ព័ត៌មានជាតិ

ជនបររទេសម្នាក់ត្រូវបានឃាត់ខ្លួន ក្រោយបំផ្លិចបំផ្លាញទូរATM

បានផុស

៦ years មុន

នៅ

ថ្ងៃសៅរ៍ ២១ វិច្ឆិកា ២០២០

ដោយ

កម្លាំងនគរបាលការិយាល័យព្រហ្មទណ្ឌកំរិតស្រាល នៃក្រសួងមហាផ្ទៃ បានឃាត់ខ្លួនជនសង្ស័យបរទេសម្នាក់ពាក់ព័ន្ធករណី បំផ្លិចបំផ្លាញទ្រព្យសម្បត្តិរបស់ធនាគារភ្នំពេញពាណិជ្ជ(ទូរATM)។

ក្នុងប្រតិបត្តិការនេះដោយមានការចង្អុលបង្ហាញពី លោក ឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ បញ្ជាអោយ កម្លាំងជំនាញការិយាល័យព្រហ្ឌកំរិតស្រាល ដឹកនាំផ្ទាល់ដោយលោកឧ.ទោ ប៉ាល់ សុធី អនុប្រធាននាយកដ្ឋានទទួលផែន បានធ្វើការស្រាវជ្រាវស៊ើបអង្កេត រហូតឈានដល់ការកំណត់មុខ និងឃាត់ខ្លួនជនសង្ស័យនៅថ្ងៃ១៩ ខែវិច្ឆិកា ឆ្នាំ២០២០ ចំណុច សណ្ឋាគារអាខ្វារៀស សង្កាត់ចតុមុខ ខណ្ឌដូនពេញ រារាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនសង្ស័យមានឈ្មោះ CHRISTOPER TERENCE BOWMAN ភេទប្រុស អាយុ៤៥ឆ្នាំ ជនជាតិអាមេរិក កាន់លិខិតឆ្លងដែនលេខ ៥៦៥៨៦២២១៥។

នគរបាលជំនាញបានបញ្ជាក់អោយដឹងថាឆ្លងតាមការសាកសួរ ជនសង្ស័យបានសារភាពថា កខ្លួនពិតជាបាន វាយបំផ្លិចបំផ្លាញម៉ាសុីន និងទ្វារទូរអេធីអុឹម របស់ធនាគារភ្នំពេញពាណិជ្ជ ពិតប្រាកដមែន ។

បច្ចុប្បន្ន ជនសង្ស័យត្រូវបានការិយាល័យជំនាញ កសាងសំណុំរឿងបញ្ជូន ទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធី។

គួរំលឹកផងដែរកាលពីថ្ងៃទី១៦ ខែវិច្ឆិកា ឆ្នាំ២០២០ ការិយាល័យព្រហ្មទណ្ឌកំរិតស្រាល នៃក្រសួងមហាផ្ទៃ បានទទួលពាក្យបណ្តឹងពីជនរងគ្រោះ ដែលជាប្រធានសាខាធនាគារភ្នំពេញពាណិជ្ជ សាខាផ្សារថ្មី ពាក់ព័ន្ធករណី បំផ្លិចបំផ្លាញទ្រព្យសម្បត្តិរបស់ធនាគារភ្នំពេញពាណិជ្ជ(ទូរATM) ត្រង់ចំណុចផ្លូវព្រះសុីសុវត្ថិ កែងផ្លូវ១១០ សង្កាត់វត្តភ្នំ ខណ្ឌដូនពេញ រាជធានីភ្នំពេញ៕

ជលសា