ព័ត៌មានជាតិ

ដើមខែកក្កដា សិល្បករខ្មែរបន្តបន្ទាប់រងគ្រោះ រហូតមានអ្នកស្លាប់ដោយសារកូវីដ១៩

បានផុស

៥ years មុន

នៅ

ថ្ងៃអាទិត្យ ៤ កក្កដា ២០២១

ដោយ

ភ្នំពេញ៖ ចូលដល់ដើមខែកក្កដាឆ្នាំ២០២១ភ្លាម គេសង្កេតឃើញមានអ្នកសិល្ប:ភេទទី៣ម្នាក់ស្លាប់ និង២នាក់ទៀតឆ្លងជំងឺកូវីដ-១៩ ខណៈមានពលរដ្ឋរាប់ពាន់នាក់ទៀតបានរងគ្រោះដោយសារជំងឺដ៏កាចសាហាវមួយនេះ។

បើយោងតាមព័ត៌មានដែលក្រុមការងារកម្ពុជាថ្មីទទួលបានពីតារាសិល្បករខ្មែរដែលបានឆ្លងកូវីដ និងក៏មានអ្នកស្លាប់មាន៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីមួយ តារាកំប្លែងនិងសម្តែងភេទទី៣ សុភា នុប ហៅម៉ែ ពាង បានទទួលមរណភាពដោយសារកូវីដ-១៩ កាលពីថ្ងៃទី០១ខែកក្កដាឆ្នាំ២០២១ បន្ទាប់ពីឆ្លងជំងឺនេះធ្ងន់ធ្ងរ។ ទីពីរគឺតារាចម្រៀងមានសម្លេងស្រដៀងកញ្ញា សុខ ពិសី គឺលោក រ៉េត បូរ៉ា។ តារាប្រុសលោក រ៉េត បូរ៉ា បានប្រកាសថាខ្លួនបានធ្វើតេស្តវិជ្ជមានជំងឺកូវីដ-១៩កាលពីថ្ងៃទី២៩ខែមិ ថុនាឆ្នាំ២០២១កន្លងទៅនេះ ហើយក៏ត្រូវបានក្រុមគ្រូពេទ្យបញ្ចូនទៅកន្លែងសម្រាកព្យាបាលនៅអាគារដឺព្រេមៀសែនសុខម្តុំផ្សាទំនើបអ៊ីអនពីរ។

ចំណែកសិល្បករខ្មែរទី ៣ ដែលរងគ្រោះគឺតារាសម្តែងប្រុសរូបសង្ហាគ្រងតំណែងតួឯកក្នុងរឿង«មនុស្សហ្សឺរ៉ូ»លោក ព្រីន បានប្រកាសកាលពីយប់ថ្ងៃទី០២ខែកក្កដា ឆ្នាំ២០២១ថា ខ្លួនបានធ្វើតេស្តរកឃើញវិជ្ជមានជំងឺកូវីដ-១៩។
តារាប្រុសរូបសង្ហារូបនេះ បានបញ្ជាក់ថា លោកបានចាក់ថ្នាំវ៉ាក់សាំងលើកទី២រួចរាល់ហើយនៅតែឆ្លង។

លោកក៏អំពាវនាវដល់គ្រប់គ្នាប្រុងប្រយ័ត្ន ពីព្រោះជំងឺនេះមើលមិនឃើញអាចឆ្លងបានគ្រប់ពេល បើទោះបីបានចាក់វ៉ាក់សាំងរួចក៏ដោយ៕

អត្ថបទ៖ ចាន់រ៉ា

Related Topics:ព័ត៌មានខ្លីៗ សិល្បករខ្មែរ

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា