ព័ត៌មានជាតិ

ឃុំ២ក្នុងស្រុករុក្ខគីរី ត្រូវខ្យល់កន្ត្រាក់បោកបក់ខូចខាតធ្ងន់ស្រាល ផ្ទះប្រជាពលរដ្ឋចំនួន៥៧ខ្នង

បានផុស

៥ years មុន

នៅ

ថ្ងៃអាទិត្យ ៤ កក្កដា ២០២១

ដោយ

យ៉ាងហោចណាស់ ក៏មានផ្ទះប្រជាពលរដ្ឋជាច្រើនខ្នង ត្រូវបានរងផលប៉ះពាល់ពីគ្រោះធម្មជាតិដែលបង្កឡើងដោយខ្យល់កន្ត្រាក់ ខណៈមានភ្លៀងធ្លាក់១មេ កាលពីល្ងាចថ្ងៃទី០៣ ខែកក្កដា ឆ្នាំ២០២១វេលាម៉ោង០៣:៣៥នាទី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រោះធម្មជាតិខាងលើ បានកើតឡើងក្នុងស្រុករុក្ខគីរី ក្នុងភូមិសាស្ត្រខេត្តបាត់ដំបង ខណៈមានភ្លៀងធ្លាក់១មេ នៅក្នុងស្រុក១នេះ លាយឡំខ្យល់កន្ត្រាក់បោកបក់ខ្លាំងបានក្របដណ្ដប់លើឃុំចំនួន២នៃស្រុក១នេះ បណ្តាលឲ្យផ្ទះពលរដ្ឋចំនួន៥៧ខ្នង រងផលប៉ពាល់ធ្ងន់និងស្រាល។

បើតាមរបាយការណ៍ពីសមត្ថកិច្ចក្នុងមូលដ្ឋានបានឲ្យដឹងថា ឃុំចំនួន២ដែលបានរងគ្រោះពីខ្យល់កន្ត្រាក់រួមមាន៖ ក្នុងឃុំព្រៃត្រឡាចមានផ្ទះពលរដ្ឋ ដែលរងការខូចខាតចំនួន៤៤ខ្នង ក្នុងនោះរបើកដំបូលនិងខូចខាតស័ង្កសីអស់៤៤៤សន្លឹក របើកក្បឿងខូចអស់ចំនួន៤០១សន្លឹកព្រមទាំងបែកពាងទឹកអស់០៤ផង។ ក្នុងឃុំព្រែកជីករងការខូចខាតផ្ទះរបស់ប្រជាពលរដ្ឋអស់ចំនួន១៣ខ្នងផ្ទះ ក្នុងនោះប៉ើងធ្នាក់ពីលើជើងតាង០១ខ្នង របើកស័ង្កសីខូចអស់១០១សន្លឹក របើកក្បឿងខូចអស់១០០សន្លឹក តែមិនបង្កឲ្យមានមនុស្សណាម្នាក់រងគ្រោះថ្នាក់នោះទេ។

ចំពោះមុខអាជ្ញាធរនិងសមត្ថកិច្ចពាក់ព័ន្ធ ក្នុងមូលដ្ឋានកំពុងជួយជួសជុលជូនពលរដ្ឋជាបណ្តើរៗ តាមដែលអាចជួយបាននិងធ្វើរបាយការណ៍ជូនថ្នាក់ស្រុកនិងខេត្ត ដើម្បីជ្រាបនិងជួយដោះស្រាយដល់ពលរដ្ឋរងគ្រោះតាម ដែលអាចជួយបាន ខណៈដែលពួកគាត់មួយចំនួនខ្វះលទ្ធភាពជួសជុលដោយខ្លួនឯងបាន៕

អត្ថបទ៖ សៅ សារិទ្ធ