ចាប់រថយន្ត១គ្រឿង លួចដឹកមាន់រស់ ចំនួន៧០០ក្បាល ពីប្រទេសថៃ ដោយគ្មានលិខិតអនុញ្ញាត
Connect with us
Helistar Cambodia - Helicopter Charter Services

ព័ត៌មានជាតិ

ចាប់រថយន្ត១គ្រឿង លួចដឹកមាន់រស់ ចំនួន៧០០ក្បាល ពីប្រទេសថៃ ដោយគ្មានលិខិតអនុញ្ញាត

បានផុស

នៅ

(បន្ទាយមានជ័យ)៖ រថយន្ត១គ្រឿង ម៉ាក HYUNDAI ពណ៌ស ជាប្រភទរថយន្តដឹកទំនិញ ចំណុះ៥តោន ពាក់ស្លាកលេខភ្នំពេញ ៣B ៤៩៤២ បានលួចដឹកមាន់រស់ ចំនួន៧០តាកា ស្មើនឹង៧០០ក្បាល ចេញពីប្រទេសថៃ ត្រូវ បានកម្លាំងរបស់លោកតាន់ ផាន់ណារ៉ា ប្រតិភូរាជរដ្ឋាភិបាលកម្ពុជាទទួលបន្ទុក ជាអគ្គនាយក នៃអគ្គនាយកដ្ឋានសុខភាពសត្វ និងផលិតកម្មសត្វ ក្រុមការងារអន្តរាគមន៍បង្ក្រាបបទល្មើសចលនាសត្វ និងផលិតផលមានដើមកំ​ណើតពីសត្វ និងបានសហការជាមួយក្រុមការងារអន្តរាគមន៍ បង្ក្រាបបទល្មើសចលនាសត្វ របស់ការិយាល័យផលិ​តកម្ម និងបសុព្យាបាល នៃមន្ទីរកសិកម្មខេត្ត ចុះស្ទាក់ចាប់បាន នៅចំណុចច្រកខ្លាងាប់ ភូមិខ្លាងាប់ ឃុំទួលពង្រ ស្រុកម៉ាឡៃ ខេត្តបន្ទាយមានជ័យ នៅវេលាម៉ោង១០យប់ ថ្ងៃទី២៨ ខែកក្កដា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហ៊ុយ ទូច ប្រធានការិយាល័យផលិតកម្ម និងបសុព្យបាល នៃមន្ទិរកសិកម្ម រុក្ខាប្រមាញ់ និងនេសាទខេត្តបន្ទាយមានជ័យ បានប្រាប់អ្នកយកព័ត៌មាន ឲ្យដឹងថា ក្រោយពីឃាត់រថយន្តនោះបានហើយ កម្លាំងចម្រុះបានធ្វើការឆែកឆេ ក្នុងរថយន្តបានឃើញសត្វមាន់រស់ ចំនួន៧០តាកា ស្មើនឹង៧០០ក្បាល ដែលនាំចូលពីប្រទេសថៃ តាមច្រករបៀងស្រុកម៉ាឡៃ ខេត្តបន្ទាយមានជ័យ ឆ្ពោះទៅចែកចាយនៅរាជធានីភ្នំពេញ ដោយពុំមានលិខិតអនុញ្ញាតអ្វីទាំងអស់។

បើតាមលោក ហ៊ុយ ទូច បន្ទាប់ពីមន្រ្តីជំនាញ ឃាត់ពិនិត្យរួចរាល់ហើយ បាននាំយករថយន្តល្មើសខាងលើ និងម្ចាស់រថយន្ត ទៅកាន់ការិយាល័យផលិតកម្ម និងបសុព្យាបាលខេត្ត ដើម្បីបង្ខាំងទុកនៅកន្លែងចត្តាឡីស័ក ការិយាល័យស្ថិតនៅក្នុងបរិវេណ មន្ទីរកសិកម្ម រុក្ខាប្រមាញ់ និងនេសាទខេត្តបន្ទាយមានជ័យ ដើម្បីអនុវត្តនីតិវិធីច្បាប់ និងចាត់ការតាមវិធាន ពេទ្យសត្វជាបន្តទៀត៕ (ដោយ)៖ វ៉ាន់ ណាង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

ថ្នាក់ដឹកនាំ​សាលា​ភូមិន្ទ​រដ្ឋបាល ជ្រើស​រើស​យក​វត្ត​អង្គរ​ខាងជើង ជា​ចំណុច​ចាប់ផ្តើម នៃ​គម្រោង​សាកល្បង​ការរៀបចំ​សួន​ទេសភាព វប្បធម៌ វត្ត​អារាម

ព័ត៌មានជាតិ២ ម៉ោង មុន

បណ្ឌិត សេង សារី ថា មាន​សម្តេច ហ៊ុន សែន តែម្នាក់ឯង​គត់ ដែល​បាន​កសាង​ប្រវត្តិសាស្ត្រ​ក្នុងការ​ដោះស្រាយ​ជម្លោះ​នយោបាយ​នៅ​កម្ពុជា

ព័ត៌មានជាតិ២ ម៉ោង មុន

សាខា​កាកបាទក្រហមកម្ពុជា ខេត្តព្រៃវែង បើក​យុទ្ធនាការ «​បាញ់ថ្នាំ​កំចាត់​ជម្រក​មូស​ខ្លា ដើម្បី​ការពារ​ជំងឺគ្រុនឈាម​-​គ្រុន​ឈី​ក​»

ជីវិតកម្សាន្ដ២ ម៉ោង មុន

តារាចម្រៀង រតនៈ វិសាល មានទុក្ខ​ធំ​ព្រោះ​ម្តាយ​ទទួលមរណភាព

នយោបាយ៣ ម៉ោង មុន

គ​.​ជ​.​ប ប្រាប់​ឲ្យ​ដឹង​ពី​លទ្ធផល នៃ​ការពិនិត្យ​បញ្ជី​ឈ្មោះ និង​ការចុះឈ្មោះ​បោះឆ្នោត ឆ្នាំ​២០២១ សម្រាប់​ថ្ងៃទី​៩

Sokha Hotels

ព័ត៌មានពេញនិយម

Helistar Cambodia - Helicopter Charter Services