ព័ត៌មានជាតិ

អភិបាលរងខេត្តកំពង់ឆ្នាំង ឧបត្ថម្ភគ្រឿងបរិភោគ ជូនវត្តនិគ្រោធារាម ខណៈចូលព្រះវស្សា

បានផុស

៥ years មុន

នៅ

ថ្ងៃចន្ទ ២៦ កក្កដា ២០២១

ដោយ

ឯកឧត្តម អម សុភា អភិបាលរងខេត្តកំពង់ឆ្នាំង បានថ្លែងបែបនេះនាថ្ងៃទី២៦ ខែកក្កដា ឆ្នាំ២០២១ នៅក្នុងបរិវេណវត្តនិគ្រោធារាម ស្ថិតក្នុងឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង ក្នុងឱកាសដែលឯកឧត្តម អញ្ជើញជាអធិបតីភាពក្នុងពិធីផ្សព្វផ្សាយអំពីវិធានការទប់ស្កាត់ការរីករាលដាលនៃជំងឺកូវីដ១៩ ដោយមានការអញ្ជើញចូលរួមពីសំណាក់ ឯកឧត្តម វេជ្ជបណ្ឌិត ប្រាក់ វ៉ុន ប្រធានមន្ទីរសុខាភិបាលខេត្ត ព្រះសង្ឃ អាជ្ញាធរដែនដីនិងប្រជាពលរដ្ឋផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឯកឧត្តម អម សុភា បានមានប្រសាសន៍បន្តថា បច្ចុប្បន្ននេះ ជំងឺកូវីដ១៩ មិនទាន់មានការថយចុះនៅឡើយបានធ្វើឲ្យបណ្តាប្រទេសនៅជុំវិញពិភពលោកមានការឆ្លង និងស្លាប់ជាបន្តបន្ទាប់។ ឯកឧត្តម អម សុភា បានក៏អំពាវនាវដល់ប្រគេនដល់ព្រះសង្ឃនិងប្រជាពលរដ្ឋទាំងអស់ ត្រូវធ្វើអនាម័យជាប់ជាប្រចាំដោយលាងសម្អាតដៃជាមួយសាប៊ូ អាល់កុល ឬ ជែល ដើម្បីសម្លាប់មេរោគមុនពេលប៉ះពាល់នៅលើផ្ទៃមុខនិង ពេលបរិភោគអាហារ ពិសេសអនុវត្តឲ្យបានខ្ជាប់ខ្លួនតាមវិធានការរបស់ប្រមុខរាជរដ្ឋាភិបាល និង ក្រសួងសុខាភិបាល ដើម្បីទាំងអស់គ្នាជៀសផុតពីជំងឺដ៏កាចសាហាវនេះ ។

ឯកឧត្តមវេជ្ជបណ្ឌិត ប្រាក់ វ៉ុន ប្រធានមន្ទីរសុខាភិបាលខេត្តកំពង់ឆ្នាំង បានមានប្រសាសន៍ដោយគូសបញ្ជាក់ថាៈអំពីការចម្លងនៃមេរោគកូវីដ និង វិធីសាស្ត្រទប់ស្កាត់កុំឲ្យឆ្លងគឺការអនុវត្តទៅតាមបច្ចេកទេស និង វិធានការនានារបស់ក្រសួងសុខាភិបាលបានត្រឹមត្រូវ ដូចជាកាលាងសំអាតដៃឲ្យបានញឹកញាប់ជាប់ ការក្សាគំលាតសុវត្ថិភាព ពាក់ម៉ាស គឺពិតជាអាចទប់ស្កាត់បានការចម្លងនៃជំងឺកូវីដ១៩នេះ ប្រកប ដោយប្រសិទ្ធភាពដូចនេះសូមបងប្អូនប្រជាពលរដ្ឋទាំអស់ត្រូវតែអនុវត្តឱ្យបានតឹងរឹងបំផុត។ ចុងបញ្ចប់ឯកឧត្តមបាននាំយកគ្រឿងឧបភោគបរិភោគរបស់ឯកឧត្តម អភិបាលខេត្តប្រគេនដល់ព្រះចៅអធិការវត្តសម្រាប់ផ្គត់ផ្គង់ក្នុងអំឡុងពេលព្រះសង្ឃចូលព្រះវស្សាផងដែរ៕

អត្ថបទ៖ ឈៀងថារឹទ្ធ

Related Topics:អំណោយ ខេត្តកំពង់ឆ្នាំង

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា