ព័ត៌មានជាតិ
កសិករចិញ្ចឹមកង្កែបក្នុងស្រុកកំពុងជួបបញ្ហាគ្មានទីផ្សារ ខណៈកង្កែបនាំចូលមានតម្លៃទាបជាង
ជំងឺកូវីដ១៩ដែលបានបន្តអូសបន្លាយពេលនៅក្នុងប្រទេសកម្ពុជា កំពុងតែបង្ករការលំបាកដល់កសិករចិញ្ចឹមកង្កែបក្នុងស្រុក ដែលផលិតកង្កែបបានហើយប៉ុន្តែពិបាកលក់លើទីផ្សារ ម្យ៉ាងដោយសារការធ្លាក់ចុះចំនួនភ្ញៀវទេសចរណ៍ និងម្យ៉ាងទៀតដោយសារកង្វះភាពប្រកួតប្រជែងចំពោះតម្លៃលើទីផ្សារ។
កសិករចិញ្ចឹមកង្កែបវ័យ៣៨ឆ្នាំម្នាក់ ឈ្មោះ ជុន ចូន រស់នៅក្នុងស្រុកប្រាសាទបាគង ខេត្តសៀមរាប បានប្រកបរបរចិញ្ចឹមកង្កែបរយៈពេល៣ឆ្នាំហើយ ជាមួយនឹងអាងចិញ្ចឹមកង្កែបសរុបចំនួន៣០អាង។
លោកជុន ចូន បានរៀបរាប់ថា បច្ចុប្បន្នលោកសល់កង្កែបចំនួនជាង១តោនដែលប្រឈមនឹងការខាតបង់ ប្រសិនបើតម្លៃនៅលើទីផ្សារបច្ចុប្បន្នទាបជាងថ្លៃដើមផលិត។ កាលពីឆ្នាំមុនតម្លៃកង្កែបស្រស់មួយគីឡូលក់ក្នុងតម្លៃចន្លោះពី៧,៥០០ ទៅ ៨,៥០០ រៀល ប៉ុន្តែឥឡូវយើងអាចលក់តែក្នុងតម្លៃ៦,០០០ ទៅ ៦,៥០០ រៀលប៉ុណ្ណោះ។
កសិកររូបនេះបានបន្តថា «តម្លៃកង្កែបធ្លាក់ថ្លៃ គឺដោយសារតែកូវីដ១៩ដែលធ្វើឱ្យភ្ញៀវទេសចរណ៍ថយចុះ ដូច្នេះតម្រូវការក៏មិនច្រើនដូចមុនដែរ។ ម្យ៉ាងទៀត ការនាំចូលកង្កែបពីក្រៅដែលមានតម្លៃទាបជាង ក៏បានបង្កផលប៉ះពាល់ដល់អ្នកចិញ្ចឹមកង្កែបក្នុងស្រុកយើងដែរ។»
តម្លៃកង្កែបនាំចូលដែលមានតម្លៃទាបជាងតម្លៃកង្កែបចិញ្ចឹមក្នុងស្រុក បានក្លាយជាបញ្ហាប្រឈមដល់បណ្ដុំកសិករចិញ្ចឹមកង្កែបមួយកន្លែងទៀតក្នុងខេត្តសៀមរាប ដែលមានសមាជិក២០នាក់។ យោងតាមសមាជិកមួយរូបនៃបណ្ដុំកសិករចិញ្ចឹមកង្កែបនេះ បានឱ្យដឹងថាបច្ចុប្បន្នពួកគាត់សល់កង្កែបចំនួន១៥តោនដែលចាល់លក់មិនចេញ ដោយសារតែពិបាកប្រកួតប្រជែងតម្លៃជាមួយកង្កែបនាំចូល ដែលមានតម្លៃទាបចន្លោះពី ៥,៥០០ ទៅ ៦,០០០ រៀលក្នុងមួយគីឡូក្រាម។
ទាក់ទងនឹងបញ្ហាទីផ្សារកង្កែបនេះ បណ្ដុំកសិករចិញ្ចឹមកង្កែបសូមស្នើដល់ក្រសួងកសិកម្ម រុក្ខាប្រមាញ់ និងនេសាទ ជួួយកាត់បន្ថយការនាំចូលកង្កែបពីក្រៅដើម្បីអាចជួយសង្រ្គោះកសិករក្នុងស្រុក ដោយសារតម្លៃកង្កែបក្នុងស្រុកពិបាកប្រកួតប្រជែងជាមួយកង្កែបនាំចូល។
យោងតាមសេចក្ដីប្រកាសព័ត៌មានរបស់ក្រសួងកសិកម្ម រុក្ខាប្រមាញ់ និងនេសាទ មូលហេតុចម្បងដែលនាំឱ្យមានបញ្ហាទីផ្សារ គឺដោយសារតែទីមួយមិនមានការព្រមព្រៀងណាមួយរវាងអ្នកចិញ្ចឹមកង្កែបក្នុងស្រុក និងអ្នកគាំទ្រការនាំចូល រួមទាំងបណ្ដាញអ្នកគាំទ្រទាំងពីរភាគីនេះ និងទីពីរដោយសារតែការផលិតនៅក្នុងស្រុកមានតម្លៃថ្លៃដើមខ្ពស់។
ដោយផ្អែកលើតម្រូវការ និងទីផ្សារក្នុងពេលបច្ចុប្បន្ន ក្រសួងលើកទឹកចិត្តប្រជាពលរដ្ឋឱ្យអនុវត្តគម្រោងវារីវប្បកម្ម ពិសេសការចិញ្ចឹមកង្កែបក្នុងថង់ប្លាស្ទិកដោយប្រើរយៈពេលខ្លី ចំណាយដើមទុនតិច និងទទួលបានប្រាក់ចំណូលខ្ពស់នៅតាមខេត្តគោលដៅចំនួន១១ និងខេត្តទទួលរងគ្រោះជំនន់ទឹកភ្លៀងចំនួន៤នាពេលកន្លងមក៕
អត្ថបទ៖ វ៉ាត វិន
-
ព័ត៌មានជាតិ២២ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល