ហិង្សា​វាយ​​ជនរងគ្រោះ​នៅ​ហាង​កាហ្វេ​ប៉ុន្មាន​ថ្ងៃ​មុន ជនដៃដល់​សារភាព​ កើត​ចេញ​ពី​អតីត​នារី​ជា​សង្សារ​ម្នាក់

ករណីប្រេីហិង្សាមុខហាងកាហ្វេផ្អេីលពេញបណ្តាញសង្គមនៅស្រុកព្រៃក្បាសកាល​ពី​ប៉ុន្មាន​ថ្ងៃ​មុន​​ គឺផ្តេីមចេញពីការប្រចណ្ឌ។ ក្រោយចាប់ខ្លួន​ និង​បានបញ្ជូនទៅសាលាដំបូងខេត្តតាកែវ​ នៅព្រឹកថ្ងៃទី៣១​ ខែឧសភា​ ឆ្នាំ២០២១​ ជនសង្ស័យសារភាពថា​ ព្រោះ​តែ​ខឹង​សង្សាខ្លួនទៅទាក់ទងស្រឡាញ់គ្នាជាមួយ​ជនរងគ្រោះ​ ទេីបធ្វេីឲ្យខ្លួនទប់ចិត្តមិនបានក៏ធ្វេីសកម្មភាពហិង្សាតែម្តងទៅ។

លោក​ ឡេងប៊ុនឡុង​ អធិការនគរបាលស្រុកព្រៃកប្បាសបានឲ្យដឹងថា ជនសង្ស័យឈ្មោះ​ អ៊ាង សុខេង​ ភេទប្រុសអាយុ​២៤​ឆ្នាំ រស់នៅភូមិក្តាញ់ ឃុំក្តាញ់ស្រុកព្រៃកប្បាស ខេត្តតាកែវ​ និងបក្ខពួក បានធ្វើសកម្មភាពហិង្សាមានស្ថានទម្ងន់ទោស​កាលពីថ្ងៃទី១៦ខែឧសភា វេលាម៉ោង១៧និង១០នាទី ចំណុចហាងកាហ្វេ១កន្លែង ស្ថិតនៅភូមិកំពែងត្បូង​ ឃុំកំពែង​ ស្រុកព្រៃកប្បាស​ ទៅលើជនរងគ្រោះឈ្មោះ​ សុខ ដារា​ ភេទប្រុសអាយុ១៩ឆ្នាំ។

ក្រោយធ្វើសកម្មភាពរួច ជនសង្ស័យ​​និងគ្នីគ្នាបាននាំគ្នារត់គេចខ្លួន​បាត់​ រហូតមកដល់ថ្ងៃទី២៩ខែឧសភាឆ្នាំ២០២១ នៅចំណុចភូមិកំពុងព្រីង​ សង្កាត់​សិត្បូ​ ក្រុងតាខ្មៅ​ ខេត្តកណ្តាល​ ជនដៃដល់ខាងលេីត្រូវបានឃាត់ខ្លួន​ និងបាននាំមកសាកសួរ​បន្តនៅអធិការដ្ឋាននគរបាល​ស្រុកព្រៃកប្បាស ដើម្បីស្វែងរកបក្ខពួកបន្តទៀត។​

លោក​ ឡេងប៊ុនឡុង​ បានបញ្ជាក់ថា មូលហេតុដែលជនសង្ស័យវាយទៅលើជនរងគ្រោះកើតចេញពីការប្រចណ្ឌនារីម្នាក់ដែលពីមុននាងជាសង្សារបស់ខ្លូន ហើយស្រាប់តែបែកចិត្តមកលួចស្រលាញ់ជនរងគ្រោះ ទើបធ្វើអោយរូបគេខឹងក៍នាំបក្ខពួកមកធ្វើសកម្មភាពតែម្ដងទៅ៕​

អត្ថបទ៖ វីរៈ