ព័ត៌មានជាតិ

ប្រាប់អ្នកផ្ទះថា ទៅចង ក សម្លាប់ខ្លួន តែមិនមានអ្នកជឿ ពេលបាត់យូទៅមើលឃើញស្លាប់មែន

បានផុស

៣ years មុន

នៅ

ថ្ងៃសុក្រ ៤ មិថុនា ២០២១

ដោយ

បុរសម្នាក់សង្ស័យមានជំងឺសរសៃប្រសាទ បានប្រាប់ក្រុមគ្រួសារថា ទៅចង ក សម្លាប់ខ្លួន តែមិនមានអ្នកជឿ ដល់ពេលទៅមើលឃើញចង ក ជាប់នឹងប្រហោងឥដ្ឋខ្យល់ផ្ទះជួលមួយកន្លែង ស្លាប់បាត់បង់ជីវិតទៅហើយ ទើបបង្កឲ្យមានការភ្ញាក់ផ្អើលនាំគ្នាកាត់ទម្លាក់យកសពចុះមកក្រោម ជួយសង្គ្រោះ តែអកុសលជនរងគ្រោះបានស្លាប់បាត់ទៅហើយ។

ហេតុការណ៍នេះ បង្កការភ្ញាក់ផ្អើលកាលពីវេលាម៉ោង៩និង១០នាទីយប់ ថ្ងៃទី៣ ខែមិថុនា ឆ្នាំ២០២១ នៅចំណុចខាងក្រោយផ្ទះជួលមួយកន្លែង ជាប់ផ្ទះជនរងគ្រោះ ខាងក្រោយផ្សារដីហុយ ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សពជនរងគ្រោះមានឈ្មោះ គង់ ចន្ទរស្មី ភេទប្រុស អាយុ៤៣ឆ្នាំ មុខរបររត់ម៉ូតូឌុប ស្នាក់នៅនិងមានស្រុកកំណើតនៅកន្លែងកើតហេតុ។

តាមការរៀបរាប់ពីប្អូនស្រីជនរងគ្រោះ បានប្រាប់ឲ្យដឹងថា បងប្រុសរបស់គាត់ទើបនឹងចេញពីមណ្ឌលកែប្រែរយ:ពេលជាងមួយខែ ដោយបងប្រុសគាត់ធ្លាប់ប្រើប្រាស់គ្រឿងញៀន ទើបយកទៅមណ្ឌលកែប្រែឱកាសខ្ញុំដើម្បីបន្សាបគ្រឿងញៀន។

ប្រភពដដែរបានបន្តទៀតថា ក្រោយពីចេញពីមណ្ឌលវិញ បងប្រុសរបស់គាត់ដូចជាមានបញ្ហាប្រព័ន្ធសរសៃប្រសាទជាប់ខ្លួន ព្រោះកន្លងមក ឲ្យតែបានផឹកស៊ីម្តងៗ បងរបស់គាត់តែងតែរករឿងក្រុមគ្រួសារពីនេះពីនោះរហូតមិនចេះចប់ឡើយ។ ហើយមុនកើតហេតុ បងប្រុសរបស់គាត់បានប្រាប់ក្រុមគ្រួសារថា ទៅចង ក សម្លាប់ខ្លួន តែមិនមានអ្នកជឿ លុះដល់ម៉ោងកើតហេតុ ក៏នាំគ្នាដើរទៅមើលឃើញជនរងគ្រោះបានយកអាវដែលពាក់ជាប់នឹងខ្លួន យកមកចង ក ជាប់នឹងប្រហោងឥដ្ឋខ្យល់ ក្រោយផ្ទះជួល ស្លាប់បាត់បង់ជីវិតទៅហើយ ទើបបង្កឱ្យមានការភ្ញាក់ផ្អើល ហើយរាយការណ៍ជូនសមត្ថកិច្ចរួចនាំគ្នាកាត់អាវទម្លាក់យកសពចុះមកក្រោម ដើម្បីសង្គ្រោះបឋម អស់រយៈពេលជាងកន្លះម៉ោងទើបដឹងថា ជនងគ្រោះបានស្លាប់បាត់បង់ជីវិតទៅហើយ។

ក្រោយកើតហេតុសមត្ថកិច្ចមូលដ្ឋានបានទំនាក់ទំនងទៅផ្នែកជំនាញចុះមកធ្វើកោសល្យវិច័យនិងឲ្យលោកគ្រូពេទ្យយកសំណាកជនរងគ្រោះពិនិត្យដើម្បីងាយស្រួលប្រគល់ជូនឲ្យសាច់ញាតិធ្វើបុណ្យតាមប្រពៃណី៕

អត្ថបទ ៖ សុខា