ព័ត៌មានជាតិ

រកឃើញអ្នកវិជ្ជមានកូវីដ១៩ លើពលករខ្មែរមកពីថៃ ១៦១នាក់ ក្នុងចំណោម៤៤៩នាក់

បានផុស

៥ years មុន

នៅ

ថ្ងៃចន្ទ ២៦ កក្កដា ២០២១

ដោយ

របាយការណ៍នៅថ្ងៃទី២៥ ខែកក្កដា ឆ្នាំ២០២១ របស់មន្ទីរសុខាភិបាលខេត្តឧត្តរមានជ័យ ដែលបានចុះពិនិត្យស្រាវជ្រាវជំងឺកូវីដ១៩ លើពលករមកពីប្រទេសថៃ តាមច្រកព្រំដែនអន្តរជាតិអូស្មាច់ក្នុងភូមិសាស្ត្រខេត្តឧត្តរមានជ័យ បានរកឃើញក្នុងចំណោមពលករត្រលប់មកពីប្រទេសថៃចំនួន ៤៤៩ នាក់រកឃើញ វិជ្ជមានកូវីដ១៩ ចំនួន ១៦១នាក់។ ជាមួយនេះក្រុមគ្រូពេទ្យបានរកឃើញអ្នកជំងឺចំនួន៣៤នាក់ ជាពលករកំពុងធ្វើចត្តាឡីស័ក នៅក្នុងខេត្តផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពបានឲ្យដឹងថា ក្នុងការពិនិត្យយកសំណាកពលករសរុបចំនួន ៤៤៩នាក់ ស្រី១៩៧នាក់ (អ្នកខេត្តឧត្តរមានជ័យចំនួនសរុប ១៥នាក់ស្រី០៨នាក់) ក្រៅពីនោះ ជាពលករដែលរស់នៅខេត្តប៉ៃលិន។ បន្ទាប់ពីធ្វើការពិនិត្យរួចរាល់គណៈកម្មការប្រយុទ្ធប្រឆាំងកូវីដ១៩ ខេត្តត្រូវបានបញ្ជូនពលករអវិជ្ជមានសរុបចំនួន ២៨៨នាក់ ស្រី១១៥នាក់ទៅខេត្តប៉ៃលិន, ពលករមានវិជ្ជមានកូវីដ១៩ សរុបចំនួន១៦១នាក់ស្រី៨២នាក់ ពីច្រកអូរស្មាច់បញ្ជូនទៅមណ្ឌលព្យាបាលខេត្តប៉ៃលិន។ ពលករជាសះ ស្បើយចំនួន១៥នាក់។ ជាមួយនេះក្រុមគ្រូពេទ្យក៏បានពិនិត្យរថយន្ត១៣៦គ្រឿងអ្នកបើកបរចំនួន ២៣០នាក់នៅ(ច្រកអូរស្មាច់និងច្រកជាំ)សំណាកអ្នកបើកបរ ៩១នាក់លទ្ធផលអវិជ្ជមានទាំងអស់។

សូមបញ្ជាក់ថាគិតត្រឹមថ្ងៃទី២៥ ខែកក្កដានេះ ខេត្តឧត្តរមានជ័យបានរកឃើញជំងឺកូវីដ១៩ ចំនួន ៤,០១០ករណី ក្នុងនោះករណីនាំចូលពីបរទេសចំនួន ៣,៧៣0 ករណីនិងករណីឆ្លងក្នុងសហគមន៍២០កុម្ភៈ ចំនួន២៨០ករណីបានព្យាបាលជាសះស្បើយចំនួន ៦៥៥នាក់កំពុងសម្រាកព្យាបាលចំនួន ៣,៣៤៧នាក់និងស្លាប់ បាត់បង់ជីវិត ៨នាក់ផងដែរ៕

អត្ថបទ៖ ណារី

Related Topics:កូវីដ-១៩

សេចក្ដីជូនដំណឹង៧ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា