លេចចេញជំងឺកម្រ Monkeypox នៅប្រទេស វែលស៍

មន្ត្រីសុខាភិបាលបាននិយាយថា ករណីចំនួនពីរនៃជំងឺអុតស្វាយ (Monkeypox) ត្រូវបានគេរាយការណ៍ នៅភាគខាងជើងប្រទេសវែលស៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេវាសុខភាពសាធារណៈវែលស៍ (PHW) បាននិយាយថា ប្រជាជនបានឆ្លងរោគនេះនៅបរទេស ហើយមានអ្នកជំងឺពីរនាក់មកពីគ្រួសារតែមួយ។

ទាំង PHW និងសេវាសុខភាពសាធារណៈអង់គ្លេស (PHE) កំពុងឃ្លាំមើលករណីទាំងនេះ។

អ្នកពិគ្រោះយោបល់របស់ PHW លោក Richard Firth បាននិយាយថា “ករណីនៃជំងឺ Monkeypox នេះ គឺជាព្រឹត្តិការណ៍ដ៏កម្រមួយនៅក្នុងចក្រភពអង់គ្លេស ប៉ុន្តែមិនមានហានិភ័យខ្លាំងក្លាដល់ប្រជាជនទូទៅទេ”។

សកម្មភាពត្រូវបានធ្វើឡើងដើម្បីកាត់បន្ថយលទ្ធភាព នៃការឆ្លងបន្ថែមទៀត។

រោគអុតស្វាយប្រភេទនេះ គឺជាជំងឺដ៏កម្រមួយដែលបង្កឡើងដោយវីរុស Monkeypox ហើយត្រូវបានគេរាយការណ៍ភាគច្រើន នៅក្នុងបណ្តាប្រទេសអាហ្វ្រិកកណ្តាលនិងខាងលិច។

Monkeypox ត្រូវបានគេចាត់ទុកថាជាស្ថានភាពស្រាលក្នុងករណីភាគច្រើន ដែលនឹងមិនមានផលប៉ះពាល់រយៈពេលវែងចំពោះសុខភាពទេ ហើយត្រូវចំណាយពេលពីរបីសប្តាហ៍ដើម្បី ជាសះស្បើយ ដោយមិនចាំបាច់ព្យាបាល។

វាអាចបង្កឲ្យមានកន្ទួលរមាស់ បន្ថែមពីលើរោគសញ្ញាដំបូងដែលរួមមានដូចជាគ្រុនក្តៅ ឈឺក្បាល ឈឺសាច់ដុំ ហើមកូនកណ្តុរ គ្រុនញាក់ អស់កម្លាំងនិងឈឺខ្នង៕

ប្រែសម្រួល៖ Vann Vann

ប្រភព៖ Sky

ចុចអាន៖ ជំងឺចម្លែក កម្របំផុតក្នុងពិភពលោក ត្រូវបានគេរកឃើញនៅ វៀតណាម