ពលរដ្ឋមានជីវភាពខ្វះខាតចំនួន៥គ្រួសារ ទទួលបានអំណោយពីសប្បុរសធម៌

ប្រជាពលរដ្ឋ៥គ្រួសារដែលមានជីវភាពលំបាកខ្វះខាតនៅក្នុងកាល:ទេស: ការពារ ទប់ស្កាត់ការឆ្លងរីករាលដាលមេរោគ កូវីដ១៩ ស្ថិតនៅសង្កាត់ស្រយូវ ក្រុងស្ទឹងសែន ខេត្តកំពង់ធំ បានទទួលអំណោយពីសប្បុរសជន ។

ពិធីចែកអំណោយ ដោយមានការចូលរួមលោកស្រី អៃ ណារី លោក ជ្រូក សុតន្ធា លោក ឃឹម ប៊ុនថេង លោក អ៊ូ ស៊ុនហៀង លោក ឈុន ចាន់ណាល់ និងមេភូមិ មេឃុំចូលរួម នៅរសៀលថ្ងៃទី១០ ខែមិថុនា ឆ្នាំ២០២១ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រជាពលរដ្ឋក្រីក្រទាំង៥គ្រួសារ មានជីវភាពខ្វះខាតបានទទួលអំណោយក្នុងមួយគ្រួសារមាន អង្ករ២៥គ.ក មីមួយកេស ទឹកស៊ីអ៊ីវ មួយយួរ ទឹកត្រី មួយយួរ ត្រីខ កំប៉ុង មួយយួរ ប្រេងឆាមួយដប ទឹក ដោះគោខាប់មួយកំប៉ុង ថវិកា៥០០០០​រៀល អំណោយទាំងនេះគឺបានមកពីសម្បុរសជនចិត្តធម៌ ដែលបានចែករំលែកទ្រព្យធនជួយគ្នាក្នុងគ្រាលំបាក។

លោក អ៊ូ ស៊ុនហៀង ថ្លែងថា បាននេះគឺជាការចែករំលែកស្បៀងអាហារ និងថវិកាខ្លះសម្រាប់ការជួយគ្នាក្នុងគ្រាលំបាក ខណៈពេលដែលប្រទេសជាតិ ក៏ដូចជាពិភពលោកកំពុងតែជួបវិបត្តិ ការឆ្លងរាត្បាតជម្ងឺកូវិដ១៩ ទើបបានចូលរួមចំណែកជាមួយរាជរដ្ឋាភិបាល នាំយកអំណោយតិចតួច មកជូនពលរដ្ឋដើម្បីជួយដោះស្រាយជីវភាពប្រចាំថ្ងៃមួយរយះ។

ក្នុងឨកាសនេះដែរលោក អ៊ូ ស៊ុនហៀង រួមទាំងអាជ្ញាធរបានសំណូមពរឲ្យបងប្អូនប្រជាពលរដ្ឋចូលរួមការពារ ទប់ស្កាត់ ការឆ្លងរីករាលដាលមេរោគកូវិដ ១៩ ដោយអនុវត្តវិធានការ ៣កុំ៣ការពារ របស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណា ចក្រកម្ពុជា៕

អត្ថបទ ៖ ប៊ុន រដ្ឋា