រាមដែរនោះ ត្រូវបានអនុញ្ញាតចេញពីមណ្ឌលចត្តាឡីស័ក អនុវិទ្យាល័យគោកបញ្ជាន់ ក្នុងខណ្ឌពោធិសែនជ័យរួចរាល់ហើយ បន្ទាប់ពីពួកគេបានធ្វើចត្តាឡីស័ករយៈពេល១៤ថ្ងៃនិងធ្វើការអប់រំណែនាំរួចមក។ លោកវរសេនីយ៍ឯក បានបញ្ជាក់ថា កម្មករទាំងអស់មានចំនួន៤៩នាក់ ក្នុងនោះមាន២នាក់ ត្រូវបានរកឃើញវិជ្ជមានកូវីដ១៩ ហើយបានបញ្ជូនទៅព្យាបាលរួចរាល់ហើយដែរ។
គួរបញ្ជាក់ថា កាលពីវេលាម៉ោង១២និង៣០នាទីថ្ងៃទី០៨ ខែឧសភា ឆ្នាំ២០២១ មានករណីកម្មករកម្មការិនីរស់នៅតំបន់ក្រហម ក្នុងសង្កាត់ចោមចៅ២ ខណ្ឌពោធិសែនជ័យ បានទាក់ទងជាមួយរថយន្តឈ្នួលក្នុងគោលបំណង ដើម្បីចេញទៅស្រុកកំណើត។ សមត្ថកិច្ចបានធ្វើការឃាត់សួរនាំដោយមានកម្មកម្មការិនីចំនួន៤៩នាក់ និងធ្វើការឃាត់រថយន្តម៉ាកសាំយ៉ុងចំនួន៤២គ្រឿង និងកង់បីឥណ្ឌាចំនួន១គ្រឿង និងអ្នកបើកបររួមទាំងព្រូឡានសរុបចំនួន៥៥នាក់៕
អត្ថបទ៖ សំអឿន
សូមចុចអាន៖ ពលរដ្ឋចាក់វ៉ាក់សាំងកូវីសែលដូសទី១រួច ត្រូវរួសរាន់ទៅចាក់ដូសទី២ឱ្យបានមុនថ្ងៃទី២០ ខែមិថុនាជាកំហិត
ក្រុមហ៊ុន Smart Axiata ទទូលបានពានរង្វាន់ “បរិយាបន្នឌីជីថល” ពីរឆ្នាំជាប់គ្នាៗ ពីកម្មវិធី AmCham CSR Excellence Awards
ត្រាំ បញ្ជាក់ថា «ពន្ធឱ្យស្មើគ្នា» នឹងដាក់លើគ្រប់ប្រទេសទាំងអស់
ក្រសួង ហាមមិនឱ្យលេងបាញ់ទឹក ជះទឹក លាបម្សៅ តាមសាលារៀនរដ្ឋ និងឯកជន
តំបន់ទេសចរណ៍ល្បី «បឹង Inle» នៅមីយ៉ាន់ម៉ា មានអ្នកស្លាប់កើនដល់៨៩នាក់ក្នុងគ្រោះរញ្ជួយដី
អ៊ីរ៉ង់ តម្រង់ក្បាលមីស៊ីលរបស់ខ្លួនទៅលើមេឃ ក្រោយ ត្រាំ គំរាមទម្លាក់គ្រាប់បែក
មីយ៉ាន់ម៉ា៖ ទឹក៤ដបជួយក្មេងស្រីឲ្យរស់ ទោះជាប់ក្រោមគំនរបាក់បែករហូត៥០ម៉ោង
ខេត្តវៀតណាម ជាប់កម្ពុជា កើតរញ្ជួយដី ៣លើកផ្ទួនៗ តែកម្រិតស្រាល
ក្លិនសាកសពស្អុយរលួយ សាយភាយក្នុងទីក្រុង Mandalay ខណៈតួលេខមនុស្សស្លាប់ នឹងហក់ឡើងខ្ពស់
Update៖ អគ្គិភ័យឆេះនៅខណ្ឌឬស្សីកែវយប់មិញឆេះផ្ទះពលរដ្ឋសរុប១១ខ្នង
តួលេខអ្នកស្លាប់នៅមីយ៉ាន់ម៉ា កើនឡើងជិត ៣ ០០០នាក់ហើយ ព្រោះគ្រោះរញ្ជួយដី
-
ព័ត៌មានអន្ដរជាតិ៣ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ១ ថ្ងៃ agoកើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី