ព័ត៌មានជាតិ
វិបត្តិកូវីដ មានតែ ៤ ប្រទេសនិងកោះតៃវ៉ាន់ មានជើងហោះហើរជាប្រចាំមកប្រទេសកម្ពុជា
ជំងឺកូវីដបានធ្វើឲ្យប៉ះពាល់ដល់វិស័យអាកាសចរណ៍របស់ប្រទេសកម្ពុជា។ បច្ចុប្បន្ននេះ មានតែគោលដៅ ៤ ប្រទេស និងកោះតៃវ៉ាន់ ដែលមានជើងហោះហើរជាប្រចាំមកប្រទេសកម្ពុជា តាមរយៈអាកាសយានដ្ឋានអន្តរជាតិភ្នំពេញ។
បើតាមផេកផ្លូវការរបស់ក្រុមហ៊ុន Cambodia Airport បានបញ្ជាក់ថា កម្ពុជាមានជើងហោះហើរជាប្រចាំទៅកាន់ប្រទេសចិន សិង្ហបុរី កូរ៉េខាងត្បូង វៀតណាម រួមទាំងកោះតៃវ៉ាន់។
ជើងហោះហើរទៅកាន់ប្រទេសចិនមានច្រើនជាងគេដោយភ្ជាប់ទៅទីក្រុងធំៗមាន ប៉េកាំង ឆឹងឌូ ក្វាងចូវ គុនមីង សៀងហៃ សិនជិន និងសៀមេន។ ចំណែកជើងហោះហើរទៅប្រទេស ៣ ទៀតមានកូរ៉េខាងត្បូង វៀតណាម សិង្ហបុរី និងកោះតៃវ៉ាន់។
លោក ជា អូន រដ្ឋលេខាធិការអាកាសចរស៊ីវិលបានបញ្ជាក់ថា បច្ចុប្បន្ននេះកម្ពុជាពុំទាន់ទទួលបានភ្ញៀវទេសចរបរទេសនៅឡើយទេ ដោយសារតែជំងឺកូវីដ១៩ ហើយភ្ញៀវដែលមកភាគច្រើនពាក់ព័ន្ធជាមួយការងារ ឬមុខជំនួយ។
លោកបញ្ជាក់ថា នៅក្នុងមួយថ្ងៃ អាកាសយានដ្ឋានអន្តរជាតិភ្នំពេញមានជើងហោះហើរត្រឹមតែ ៤ទៅ៥ជើងប៉ុណ្ណោះ ខណៈដែលចំនួនភ្ញៀវបានតែ៨០នាក់ ទៅ១០០នាក់។
បើតាមអ្នកនាំពាក្យអាកាសចរស៊ីវិល មុនផ្ទុះជំងឺកូវីដ ១៩ កម្ពុជាទទួលជើងហោះហើរពី១០០ ទៅ ១៥០ជើងក្នុងមួយថ្ងៃ។
គួរបញ្ជាក់ថា ក្នុងឆ្នាំ ២០២០ វិស័យអាកាសចរណ៍របស់កម្ពុជាមានការធ្លាក់ចុះខ្លាំងជាង ៩០ ភាគរយ។ ឆ្នាំ២០២១ នេះ ស្ថានភាពអាកាសចរណ៍របស់ប្រទេសកម្ពុជានៅតែជួបវិបត្តិ ខណៈដែលជំងឺកូវីដបន្តរាតត្បាតពេញសកលលោកនាំឲ្យប៉ះពាល់ដល់ការធ្វើដំណើរ និងខាតបង់សេដ្ឋកិច្ចជាតិយ៉ាងធ្ងន់ធ្ងរ៕
អត្ថបទ៖ ប៊ុណ្ណរ៉ា
-
ព័ត៌មានអន្ដរជាតិ២៤ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ