ព័ត៌មានជាតិ

បើកវគ្គបំប៉នស្ដីពីនីតិវិធី និងយន្តការនៃការបើកផ្ដល់សម្រាប់កម្មវិធីជំនួយសង្គមជាសាច់ប្រាក់ដល់ពលរដ្ឋក្រោយពេលបិទខ្ទប់

បានផុស

៥ years មុន

នៅ

ថ្ងៃចន្ទ ១៤ មិថុនា ២០២១

ដោយ

ភ្នំពេញ ៖ លោកសុខ ប៊ុនថា អនុរដ្ឋលេខាធិការក្រសួងសង្គម កិច្ច អតីតយុទ្ធជន និងយុវនីតិសម្បទាបានថ្លែងនូវការជំរុញឲ្យក្រុមការងារជំនាញបន្តសហការជាមួយអាជ្ញាធរមូលដ្ឋានក្នុងការស្រង់អំពីទិន្នន័យគ្រួសារគោលដៅពាក់ព័ន្ធវិបត្តិគ្រួសារដោយសារកូវីដ១៩នេះ ធ្វើឡើងសម្រាប់កម្មវិធីជំនួយសង្គមជាសាច់ប្រាក់ក្រោយពេលបិទខ្ទប់ និងសម្រាប់ប្រជាពលរដ្ឋ និងគ្រួសារប្រជាពលរដ្ឋមានការលំបាកផ្នែកជីវភាព, ប្រជាពលរដ្ឋ និងគ្រួសារប្រជាពលរដ្ឋដែលមានអ្នកឆ្លងជំងឺកូវីដ-១៩ និងមានការលំបាកផ្នែកជីវភាពនិងគ្រួសារប្រជាពលរដ្ឋ ដែលមានអ្នកស្លាប់ដោយសារជំងឺកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកអនុរដ្ឋលេខាធិការថ្លែងបែបនេះនៅព្រឹកថ្ងៃច័ន្ទ ៥កើត ខែបឋមសាឍ ឆ្នាំឆ្លូវ ត្រីស័ក ព.ស.២ ៥៦៥ ត្រូវនឹងថ្ងៃទី១៤ ខែមិថុនា ឆ្នាំ២០២១ ក្នុងពេលបើកវគ្គបំប៉ន សេចក្ដីណែនាំស្ដីពីនីតិវិធី និងយន្តការនៃការបើកផ្ដល់សម្រាប់កម្មវិធីជំនួយសង្គមជាសាច់ប្រាក់ ក្រោយពេលបិទខ្ទប់សម្រាប់ប្រជាពលរដ្ឋ និងគ្រួសារប្រជាពលរដ្ឋមានការលំបាកផ្នែកជីវភាព ប្រជាពលរដ្ឋ និងគ្រួសារប្រជាពលរដ្ឋដែលមានអ្នកឆ្លងជំងឺកូវីដ-១៩ និងមានការលំបាកផ្នែកជីវភាព និងគ្រួ សារប្រជាពលរដ្ឋដែលមានអ្នកស្លាប់ដោយសារជំងឺកូវីដ-១៩ ក្នុងព្រឹត្តិការណ៍ ២០ កុម្ភៈ ២០២១ នៅទីស្ដីការក្រសួង។

លោកសុខ ប៊ុនថា អនុរដ្ឋលេខាធិការក្រសួងសង្គម កិច្ច អតីតយុទ្ធជន និងយុវនីតិសម្បទាបានថ្លែងថា វគ្គបំប៉នមានសារៈសំខាន់ណាស់សម្រាប់ក្រុមការងារក្នុងការចុះស្រង់អំពីទិន្នន័យគ្រួសារគោលដៅពាក់ព័ន្ធវិបត្តិគ្រួសារដោយសារកូវីដ១៩នេះធ្វើឡើងសម្រាប់កម្មវិធីជំនួយសង្គមជាសាច់ប្រាក់របស់រាជរដ្ឋាភិបាលក្រោយពេលបិទខ្ទប់ និងសម្រាប់ប្រជាពលរដ្ឋ និងគ្រួសារប្រជាពលរដ្ឋមានការលំ បាកផ្នែកជីវភាព, ប្រជាពលរដ្ឋ និងគ្រួសារប្រជាពលរដ្ឋដែលមានអ្នកឆ្លងជំងឺកូវីដ-១៩ និងមានការលំបាកផ្នែកជីវភាពនិងគ្រួសា រប្រជាពលរដ្ឋដែលមានអ្នកស្លាប់ដោយសារជំងឺកូវីដ-១៩ ក្នុងព្រឹត្តិការណ៍ ២០ កុម្ភៈ ២០២១៕

ដោយ ៖ វិមាន