ព័ត៌មានជាតិ
អ្នកនាំពាក្យថា ការបញ្ជាទិញវ៉ាក់សាំងប្រឆាំងកូវីដមានគ្រប់គ្រាន់ហើយសម្រាប់កម្ពុជា
មន្ត្រីជាន់ខ្ពស់ក្រសួងសុខាភិបាល បានឱ្យដឹងថា ការបញ្ជាទិញវ៉ាក់សាំងការពារជំងឺកូវីដ១៩សម្រេចបានតាមផែនការលទ្ធកម្មក្នុងការទិញវ៉ាក់សាំង ខណៈដែលវ៉ាក់សាំងដែលជាការបញ្ជាទិញ មានគ្រប់គ្រាន់ហើយសម្រាប់កម្ពុជានៅឆ្នាំនេះ។
លោកស្រី យក់ សម្បត្តិ រដ្ឋលេខាធិការក្រសួងសុខាភិបាល បានប្រាប់អ្នកសារព័ត៌មាន នៅថ្ងៃទី ០៦ ខែកក្កដានេះថា កម្ពុជាមិនខ្វះវ៉ាក់សាំងចាក់នោះទេ ក្រសួងបានធ្វើលទ្ធកម្មវ៉ាក់សាំង ខណៈដែលផែនការគឺនៅសល់វ៉ាក់សាំងបរិបូរ។
លោកស្រីបញ្ជាក់ថា នៅក្នុងខែកក្កដានេះ មានវ៉ាក់សាំង ៥ លានបន្ថែមទៀត នឹងមកដល់បន្តបន្ទាប់ដែលជាការបញ្ជាទិញ គឺនៅថ្ងៃទី ១០ នឹងមកដល់ ៤ លាន ហើយចុងខែកក្កដា នឹងមាន១លានទៀត ខណៈខែសីហា នឹងមាន៤ លានដូសទៀត។
លោកជំទាវថ្លែងថា “សម្រាប់ខែ៧ នេះ យើងនៅសល់ ៤ លាននៅថ្ងៃ១០ នឹងមក ហើយចុងខែ មួយលានទៀត ហើយខែ៨ នឹងមកទៀត ដូច្នេះការបញ្ជាទិញវ៉ាក់សាំងគឺគ្រប់គ្រាន់ហើយសម្រាប់កម្ពុជា”។
កម្ពុជាចំណាយថវិការប្រមាណ ១៧០ លានដុល្លារ ក្នុងការបញ្ជាទិញវ៉ាក់សាំងការពារកូវីដ១៩ ពីប្រទេសចិន។
អនុគណៈកម្មការតាមដាន និងវាយតម្លៃនៃគណៈកម្មការចំពោះកិច្ចចាក់វ៉ាក់សាំងកូវីដ១៩ ក្នុងក្របខណ្ឌទូទាំងប្រទេស បានឱ្យដឹងថា គិតត្រឹមថ្ងៃទី ៥ ខែកក្កដា អ្នកចាក់វ៉ាក់សាំងបានកើនដល់ ៤,៦ លាននាក់ ស្មើនឹង ៤៦ ភាគរយ ខណៈកំពុងសម្រុកចាក់នៅតាមបណ្តារទីប្រជុំជន និងខេត្តដែលមានហានិភ័យ៕ ដោយ៖ ឡេង ដេត
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ